ಕುದಿಯುವ ಎಣ್ಣೆಯಲ್ಲಿ ಕೈ ಹಾಕಿ ಕರಿದ ಕೋಳಿ ಖಾದ್ಯ ತೆಗೆಯುವ ವ್ಯಾಪಾರಿ: ವಿಡಿಯೋ ನೋಡಿ

ಸ್ಟ್ರೀಟ್ ಫುಡ್ ವ್ಯಾಪಾರಿ ಶೈಲೇಶ್‌ ಕುದಿಯುವ ಎಣ್ಣೆಯಲ್ಲಿ ಹಾಕಿದ್ದ ಚಿಕನ್​ ತುಂಡುಗಳನ್ನು ಬರೀ ಕೈನಲ್ಲೇ ಹೊರ ತೆಗೆಯುತ್ತಾರೆ.

ಜೈಪುರ(ರಾಜಸ್ಥಾನ): ನಮ್ಮ ನಡುವೆ ಇರುವ ಕೆಲವರು ವಿಶೇಷ ಪ್ರತಿಭೆಯನ್ನು ಅಡಗಿಸಿಟ್ಟುಕೊಂಡಿರುತ್ತಾರೆ. ಇಲ್ಲೋರ್ವ ಆ ಪ್ರತಿಭೆಗೂ ಚಾಲೆಂಜ್‌​ ಮಾಡುವ ಹಾಗೆ ತನ್ನ ಶಕ್ತಿ ಏನೆಂದು ತೋರಿಸಿದ್ದಾನೆ. ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗಿದ್ದು, ಹೀಗೂ ಉಂಟಾ ಎಂದು ಜನರು ಹುಬ್ಬೇರಿಸುತ್ತಿದ್ದಾರೆ.

ಸ್ಟ್ರೀಟ್ ಫುಡ್ ವ್ಯಾಪಾರಿ ಶೈಲೇಶ್‌ ಕುದಿಯುವ ಎಣ್ಣೆಯಲ್ಲಿ ಹಾಕಿದ್ದ ಚಿಕನ್​ ತುಂಡುಗಳನ್ನು ಬರೀ ಕೈನಲ್ಲೇ ಆಚೆ ತೆಗೆಯುತ್ತಾರೆ. ಕುದಿಯುವ ಎಣ್ಣೆಯಲ್ಲಿ ಸಲೀಸಾಗಿ ತನ್ನ ಕೈಗಳನ್ನು ಹಾಕುತ್ತಿರುವುದು ನೋಡುಗರಲ್ಲಿ ಅಚ್ಚರಿ ಮೂಡಿಸುತ್ತಿದೆ.

ಈ ಸಂಬಂಧ ನೆಟ್ಟಿಗರು ಭಾರೀ ಪ್ರತಿಕ್ರಿಯೆಗಳನ್ನು ಮಾಡುತ್ತಿದ್ದಾರೆ. ಅವನಿಗೆ ಇದು ಹೇಗೆ ಸಾಧ್ಯ?, ಇದು 'ಫಿಂಗರ್ ಫ್ರೈಡ್ ಚಿಕನ್' ಅಂತೆಲ್ಲಾ ಪ್ರತಿಕ್ರಿಯೆ ಕೊಡುತ್ತಿದ್ದಾರೆ.

ಎರಡೂ ಕೈಗಳನ್ನೂ ಕುದಿಯುವ ಎಣ್ಣೆಯಲ್ಲಿ ಹಾಕಿ ಅಲ್ಲಿಂದ ಚಿಕನ್​ ತುಂಡನ್ನು ಹೊರ ತೆಗೆದರೂ ಅವರ ಕೈಗೆ ಏನೂ ಆಗಿಲ್ಲ. ಜೈಪುರ ರಸ್ತೆ ಪಕ್ಕದಲ್ಲಿರುವ ಫುಡ್ ಸ್ಟಾಲ್ ಹೆಸರು ಅಲಿ ಚಿಕನ್ ಸೆಂಟರ್.