ಕೋಳಿ ಅಂಕದ ಜಾಗದಲ್ಲೇ Mobile ATM ಸೇವೆ; ಬ್ಯಾಂಕ್‌ ಸೌಕರ್ಯಕ್ಕೆ ಜೂಜಾಡುವವರು ಖುಷ್‌!

ಆಂಧ್ರಪ್ರದೇಶದ ವಿವಿಧ ಸ್ಥಳಗಳಲ್ಲಿ ಕೋಳಿ ಕಾಳಗ ಸ್ಪರ್ಧೆ ನಡೆಸಲಾಗುತ್ತಿದೆ. ಈ ವೇಳೆ ಜೂಜಾಡುವವರ ಅನುಕೂಲಕ್ಕಾಗಿ ಬ್ಯಾಂಕ್‌ವೊಂದು ಸ್ಪರ್ಧೆ ನಡೆಯುವ ಸ್ಥಳಗಳಲ್ಲೇ ಮೊಬೈಲ್​ ಎಟಿಎಂ ಸೌಕರ್ಯ ಕಲ್ಪಿಸಿದ್ದು ಗಮನ ಸಳೆಯಿತು.

ಕೃಷ್ಣ(ಆಂಧ್ರಪ್ರದೇಶ): ಸಂಕ್ರಾಂತಿ ಹಬ್ಬದ ಸಂದರ್ಭದಲ್ಲಿ ಆಂಧ್ರಪ್ರದೇಶದ ಹಳ್ಳಿಗಳಲ್ಲಿ ದೇಶಿ ಕ್ರೀಡೆ ಕೋಳಿ ಕಾಳಗ ಆಯೋಜಿಸಲಾಗುತ್ತದೆ. ಇದಕ್ಕಾಗಿ ಅನೇಕರು ಕೋಟ್ಯಂತರ ರೂಪಾಯಿ ಲೆಕ್ಕದಲ್ಲಿ ಜೂಜು ಕಟ್ಟುತ್ತಾರೆ. ಇಂಥ ಜೂಜುಗಾರರಿಗೆ ಅನುಕೂಲವಾಗುವಂತೆ ಬ್ಯಾಂಕ್​ವೊಂದು ಸ್ಪರ್ಧೆ ನಡೆಯುವ ಸ್ಥಳದಲ್ಲಿ ಮೊಬೈಲ್​ ಎಟಿಎಂ ಸ್ಥಾಪಿಸಿದೆ.

ಕೋಳಿ ಕಾಳಗದಲ್ಲಿ ಭಾಗವಹಿಸುವವರು ಹಣಕ್ಕಾಗಿ ದೂರದ ಪ್ರದೇಶಗಳಲ್ಲಿರುವ ಎಟಿಎಂ ಕೇಂದ್ರಗಳಿಗೆ ಹೋಗುವುದನ್ನು ತಪ್ಪಿಸಲು ಬ್ಯಾಂಕ್‌ ಮೊಬೈಲ್ ಎಟಿಎಂ ಕಲ್ಪಿಸಿವೆ. ಇದರಿಂದ ಜೂಜುಕೋರರು ಫುಲ್ ಖುಷ್​ ಆಗಿದ್ದಾರೆ.

ಕೃಷ್ಣ ಜಿಲ್ಲೆಯ ಮುಸುನೂರು ಮಂಡಲದ ಪುಡಿ ಗ್ರಾಮದಲ್ಲಿ ಕೆಡಿಸಿಸಿ ಬ್ಯಾಂಕ್​ ಎಟಿಎಂ ಸೇವೆ ಸೌಕರ್ಯ ಒದಗಿಸಿಕೊಟ್ಟಿದೆ. ಜೂಜುಕೋರರು ಎಟಿಎಂಗಳಿಂದ ಹಣ ಪಡೆದು ಕೋಳಿ ಕಾಳಗದಲ್ಲಿ ಬೆಟ್ಟಿಂಗ್​ ಆಡ್ತಿದ್ದಾರೆ.