ರೂರ್ಕೆಲಾ (ಒಡಿಶಾ): ಜಗತ್ತಿನಾದ್ಯಂತ ಆಧುನಿಕ ತಂತ್ರಜ್ಞಾನ ಅಳವಡಿಕೆಗೆ ಹೆಚ್ಚು ಮಹತ್ವ ನೀಡಲಾಗುತ್ತಿದೆ. ಇಂದಿನ ದಿನಗಳಲ್ಲಿ ಯಾರಿಗಾದರೂ ಹಣ ಕಳುಹಿಸಬೇಕೆಂದರೆ ಕೇವಲ ಒಂದು ಬಟನ್‌ ಕ್ಲಿಕ್‌ ಮಾಡಿದ್ರೆ ಸಾಕು. ಅದಕ್ಕಾಗಿಯೇ ಆನೇಕ ಆ್ಯಪ್ಗಳೂ ಕೂಡ ಇವೆ. ಆದ್ರೆ, ಒಡಿಶಾದಲ್ಲಿ ಬೆಳಕಿಗೆ ಬಂದ ಘಟನೆಯೊಂದು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ. ಕೇವಲ 100 ಕಿಲೋಮೀಟರ್ ದೂರದಲ್ಲಿರುವ ಸಹೋದರಿಗೆ ಸಹೋದರನೋರ್ವ ಕಳುಹಿಸಿದ್ದ ಮನಿ ಆರ್ಡರ್ ನಾಲ್ಕು ವರ್ಷಗಳ ನಂತರ ತಲುಪಿದೆ.
ಹೌದು, ಸುಮಿತ್ರಾ ಬಿಸ್ವಾಲ್ ಎಂಬುವರು ನವೆಂಬರ್ 26, 2022 ರಂದು 500 ರೂಪಾಯಿಗಳ ಮನಿ ಆರ್ಡರ್ ಪಡೆದುಕೊಂಡಿದ್ದಾರೆ. 2018 ರಲ್ಲಿ ಸಾವಿತ್ರಿ ವ್ರತದ ಸಂದರ್ಭದಲ್ಲಿ ಸುಮಿತ್ರಾ ಅವರ ಸಹೋದರ ಇದನ್ನು ಕಳುಹಿಸಿದ್ದರು ಎಂದು ತಿಳಿದುಬಂದಿದೆ.
ರೂರ್ಕೆಲಾದ ಸೆಕ್ಟರ್ 8 ರ ನಿವಾಸಿ ಪ್ರಮೋದ್ ಪ್ರಧಾನ್ ಎಂಬುವರು ತಮ್ಮ ಸಹೋದರಿಗಾಗಿ ಇಲ್ಲಿನ ಸೆಕ್ಟರ್ 19ರ ಅಂಚೆ ಕಚೇರಿಯಿಂದ 500 ರೂ. ಹಣ ಕಳುಹಿಸಿದ್ದರು. ಆದ್ರೆ ಇದು ಕೇವಲ 100 ಕಿಲೋಮೀಟರ್ ದೂರದಲ್ಲಿರುವ ಸುಂದರ್‌ಗಢ್ ಜಿಲ್ಲೆಯಲ್ಲಿ ನೆಲೆಸಿರುವ ಸುಮಿತ್ರಾ ಬಿಸ್ವಾಲ್ ಅವರ ಕೈ ಸೇರಲು ನಾಲ್ಕು ವರ್ಷ ತೆಗೆದುಕೊಂಡಿದೆ!.