ಮುಂಬೈ (ಮಹಾರಾಷ್ಟ್ರ): ತನ್ನ ಅನಾರೋಗ್ಯ ಪೀಡಿತ ತಂದೆಗೆ ಲಿವರ್ (ಯಕೃತ್ತು) ದಾನ ಮಾಡಲು ಮುಂದಾಗಿದ್ದ ಬಾಲಕಿಯ ಇಚ್ಛೆಗೆ ಬಾಂಬೆ ಹೈಕೋರ್ಟ್ ಅಸಮ್ಮತಿ ಸೂಚಿಸಿದೆ. ಬಾಲಕಿಯ ಹಿತದೃಷ್ಟಿಯಿಂದ ಲಿವರ್ ದಾನ ಮಾಡಲು ಒಪ್ಪಿಗೆ ನೀಡಲು ಸಾಧ್ಯವಿಲ್ಲ ಎಂದು ಉಚ್ಛ ನ್ಯಾಯಾಲಯ ಹೇಳಿದೆ.
ಬಾಲಕಿಯ ತಂದೆ ಅನೇಕ ವರ್ಷಗಳಿಂದ ಲಿವರ್ ಸಮಸ್ಯೆಯಿಂದ ಬಳಲುತ್ತಿದ್ದು, ತಂದೆಗಾಗಿ ತನ್ನ ಲಿವರ್ ದಾನ ಮಾಡಲು ಇಚ್ಛಿಸಿದ್ದಳು. ಸರ್ಕಾರದ ಅಂಗಾಂಗ ಕಸಿ ಕಾಯ್ದೆಯ ನಿಬಂಧನೆಗಳ ಪ್ರಕಾರ ನಿನಗೆ ಲಿವರ್ ದಾನ ಮಾಡಲು ಅವಕಾಶ ಇಲ್ಲ ಎಂದು ಅಧಿಕಾರಿಗಳ ಸಮಿತಿಯು ಬಾಲಕಿಯ ಮನವಿಯನ್ನು ತಿರಸ್ಕರಿಸಿತ್ತು. ಹೀಗಾಗಿ ಆ ಬಾಲಕಿ ತನ್ನ ತಾಯಿ ಮೂಲಕ ವಕೀಲರ ಸಹಾಯದೊಂದಿಗೆ ಹೈಕೋರ್ಟ್ ಮೊರೆ ಹೋಗಿದ್ದಳು.
ನನ್ನ ತಂದೆಗೆ ಲಿವರ್ ದಾನ ಮಾಡಲು ಅನುಮತಿ ಕೊಡುವಂತೆ ನ್ಯಾಯಾಲಯದ ಮುಂದೆ ಬೇಡಿಕೆ ಮಂಡಿಸಿದ್ದಳು. ಆದರೆ, ನ್ಯಾಯಾಲಯ ಕೂಡ ಬಾಲಕಿಯ ಮನವಿಯಲ್ಲಿ ತಿರಸ್ಕರಿಸಿದೆ. ಬಾಲಕಿಯು ಇನ್ನೂ ಅಪ್ರಾಪ್ತೆಯಾಗಿರುವುದರಿಂದ ದಾನ ಮಾಡುವಂತಿಲ್ಲ ಎಂದು ಸರ್ಕಾರದ ಸಮಿತಿ ಸಹ ಸರ್ಕಾರಕ್ಕೆ ವರದಿ ಸಲ್ಲಿಸಿತ್ತು.
ತಂದೆಯು ಕಡಿತಕ್ಕೆ ದಾಸನಾಗಿರುವುದರಿಂದ ಲಿವರ್ ತೊಂದರೆಯಾಗಿದೆ. ಅಲ್ಲದೇ, ಬಾಲಕಿಯು ಒಬ್ಬಳೆ ಮಗಳಾಗಿದ್ದು, ಭಾವನಾತ್ಮಕ ಒತ್ತಡದಿಂದ ಲಿವರ್ ದಾನ ಮಾಡಲು ಮುಂದಾಗಿದ್ದಾಳೆ. ಶಸ್ತ್ರಚಿಕಿತ್ಸೆಯ ಸಾಧಕ - ಬಾಧಕಗಳ ಬಗ್ಗೆ ತಾಯಿ ಮತ್ತು ಮಗಳಿಗೆ ಸರಿಯಾದ ಮಾಹಿತಿ ಕೊರತೆ ಎಂದು ನ್ಯಾಯಾಲಯಕ್ಕೆ ಸಲ್ಲಿಕೆಯಾದ ವರದಿಯಲ್ಲಿ ತಿಳಿಸಲಾಗಿತ್ತು. ಆದ್ದರಿಂದ ನ್ಯಾಯಾಲಯವು ಇದನ್ನು ಪರಿಗಣಿಸುವುದರೊಂದಿಗೆ ಬಾಲಕಿಯ ಹಿತದೃಷ್ಟಿಯಿಂದ ಲಿವರ್ ದಾನಕ್ಕೆ ಒಪ್ಪಿಗೆ ನೀಡಲು ಸಾಧ್ಯವಿಲ್ಲ ಎಂದು ಹೇಳಿ ಅರ್ಜಿಯನ್ನು ತಿರಸ್ಕರಿಸಿದೆ.
ಇದನ್ನೂ ಓದಿ:ನ್ಯಾಯದ ನಿರಾಕರಣೆ ಅರಾಜಕತೆಗೆ ಕಾರಣವಾಗಲಿದೆ: ಸಿಜೆ ರಮಣ ಆತಂಕ
