ಭಾರತ್​ ಬಯೋಟೆಕ್​ಗೆ ಭೇಟಿ ಹಿನ್ನೆಲೆ: ಹೈದರಾಬಾದ್​ಗೆ ಮೋದಿ ಆಗಮನ

14:08 November 28

ಬಯೋಟೆಕ್​ ಸಿಬ್ಬಂದಿ ಜತೆ ಮೋದಿ ಸಮಾಲೋಚನೆ

ಬಯೋಟೆಕ್​ ಸಿಬ್ಬಂದಿ ಜತೆ ಮೋದಿ ಸಮಾಲೋಚನೆ

ಈಗಾಗಲೇ ಅಹಮದಾಬಾದ್​ ಘಟಕಕ್ಕೆ ಭೇಟಿ ನೀಡಿ ಬಂದಿರುವ ಪ್ರಧಾನಿ ಈಗ ಹೈದರಾಬಾದ್​​ನಲ್ಲೂ ಲಸಿಕೆ ತಯಾರಿಕೆ ಬಗ್ಗೆ ತಜ್ಞರೊಂದಿಗೆ ಚರ್ಚಿಸುತ್ತಿದ್ದಾರೆ. ಇಲ್ಲಿಂದ ಬಳಿಕ ಪುಣೆಯ ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಲಸಿಕಾ ಕೇಂದ್ರಕ್ಕೆ ತೆರಳಲಿದ್ದಾರೆ. 

14:00 November 28

ಬಯೋಟೆಕ್​ ಸಿಬ್ಬಂದಿ ಜತೆ ಮೋದಿ ಸಮಾಲೋಚನೆ

ಕೋವಿಡ್​​​ ಲಸಿಕೆ ತಯಾರಿಕೆ ಬೆಳವಣಿಗೆಗಳ ಬಗ್ಗೆ ತಿಳಿದುಕೊಳ್ಳಲು ಬಯೋಟೆಕ್​ ಘಟಕಕ್ಕೆ ಭೇಟಿ ನೀಡಿರುವ ಪ್ರಧಾನಿ ಮೋದಿ, ಅಲ್ಲಿನ ಸಿಬ್ಬಂದಿ ಜತೆ ಸಂವಾದ ನಡೆಸುತ್ತಿದ್ದಾರೆ.  ಈಗಾಗಲೇ ಅಹಮದಾಬಾದ್​ ಘಟಕಕ್ಕೆ ಭೇಟಿ ನೀಡಿ ಬಂದಿರುವ ಪ್ರಧಾನಿ ಈಗ ಹೈದರಾಬಾದ್​​ನಲ್ಲೂ ಲಸಿಕೆ ತಯಾರಿಕೆ ಬಗ್ಗೆ ತಜ್ಞರೊಂದಿಗೆ ಮಾತನಾಡುತ್ತಿದ್ದಾರೆ.

13:42 November 28

ಹೈದರಾಬಾದ್​ಗೆ ಆಗಮಿಸಿದ ಮೋದಿ

ಕೋವಿಡ್-19 ಲಸಿಕೆ ಅಭಿವೃದ್ಧಿಯನ್ನು ಪರಿಶೀಲಿಸಲು ಭಾರತ್ ಬಯೋಟೆಕ್​ಗೆ ಭೇಟಿ ನೀಡಲು ಪ್ರಧಾನಿ ನರೇಂದ್ರ ಮೋದಿ ಹೈದರಾಬಾದ್​ಗೆ ಆಗಮಿಸಿದ್ದಾರೆ.

12:55 November 28

ಝೈಡನ್​ ಲಸಿಕಾ ತಂಡವನ್ನು ಅಭಿನಂದಿಸಿದ ಪ್ರಧಾನಿ ಮೋದಿ

ಅಹಮದಾಬಾದ್​​ನ ಝೈಡನ್ ಕೊರೊನಾ ಲಸಿಕಾ ಕೇಂದ್ರದಲ್ಲಿ ಪರಿಶೀಲನೆ ಮುಗಿಸಿ ತೆರಳಿರುವ ಪ್ರಧಾನಿ ನರೇಂದ್ರ ಮೋದಿ ಈ ಕುರಿತು ಟ್ವೀಟ್ ಮಾಡಿದ್ದಾರೆ.  

ಡಿಎನ್‌ಎ ಆಧಾರಿತ ಲಸಿಕೆ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಅಹಮದಾಬಾದ್‌ನ ಝೈಡಸ್​​​​​ ಬಯೋಟೆಕ್ ಪಾರ್ಕ್‌ಗೆ ಭೇಟಿ ನೀಡಿದೆ. ಅವರ ಕೆಲಸಕ್ಕಾಗಿ ಈ ಪ್ರಯತ್ನದ ಹಿಂದಿನ ತಂಡವನ್ನು ನಾನು ಅಭಿನಂದಿಸುತ್ತೇನೆ. ಈ ಪ್ರಯಾಣದಲ್ಲಿ ಅವರನ್ನು ಬೆಂಬಲಿಸಲು ಭಾರತ ಸರ್ಕಾರ ಸಕ್ರಿಯವಾಗಿ ಅವರೊದಿಗೆ  ಕಾರ್ಯನಿರ್ವಹಿಸಲಿದೆ ಎಂದಿದ್ದಾರೆ. 

11:23 November 28

ಅಹಮದಾಬಾದ್ ಲಸಿಕಾ ಕೇಂದ್ರದಿಂದ ಮರಳಿದ ಮೋದಿ

ಝೈಡನ್ ಲಸಿಕಾ ಕೇಂದ್ರದಲ್ಲಿ ಪ್ರಧಾನಿ ಮೋದಿ ಪರಿಶೀಲನೆ ಅಂತ್ಯಗೊಳಿಸಿದ್ದು, ಅಹಮದಾಬಾದ್ ಕೇಂದ್ರದಿಂದ ಮರಳಿದ್ದಾರೆ. ಇದೀಗ ಅಲ್ಲಿಂದ ಹೈದರಾಬಾದ್​ನ ಭಾರತ್ ಬಯೋಟೆಕ್​​​ ಕಂಪನಿಗೆ ತೆರಳಲಿದ್ದಾರೆ.

11:02 November 28

ಝೈಡಸ್​​​ನ ಲಸಿಕಾ ಕೇಂದ್ರದಲ್ಲಿ ಪಿಪಿಇ ಕಿಟ್ ಧರಿಸಿ ಮೋದಿ ಪರಿಶೀಲನೆ

ಝೈಡಸ್​​​ನ ಲಸಿಕಾ ಕೇಂದ್ರದಲ್ಲಿ ಪಿಪಿಇ ಕಿಟ್ ಧರಿಸಿ ಮೋದಿ ಪರಿಶೀಲನೆ ನಡೆಸಿದ್ದಾರೆ. ಲಸಿಕೆ ತಯಾರಿಕಾ ಘಟಕದ ವಿಜ್ಞಾನಿಗಳ ಜೊತೆ ಘಟಕದ ಕಾರ್ಯನಿರ್ವಹಣೆಯ ಕುರಿತಂತೆ ಹಾಗೂ ಲಸಿಕೆಯ ಅಭಿವೃದ್ಧಿ ಹಂತದ ಕುರಿತು ಮಾಹಿತಿ ಪಡೆದಿದ್ದಾರೆ. 

10:07 November 28

ಝಡಸ್​ ಲಸಿಕಾ ಕೇಂದ್ರದಲ್ಲಿ ಮೋದಿ

ಅಹಮದಾಬಾದ್​​ನ ಝಡಸ್​​ ಕೇಂದ್ರದಲ್ಲಿ ವಿಜ್ಞಾನಿಗಳೊಂದಿಗೆ ಮೋದಿ ಸಭೆ

ಝೈಡಸ್​​ ಲಸಿಕಾ ಕೇಂದ್ರ ತಲುಪಿದ ನರೇಂದ್ರ ಮೋದಿ ಅಧಿಕಾರಿಗಳ ಜೊತೆ ಚರ್ಚಿಸುತ್ತಿದ್ದಾರೆ. ಲಸಿಕಾ ಕೇಂದ್ರದಲ್ಲಿನ ತಯಾರಿ ಕುರಿತು ವೀಕ್ಷಿಸಿದ ಬಳಿಕ ಅಧಿಕಾರಿಗಳೊಂದಿಗೆ ಸಮಾಲೋಚನೆ ನಡೆಸುತ್ತಿದ್ದಾರೆ. 

09:17 November 28

ಕೊರೊನಾ ಲಸಿಕೆ ಅಭಿವೃದ್ಧಿ ಮತ್ತು ವಿತರಣಾ ಕೇಂದ್ರದತ್ತ ಹೊರಟ ಪ್ರಧಾನಿ

ಅಹಮದಾಬಾದ್​​​ನ ಕೊರೊನಾ ಲಸಿಕೆ ಅಭಿವೃದ್ಧಿ ಮತ್ತು ವಿತರಣಾ ಕೇಂದ್ರದತ್ತ ಹೊರಟ ಪ್ರಧಾನಿ, ಝೈಡಸ್​​​​​​​​​​ ಬಯೋಟೆಕ್ ಬಳಿಕ ಹೈದರಾಬಾದ್​​ ಹಾಗೂ ಪುಣೆ ತಲುಪಲಿದ್ದಾರೆ. 

07:42 November 28

ಕೊರೊನಾ ಲಸಿಕೆಗಾಗಿ ಶ್ರಮಿಸಿದವರಿಗೆ ಅಭಿನಂದನೆ ಸಲ್ಲಿಸಿದ ಪ್ರಧಾನಿ

ಕೋವಿಡ್​ -19 ಲಸಿಕೆಯ ಅಭಿವೃದ್ಧಿಯ ಬಗ್ಗೆ ಮಾಹಿತಿ ಪಡೆಯಲು ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ಅಹಮದಾಬಾದ್​​​ನ ಝೈಡಸ್​​​​​​​​​ ಬಯೋಟೆಕ್​ ಕಂಪನಿಗೆ ಭೇಟಿ ನೀಡಲಿದ್ದಾರೆ. ಇಲ್ಲಿನ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದು, ಕೆಲವೇ ಹೊತ್ತಿನಲ್ಲಿ ಲಸಿಕ ಕೇಂದ್ರ ತಲುಪಲಿದ್ದಾರೆ.