ಹೈಕೋರ್ಟ್​ ವರ್ಚುವಲ್​ ವಿಚಾರಣೆ ವೇಳೆ ಶೇವಿಂಗ್ ಮಾಡಿಕೊಂಡ ಭೂಪ - ತನಿಖೆಗೆ ನ್ಯಾಯಾಲಯ ಆದೇಶ

ಕೇರಳ ಹೈಕೋರ್ಟ್ ವರ್ಚುವಲ್​ ವಿಚಾರಣೆ ನಡೆಸುತ್ತಿದ್ದ ವೇಳೆ ವ್ಯಕ್ತಿಯೊಬ್ಬ ಕ್ಯಾಮರಾ ಸ್ವಿಚ್ ಆಫ್​ ಆಗಿದೆ ಎಂದುಕೊಂಡು ಬಾತ್​ ರೂಮ್​ನಲ್ಲಿ ಶೇವಿಂಗ್ (ಅಥವಾ ಬ್ರಶ್​​) ಮಾಡಿರುವ ಘಟನೆ ನಡೆದಿದೆ.

ಎರ್ನಾಕುಲಂ (ಕೇರಳ): ಕೋವಿಡ್​ನಿಂದಾಗಿ ಎಲ್ಲಾ ನ್ಯಾಯಾಲಯಗಳು ಹೆಚ್ಚಾಗಿ ವರ್ಚುವಲ್​ ವಿಚಾರಣೆ ನಡೆಸುತ್ತಿವೆ. ಮೊನ್ನೆ ಮಂಗಳವಾರ ಕೇರಳ ಹೈಕೋರ್ಟ್ ಕೂಡ ಪ್ರಕರಣವೊಂದರ ವಿಚಾರಣೆಯನ್ನು ವಿಡಿಯೋ ಕಾನ್ಫರೆನ್ಸ್​ ಮೂಲಕ ನಡೆಸುವ ವೇಳೆ ವಿಚಾರಣೆಗೆ ಹಾಜರಾದ ವ್ಯಕ್ತಿಯೊಬ್ಬ ಶೇವಿಂಗ್ (ಅಥವಾ ಬ್ರಶ್​​) ಮಾಡುತ್ತಿರುವ ವಿಡಿಯೋ ವೈರಲ್​ ಆಗಿದೆ.

ಈ ವ್ಯಕ್ತಿಯು ಕ್ಯಾಮರಾ ಸ್ವಿಚ್ ಆಫ್​ ಮಾಡಿದ್ದೇನೆಂದುಕೊಂಡು ಬಾತ್​ ರೂಮ್ ಒಳಗೆ ಹೋಗಿ ಶೇವಿಂಗ್​ ಮಾಡಿಕೊಳ್ಳುತ್ತಾ ನ್ಯಾಯಮೂರ್ತಿ ವಿ ಜಿ ಅರುಣ್ ಅವರ ಪೀಠ ನಡೆಸುತ್ತಿದ್ದ ನ್ಯಾಯಾಲಯದ ಕಲಾಪವನ್ನು ವೀಕ್ಷಿಸಿತ್ತಿದ್ದಾನೆ. ಆದರೆ ಸ್ವಿಚ್ ಆನ್​ ಆಗಿದ್ದು, ನನ್ನನ್ನು ಇತರರು ನೋಡುತ್ತಿದ್ದಾರೆಂಬುದು ಆತನ ಅರಿವಿಗೆ ಬಂದಿಲ್ಲ. ಆತ ಶೇವ್​ ಮಾಡುತ್ತಿದ್ದಾನೆಯೇ ಅಥವಾ ಬ್ರಶ್​ ಮಾಡುತ್ತಿದ್ದಾನೆಯೇ ಎಂಬುದು ಸ್ಪಷ್ಟವಾಗಿ ಕಾಣುವುದಿಲ್ಲ.

ಇದನ್ನೂ ಓದಿ: Watch - ಮೊಬೈಲ್ ಕದ್ದ ಕಳ್ಳನ ಚಾಲಾಕಿತನ ಸಿಸಿಟಿವಿಯಲ್ಲಿ ಸೆರೆ

ನ್ಯಾಯಾಧೀಶರಿಗೆ ಕೂಡ ಆ ವೇಳೆ ಅದನ್ನು ಗಮನಿಸಿಲ್ಲ. ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಈ ದೃಶ್ಯಗಳು ವೈರಲ್​ ಆಗಿದ್ದು, ಈ ಬಗ್ಗೆ ತನಿಖೆ ನಡೆಸುವಂತೆ ಪೊಲೀಸರಿಗೆ ಕೇರಳ ಹೈಕೋರ್ಟ್ ಆದೇಶಿಸಿದೆ. ಕಳೆದ ನವೆಂಬರ್‌ನಲ್ಲಿ ಕೂಡ ಆನ್‌ಲೈನ್ ವಿಚಾರಣೆಯ ವೇಳೆ ಟಾಪ್‌ಲೆಸ್ ಆಗಿ ಕಾಣಿಸಿಕೊಂಡಿದ್ದ ವ್ಯಕ್ತಿಯೊಬ್ಬನನ್ನು ನ್ಯಾಯಾಲಯವು ತೀವ್ರ ತರಾಟೆಗೆ ತೆಗೆದುಕೊಂಡಿತ್ತು.

ಜಾಹೀರಾತು- ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ