ಕಾಶ್ಮೀರದಲ್ಲಿ ಮೊಬೈಲ್​ ಇಂಟರ್​ನೆಟ್ ಸೇವೆ ಸ್ಥಗಿತ

ಭದ್ರತೆ, ಸುರಕ್ಷತೆಯ ದೃಷ್ಟಿಯಿಂದ ತಾತ್ಕಾಲಿಕವಾಗಿ ಕಾಶ್ಮೀರದಲ್ಲಿ ಮೊಬೈಲ್​ ಇಂಟರ್​ನೆಟ್ ಸೇವೆಗೆ ಬ್ರೇಕ್​ ಹಾಕಲಾಗಿದ್ದು, ಗಣರಾಜ್ಯೋತ್ಸವ ಆಚರಣೆ ಬಳಿಕ ಜಮ್ಮು ಮತ್ತು ಕಾಶ್ಮೀರ ಆಡಳಿತ ಆದೇಶ ನೀಡಿದ ಮೇಲೆ ಪುನಸ್ಥಾಪನೆಯಾಗಲಿದೆ.

ಶ್ರೀನಗರ (ಜಮ್ಮು-ಕಾಶ್ಮೀರ): ಕಣಿವೆ ರಾಜ್ಯ ಸೇರಿದಂತೆ ದೇಶದಲ್ಲೆಡೆ 72ನೇ ಗಣರಾಜ್ಯೋತ್ಸವ ಆಚರಿಸಲಾಗುತ್ತಿದ್ದು, ಯಾವುದೇ ಅಹಿತಕರ ನಡೆಯದಂತೆ ಮುಂಜಾಗ್ರತಾ ಕ್ರಮವಾಗಿ ಕಾಶ್ಮೀರದಲ್ಲಿ ಮೊಬೈಲ್​ ಇಂಟರ್​ನೆಟ್ ಸೇವೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

ಇದಕ್ಕೂ ಮುನ್ನ, ಜಮ್ಮು ಮತ್ತು ಕಾಶ್ಮೀರ ಆಡಳಿತವು ಗಂಡರ್‌ಬಲ್ ಮತ್ತು ಉದಾಂಪುರ ಹೊರತುಪಡಿಸಿ ಕಣಿವೆ ರಾಜ್ಯದಲ್ಲಿ ಅತಿ ವೇಗದ ಮೊಬೈಲ್ ಡೇಟಾ ಸೇವೆಗಳ ಮೇಲಿದ್ದ ನಿಷೇಧವನ್ನು ಫೆಬ್ರವರಿ 6 ರವರೆಗೆ ವಿಸ್ತರಿಸಿದೆ. ಜನವರಿ 22 ರಿಂದ ಜಮ್ಮು - ಕಾಶ್ಮೀರದ ಇತರ ರಾಜ್ಯಗಳಲ್ಲಿ 2ಜಿ ಸ್ಪೀಡ್​ ಮೊಬೈಲ್ ನೆಟ್​ವರ್ಕ್​ ಬಳಕೆಗೆ ಮಾತ್ರ ಅವಕಾಶ ನೀಡಿ ಗೃಹ ಇಲಾಖೆ ಆದೇಶ ಹೊರಡಿಸಿತ್ತು. ದೇಶ ವಿರೋಧಿ ಹಾಗೂ ಪ್ರಜಗಳಲ್ಲಿ ಹಿಂಸೆಗೆ ಪ್ರಚೋದನೆ ನೀಡುವ ಮಾಹಿತಿಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುವುದನ್ನು ತಡೆಯಲು ಈ ಕ್ರಮ ಕೈಗೊಳ್ಳಲಾಗಿತ್ತು.

ಇದನ್ನೂ ಓದಿ: ಮಂಜುಗಡ್ಡೆಯಂತಾದ ನದಿ ನೀರಿನ ಮೇಲೆ ತ್ರಿವರ್ಣ ಧ್ವಜದೊಂದಿಗೆ ಐಟಿಬಿಪಿ ಯೋಧರ ಮೆರವಣಿಗೆ

ಇದೀಗ ಭದ್ರತೆ, ಸುರಕ್ಷತೆಯ ದೃಷ್ಟಿಯಿಂದ ತಾತ್ಕಾಲಿಕವಾಗಿ ಕಾಶ್ಮೀರದಲ್ಲಿ ಮೊಬೈಲ್​ ಇಂಟರ್​ನೆಟ್ ಸೇವೆಗೆ ಬ್ರೇಕ್​ ಹಾಕಲಾಗಿದೆ.