ಹರಿಯಾಣದಲ್ಲಿ ಭೂಕಂಪ... ನಡುಗಿದ ದೆಹಲಿ

ಹರಿಯಾಣ ಹಾಗೂ ದೆಹಲಿಯಲ್ಲಿ ಸೋಮವಾರ ರಾತ್ರಿ ಲಘು ಭೂಕಂಪ ಸಂಭವಿಸಿದೆ.

ನವದೆಹಲಿ: ಹರಿಯಾಣದ ಝಜ್ಜಾರನಲ್ಲಿ ಲಘು ಭೂಕಂಪ ಸಂಭವಿಸಿದೆ. ಹಾಗೆಯೇ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿಯೂ ಭೂಮಿ ಕಂಪಿಸಿದ ಅನುಭವ ಆಗಿದೆ. ದೆಹಲಿ, ಗುರುಗ್ರಾಮ ಮತ್ತು ಎನ್​ಸಿಆರ್​ ಕೆಲ ಭಾಗಗಳಲ್ಲಿ ಸೋಮವಾರ ರಾತ್ರಿ 10.40ರ ಸುಮಾರಿಗೆ ಭೂಮಿ ನಡುಗಿದೆ.

ಝಜ್ಜಾರದಲ್ಲಿ ಲಘು ಭೂಕಂಪವಾಗಿದ್ದು, ರಿಕ್ಟರ್ ಮಾಪಕದಲ್ಲಿ 3.7 ತೀವ್ರತೆ ದಾಖಲಾಗಿದೆ ಎಂದು ಎನ್​ಸಿಎಸ್​ ಮಾಹಿತಿ ನೀಡಿದೆ. ಹಾಗೆಯೇ ರಾತ್ರಿ 8.20ಕ್ಕೆ ಮಣಿಪುರದ ಥೋಬಲ್​ನಲ್ಲಿ 2.8 ತೀವ್ರತೆಯ ಭೂಕಂಪ ದಾಖಲಾಗಿತ್ತು.

ಭೂಕಂಪದಿಂದ ಯಾವುದೇ ಹಾನಿ ಸಂಭವಿಸಿಲ್ಲ.