ಕರ್ನೂಲ್ (ಮಂತ್ರಾಲಯ):ಇಲ್ಲಿನ ಮಂತ್ರಾಲಯ ಮಂಡಲದ ಮಾಲಪಲ್ಲಿ ಎಂಬಲ್ಲಿ ಯಾರದ್ದೇ ಮನೆಗೆ ಹಾವು ಬಂದರೂ ಸಹ ಈ ಉರಗ ರಕ್ಷಕನನ್ನು ಕರೆದು ಹಾವನ್ನು ರಕ್ಷಣೆ ಮಾಡಲಾಗುತ್ತಿತ್ತು. ಆದರೆ ಇಂದು ಅದೇ ವ್ಯಕ್ತಿ ಹಾವು ಕಚ್ಚಿ ಸಾವನ್ನಪ್ಪಿದ್ದಾನೆ.
ಸಾವನ್ನಪ್ಪಿದೆ ಎಂದು ಪರಿಶೀಲಿಸಲು ಹೋದ ಉರಗ ರಕ್ಷಕ.. ಆತನ ಪ್ರಾಣವನ್ನೇ ತೆಗೆಯಿತು ವಿಷ ಸರ್ಪ!
ಕರ್ನೂಲ್ನ ಮಂತ್ರಾಲಯ ಮಂಡಲದ ಮಾಲಪಲ್ಲಿ ಎಂಬಲ್ಲಿ ಹಾವು ಕಚ್ಚಿ ವ್ಯಕ್ತಿವೋರ್ವ ಸಾವನ್ನಪ್ಪಿದ್ದಾನೆ. ಹಾವು ಸಾವನ್ನಪ್ಪಿದೆ ಎಂದು ಮುಟ್ಟಿ ನೋಡಲು ಹೋದಾಗ ಈ ದುರಂತ ಸಂಭವಿಸಿದೆ.
ಪ್ರಾಣವನ್ನೇ ಕಸಿಯಿತು ಹಾವು
ರಂಗಸ್ವಾಮಿ ಮೃತ ವ್ಯಕ್ತಿ. ಗ್ರಾಮಕ್ಕೆ ಬಂದ ಹಾವನ್ನು ಹಿಡಿಯಲು ಮುಂದಾದಾಗ ಅದು ಸತ್ತಿದೆ ಎಂದು ಭಾವಿಸಿ, ಮತ್ತೆ ಪರಿಶೀಲನೆ ಮಾಡಲು ಮುಂದಾಗಿದ್ದಾರೆ. ಈ ವೇಳೆ ಹಠತ್ತಾಗಿ ದಾಳಿ ನಡೆಸಿದ ಹಾವು ರಂಗಸ್ವಾಮಿಯ ಪ್ರಾಣ ತೆಗೆದಿದೆ.
ಘಟನೆ ನಡೆದ ತಕ್ಷಣ ಜನರು ರಂಗಸ್ವಾಮಿಯನ್ನು ಚಿಕಿತ್ಸೆಗೆಂದು ಆಸ್ಪತ್ರೆಗೆ ಕರೆದುಕೊಂಡು ತೆರಳಿದರೂ ಸಹ, ದಾರಿ ಮಧ್ಯೆಯೇ ಆತ ಸಾವನ್ನಪ್ಪಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.