38 ಪತ್ನಿಯರ ಮುದ್ದಿನ ಗಂಡ, 89 ಮಕ್ಕಳ ತಂದೆ, 33 ಮೊಮ್ಮಕ್ಕಳ ಅಜ್ಜ ಇನ್ನಿಲ್ಲ!

ಮಧುಮೇಹ (ಶುಗರ್)​ ಮತ್ತು ಅಧಿಕ ರಕ್ತದೊತ್ತಡ (ಬಿಪಿ)ದಿಂದ ಬಳಲುತ್ತಿದ್ದ ಜಿಯಾನ್​, ಮೂರು ದಿನಗಳ ಕಾಲ ಬಕ್ತಾಂಗ್ ಗ್ರಾಮದಲ್ಲಿರುವ ಅವರ ನಿವಾಸದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಅವರ ಆರೋಗ್ಯ ಸ್ಥಿತಿ ಮತ್ತಷ್ಟು ಬಿಗಡಾಯಿಸಿದಾಗ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಆ ವೇಳೆಗಾಗಲೇ ಅವರು ಮೃತಪಟ್ಟಿದ್ದಾರೆಂದು ವೈದ್ಯರು ಘೋಷಿಸಿದರು.

ಐಜಾಲ್​ (ಮಿಜೋರಾಂ):ವಿಶ್ವದ ಅತಿದೊಡ್ಡ ಕುಟುಂಬದ ವಾರಸ್ದಾರ ಜಿಯಾಂಘಾಕಾ ಅಕಾ ಜಿಯಾನ್​ (76) ಭಾನುವಾರ ನಿಧನರಾಗಿದ್ದಾರೆ. ಇವರು 38 ಪತ್ನಿಯರು, 89 ಮಕ್ಕಳು ಮತ್ತು 33 ಮೊಮ್ಮಕ್ಕಳನ್ನು ಅಗಲಿದ್ದಾರೆ.

ಮಧುಮೇಹ (ಶುಗರ್)​ ಮತ್ತು ಅಧಿಕ ರಕ್ತದೊತ್ತಡ (ಬಿಪಿ)ದಿಂದ ಬಳಲುತ್ತಿದ್ದ ಜಿಯಾನ್​, ಮೂರು ದಿನಗಳ ಕಾಲ ಬಕ್ತಾಂಗ್ ಗ್ರಾಮದಲ್ಲಿರುವ ಅವರ ನಿವಾಸದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಅವರ ಆರೋಗ್ಯ ಸ್ಥಿತಿ ಮತ್ತಷ್ಟು ಬಿಗಡಾಯಿಸಿದಾಗ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಆ ವೇಳೆಗಾಗಲೇ ಅವರು ಮೃತಪಟ್ಟಿದ್ದಾರೆಂದು ವೈದ್ಯರು ಘೋಷಿಸಿದರು.

ಜಿಯಾನ್​ ಅವರ ಅಜ್ಜ 1942 ರಲ್ಲಿ ಹಮಾಂಗ್‌ಕಾವ್​​ನ ಹಳ್ಳಿಯಿಂದ ಬಂದು ಐಜಾಲ್​​ನಲ್ಲಿ ನೆಲೆಯೂರಿದರು. ಅಂದಿನಿಂದ ಈವರೆಗೆ ಇವರ ಕುಟುಂಬ ಈ ಗ್ರಾಮದಲ್ಲಿಯೇ ವಾಸಿಸುತ್ತಿದೆ. ಇವರು ಅನುಸರಿಸುತ್ತಿದ್ದ ಖುವಾಂಗ್ತುಹಾ ಎಂಬ ಪಂಥದಲ್ಲಿ ಬಹುಪತ್ನಿತ್ವ ಪದ್ಧತಿಯಿದೆ. ಹಾಗಾಗಿಯೇ ಇವರು 39 ಮಹಿಳೆಯರನ್ನು ವರಿಸಿದ್ದರು.

ಬಕ್ತಾಂಗ್​ನಲ್ಲಿರುವ ಜಿಯಾನ್​ ಅವರ ನಾಲ್ಕಂತಸ್ತಿನ ಬಂಗಲೆ ಪ್ರಮುಖ ಆಕರ್ಷಣೆಯಾಗಿದೆ.

ಇವರ ನಿಧನಕ್ಕೆ ಸಿಎಂ ಝೊರಮ್​ಥಂಗಾ, ರಾಜ್ಯ ಕಾಂಗ್ರೆಸ್ ಮುಖ್ಯಸ್ಥ ಲಾಲ್ ತನ್ಹಾವ್ಲಾ ಸೇರಿ ಹಲವು ನಾಯಕರು ಸಂತಾಪ ಸೂಚಿಸಿದ್ದಾರೆ.