ಭೋಪಾಲ್‌ (ಮಧ್ಯಪ್ರದೇಶ):ಭೋಪಾಲ್‌ನಲ್ಲಿ ರೈಲ್ವೆ ಹಳಿಗಳ ನಡುವೆ ಸಿಲುಕಿದ್ದ ಮುಸ್ಲಿಮೇತರ ಬಾಲಕಿಯ ಜೀವವನ್ನು ಉಳಿಸಲು, ಮೆಹಬೂಬ್ ಖಾನ್ ಎಂಬ ವ್ಯಕ್ತಿ ತಮ್ಮ ಪ್ರಾಣವನ್ನು ಲೆಕ್ಕಿಸದೇ ಮುಂದಾಗಿದ್ದಾರೆ. ಇದಕ್ಕೆ ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗಿದೆ.
ನಾನು ಯಾವ ಧರ್ಮ ಎಂಬುದನ್ನು ನೋಡಿ ಸಹಾಯ ಮಾಡಲಿಲ್ಲ. ಯಾರೋ ತೊಂದರೆಯಲ್ಲಿದ್ದಾರೆ ಮತ್ತು ಆ ಹೆಣ್ಣು ಮಗಳಿಗೆ ನನ್ನ ಸಹಾಯ ಬೇಕಿದೆಂದು ಭಾವಿಸಿ ಸಹಾಯ ಮಾಡಿದ್ದೇನೆ. ಅವಕಾಶವಿದ್ದರೆ ಮತ್ತು ಯಾರಿಗಾದರೂ ಸೇವೆ ಸಲ್ಲಿಸಲು ಸಾಧ್ಯವಾದರೆ, ಪ್ರತಿಯೊಬ್ಬರೂ ಮುಂದೆ ಹೋಗಬೇಕು ಹಾಗೂ ಅದನ್ನು ಮಾಡಬೇಕು ಎಂದು ಮೆಹಬೂಬ್ ಖಾನ್ ಹೇಳುತ್ತಾರೆ.
ಮುಸ್ಲಿಮೇತರ ಬಾಲಕಿಯ ಜೀವವನ್ನು ಉಳಿಸಿದ ಮೆಹಬೂಬ್ ಖಾನ್
ಮೆಹಬೂಬ್ ಖಾನ್ ಅವರ ಸಾಹಸದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಅವರ ಈ ಕಾರ್ಯಕ್ಕೆ ಸಾಮಾಜಿಕ ಸಂಘಟನೆಗಳು ಸೇರಿದಂತೆ ಪೊಲೀಸ್ ಇಲಾಖೆಯು ಪ್ರಶಂಸಿದೆ.