Watch: ವಿಮಾನ ನಿಲ್ದಾಣದ Food Plazaದಲ್ಲಿ ಕಪಿ ಚೇಷ್ಟೆ

ಏರ್​ಪೋರ್ಟ್​ಗೆ ಪ್ರವೇಶಿಸಿ ಕೋತಿಯೊಂದು ಫುಡ್ ಪ್ಲಾಜಾದಲ್ಲಿ ಕುಳಿತು ಹಣ್ಣಿನ ರಸವನ್ನು ಕುಡಿಯುತ್ತಿರುವ ವಿಡಿಯೋ ವೈರಲ್​ ಆಗಿದೆ.

ನವದೆಹಲಿ: ದೆಹಲಿಯ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕೋತಿಯೊಂದು ಚೇಷ್ಟೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗಿದೆ.

ಏರ್​ಪೋರ್ಟ್ಗೆ ಪ್ರವೇಶಿಸಿದ ಕೋತಿಯು ಫುಡ್ ಪ್ಲಾಜಾದಲ್ಲಿ ಕುಳಿತು ಹಣ್ಣಿನ ರಸವನ್ನು ಕುಡಿಯುತ್ತಿರುವುದು, ಆಹಾರ ಪದಾರ್ಥಗಳಿಗಾಗಿ ಹುಡುಕಾಡುತ್ತಿರುವುದು ವಿಡಿಯೋದಲ್ಲಿ ಕಂಡು ಬಂದಿದೆ. ಫುಡ್ ಪ್ಲಾಜಾದಲ್ಲಿ ತಿನ್ನುತ್ತಿದ್ದವರೆಲ್ಲಾ ತಿನ್ನೋದನ್ನ ನಿಲ್ಲಿಸಿ ತಮ್ಮ ಮೊಬೈಲ್​ಗಳಲ್ಲಿ ಈ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ.

ಕೆಲ ಸಮಯದ ಬಳಿಕ ಕೋತಿ ಅಲ್ಲಿಂದ ಜಾಗ ಖಾಲಿ ಮಾಡಿದ್ದು, ಯಾರಿಗೂ ಯಾವುದೇ ಹಾನಿ ಮಾಡಿಲ್ಲ ಎಂದು ಹೇಳಲಾಗಿದೆ.