ಉನ್ನತ ಸ್ಥಾನದ 100ಕ್ಕೂ ಅಧಿಕ ಅಧಿಕಾರಿಗಳು ಭ್ರಷ್ಟರು.. ಸದನದಲ್ಲಿ ಮಾಹಿತಿ ನೀಡಿದ ಸರ್ಕಾರ

ಉನ್ನತ ಸ್ಥಾನದಲ್ಲಿರುವ 100ಕ್ಕೂ ಅಧಿಕ ಅಧಿಕಾರಿಗಳು ಭ್ರಷ್ಟರು ಎಂಬ ಮಾಹಿತಿಯನ್ನ ಚಳಿಗಾಲದ ಅಧಿವೇಶನದಲ್ಲಿ ರಾಜ್ಯ ಸರ್ಕಾರ ಮಾಹಿತಿ ನೀಡಿದೆ.

ಭೋಪಾಲ್​(ಮಧ್ಯಪ್ರದೇಶ): ಭ್ರಷ್ಟಾಚಾರಕ್ಕೆ ಕಡಿವಾಣ ಹಾಕಬೇಕಾಗಿರುವ ಉನ್ನತ ಸ್ಥಾನದ ಅಧಿಕಾರಿಗಳೇ ಭ್ರಷ್ಟಾಚಾರದಲ್ಲಿ ಮುಳುಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ರಾಜ್ಯ ಸರ್ಕಾರ ಅಧಿವೇಶನದಲ್ಲಿ ಖುದ್ದಾಗಿ ಮಾಹಿತಿ ನೀಡಿದೆ.

ಮಧ್ಯಪ್ರದೇಶದಲ್ಲಿ ಚಳಿಗಾಲದ ಅಧಿವೇಶನ ನಡೆಯುತ್ತಿದ್ದು, ಈ ವೇಳೆ ಕಾಂಗ್ರೆಸ್​​​ ಶಾಸಕ ಕೇಳಿರುವ ಪ್ರಶ್ನೆಗೆ ಉತ್ತರ ನೀಡಿರುವ ಸಚಿವರು, ಐಎಎಸ್​ ​ - ಐಪಿಎಸ್​​ ಮತ್ತು ಐಎಫ್​​ಎಸ್​​ನ 100ಕ್ಕೂ ಹೆಚ್ಚು ಅಧಿಕಾರಿಗಳು ಭ್ರಷ್ಟರಾಗಿದ್ದಾರೆ ಎಂಬ ಮಾಹಿತಿ ನೀಡಿದ್ದಾರೆ.

ರಾಜ್ಯ ಸರ್ಕಾರ ನೀಡಿರುವ ಮಾಹಿತಿ ಪ್ರಕಾರ 35 ಐಎಎಸ್​​ ಅಧಿಕಾರಿಗಳ ವಿರುದ್ಧ ಲೋಕಾಯುಕ್ತ ತನಿಖೆ ನಡೆಸುತ್ತಿದ್ದು, 28 ಮಂದಿ ವಿರುದ್ಧ ಇಒಡಬ್ಲ್ಯೂ ಹಾಗೂ 20 ಐಪಿಎಸ್​​ ಮತ್ತು 39 ಐಎಫ್​ಎಸ್​​​​ ಅಧಿಕಾರಿಗಳ ವಿರುದ್ಧ ಭ್ರಷ್ಟಾಚಾರದ ದೂರು ದಾಖಲಾಗಿದೆ ಎಂದು ತಿಳಿಸಿದೆ.

ಇತ್ತೀಚೆಗಷ್ಟೇ ಹಿರಿಯ ಐಎಎಸ್​ ಅಧಿಕಾರಿ ಕಲ್ಪನಾ ಶ್ರೀವಾತ್ಸವ್​ ವರ್ಗಾವಣೆ ವಿಚಾರ ಸುದ್ದಿಯಲ್ಲಿದ್ದು, ತೋಟಗಾರಿಕಾ ನಿರ್ದೇಶಕರ ಹುದ್ದೆಯಿಂದ ವಜಾಗೊಂಡಿರುವ ಮನೋಜ್​ ಅಗರ್ವಾಲ್​ ಹೆಸರು ಇದರಲ್ಲಿ ಕೇಳಿ ಬಂದಿದೆ.

ವಿಧಾನಸಭೆಯಲ್ಲಿ ಸಚಿವರು ನೀಡಿರುವ ಮಾಹಿತಿ ಪ್ರಕಾರ, ಭ್ರಷ್ಟಾಚಾರದಲ್ಲಿ ಕಾಣಿಸಿಕೊಂಡಿರುವ ಅನೇಕ ಅಧಿಕಾರಿಗಳು ಈಗಾಗಲೇ ನಿವೃತ್ತಿ ಹೊಂದಿದ್ದು, ಕೆಲವರು ಅಮಾನತುಗೊಂಡಿದ್ದಾರೆ. ಆದರೆ, ಬಸಂತ್​ ಕುರ್ರೆ, ಲಲಿತ್ ದಹಿಮಾ, ಜೆಡಿಯು ಶೇಖ್, ಅಶೋಕ್ ಕುಮಾರ್, ವೀರೇಂದ್ರ ಕುಮಾರ್​, ಮನೀಶ್ ಸೇಥಿಯಾ, ಪವನ್ ಕುಮಾರ್ ಜೈನ್, ನಿಲಯ್ ಸತ್ಭಯ್ಯಾ, ವಿವೇಕ್ ಸಿಂಗ್, ಪಂಕಜ್ ಶರ್ಮಾ ಸೇವೆ ಸಲ್ಲಿಸುತ್ತಿದ್ದಾರೆಂದು ತಿಳಿಸಿದ್ದಾರೆ.