ಈವರೆಗೂ 10 ಕೋಟಿಗೂ ಹೆಚ್ಚು ಲಸಿಕೆ ಪ್ರಮಾಣ ನೀಡಲಾಗಿದೆ : ಆರೋಗ್ಯ ಸಚಿವಾಲಯ

ಜಾಗತಿಕವಾಗಿ ನೀಡಲಾಗುತ್ತಿರುವ ವ್ಯಾಕ್ಸಿನ್ ಸಂಖ್ಯೆಗೆ ಅನುಗುಣವಾಗಿ, ಭಾರತವು ದಿನಕ್ಕೆ ಸರಾಸರಿ 38,93,288 ಪ್ರಮಾಣಗಳನ್ನು ನೀಡುವುದರೊಂದಿಗೆ ಅಗ್ರಸ್ಥಾನದಲ್ಲಿದೆ..

ನವದೆಹಲಿ :ದೇಶದಲ್ಲಿ ಶುಕ್ರವಾರದವರೆಗೆ ನೀಡಲಾಗುವ ಕೋವಿಡ್ -19 ಲಸಿಕೆ ಪ್ರಮಾಣವು ಒಟ್ಟು 9.80 ಕೋಟಿ ಮೀರಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಇಂದು ತಿಳಿಸಿದೆ.

ಆರೋಗ್ಯ ಸಚಿವಾಲಯದ ಪ್ರಕಾರ, ಒಟ್ಟು 9,80,75,160 ಲಸಿಕೆ ನೀಡಲಾಗಿದೆ. ಕಳೆದ 24 ಗಂಟೆಗಳಲ್ಲಿ ಸುಮಾರು 34 ಲಕ್ಷದಷ್ಟು ವ್ಯಾಕ್ಸಿನೇಷನ್ ನೀಡಲಾಯಿತು. "ದೇಶದಲ್ಲಿ ಈವರೆಗೆ ನೀಡಲಾದ ಒಟ್ಟು ವ್ಯಾಕ್ಸಿನ್ ಪ್ರಮಾಣಗಳಲ್ಲಿ ಶೇ. 60.62ರಷ್ಟು ಎಂಟು ರಾಜ್ಯಗಳದ್ದಾಗಿದೆ" ಎಂದು ಸಚಿವಾಲಯ ತಿಳಿಸಿದೆ.

ಏಪ್ರಿಲ್ 9ರಂದು ವ್ಯಾಕ್ಸಿನೇಷನ್ ಡ್ರೈವ್​ನ 84ನೇ ದಿನ, 34,15,055 ಲಸಿಕೆ ಪ್ರಮಾಣ ನೀಡಲಾಗಿದೆ. ಈ ಪೈಕಿ 30,06,037 ಫಲಾನುಭವಿಗಳಿಗೆ 1ನೇ ಡೋಸ್ ಮತ್ತು 4,09,018 ಫಲಾನುಭವಿಗಳು ಲಸಿಕೆಯ 2ನೇ ಡೋಸ್ ಪಡೆದರು.

ಜಾಗತಿಕವಾಗಿ ನೀಡಲಾಗುತ್ತಿರುವ ವ್ಯಾಕ್ಸಿನ್ ಸಂಖ್ಯೆಗೆ ಅನುಗುಣವಾಗಿ, ಭಾರತವು ದಿನಕ್ಕೆ ಸರಾಸರಿ 38,93,288 ಪ್ರಮಾಣಗಳನ್ನು ನೀಡುವುದರೊಂದಿಗೆ ಅಗ್ರಸ್ಥಾನದಲ್ಲಿದೆ.