ಪ್ರಧಾನಿ ನರೇಂದ್ರ ಮೋದಿ 'ಟಿಎಂಸಿ ಕಳ್ಳ', ಸುವೇಂದು ಅಧಿಕಾರಿ 'ದ್ರೋಹಿ'.. ಸಿಎಂ ಮಮತಾ ಬ್ಯಾನರ್ಜಿ ವಾಗ್ದಾಳಿ

ಮಾ ತಾರಾ ದೇವಿಯ ಚಿತ್ರವನ್ನು ನಾನೇ ಚಿತ್ರಿಸಿದ್ದೇನೆ ಮತ್ತು ಅದನ್ನು ಅವರಿಗೆ ನೀಡಿದ್ದೇನೆ ಮತ್ತು ಇಂದು ಅವರು ದ್ರೋಹಿಗಳು. ನೆನಪಿಡಿ ಇವರಿಗಿಂತ ದೊಡ್ಡ ವಂಚಕ ಯಾರೂ ಇರಲಾರರು. ಮದಿನಿಪುರದ ಜನರು ಅಂತಹ ಜನರಿಂದ ತಮ್ಮನ್ನು ಮುಕ್ತಗೊಳಿಸಿಕೊಳ್ಳಬೇಕು..

ಪೂರ್ವ ಮದಿನಿಪುರ (ಪಶ್ಚಿಮ ಬಂಗಾಳ):ಪ್ರಧಾನಿ ನರೇಂದ್ರ ಮೋದಿ 'ಟಿಎಂಸಿ ಕಳ್ಳ', ಸುವೇಂದು ಅಧಿಕಾರಿ 'ದ್ರೋಹಿ' ಎಂದು ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಹೇಳಿದ್ದಾರೆ.

ಪಶ್ಚಿಮ ಬಂಗಾಳದ ಪೂರ್ವ ಮದಿನಿಪುರದಲ್ಲಿ ನಡೆದ ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಿದ ದೀದಿ, "ಓಡಿಹೋದವರು ದ್ರೋಹ ಮಾಡಿದ್ದಾರೆ. ಯಾರು ಎಷ್ಟು ತೆಗೆದುಕೊಂಡಿದ್ದಾರೆ ಎಂದು ಕೇಳಿ. ಟಿಎಂಸಿ ಕಳ್ಳ ನರೇಂದ್ರ ಮೋದಿ, ದರೋಡೆಕೋರರ ಮುಖ್ಯಸ್ಥ. ಯಾರೇ ಬರಲಿ ಅಥವಾ ಹೋಗಲಿ ನಾನು ಹೆದರುವುದಿಲ್ಲ ಎಂದು ಆಕ್ರೋಶ ಹೊರ ಹಾಕಿದರು.

ನಾನು ತುಂಬಾ ಗೌರವವನ್ನು ಹೊಂದಿದ್ದೆ. ಅವರನ್ನು ತುಂಬಾ ನಂಬಿದ್ದೆ. ಮಾ ತಾರಾ ದೇವಿಯ ಚಿತ್ರವನ್ನು ನಾನೇ ಚಿತ್ರಿಸಿದ್ದೇನೆ ಮತ್ತು ಅದನ್ನು ಅವರಿಗೆ ನೀಡಿದ್ದೇನೆ ಮತ್ತು ಇಂದು ಅವರು ದ್ರೋಹಿಗಳು. ನೆನಪಿಡಿ ಇವರಿಗಿಂತ ದೊಡ್ಡ ವಂಚಕ ಯಾರೂ ಇರಲಾರರು. ಮದಿನಿಪುರದ ಜನರು ಅಂತಹ ಜನರಿಂದ ತಮ್ಮನ್ನು ಮುಕ್ತಗೊಳಿಸಿಕೊಳ್ಳಬೇಕು ಎಂದು ಸುವೇಂದು ಅಧಿಕಾರಿ ವಿರುದ್ಧ ಹರಿಹಾಯ್ದರು.

ಪಶ್ಚಿಮ ಬಂಗಾಳ ವಿಧಾನಸಭಾ ಚುನಾವಣೆಗೆ ಮುನ್ನ ಈ ವರ್ಷ ಭಾರತೀಯ ಜನತಾ ಪಕ್ಷಕ್ಕೆ ಮಮತಾ ಆಪ್ತ ಸುವೇಂದು ಅಧಿಕಾರಿ ಸೇರಿದಂತೆ ಹಲವಾರು ತೃಣಮೂಲ ಕಾಂಗ್ರೆಸ್ ನಾಯಕರು ಸೇರ್ಪಡೆಯಾದರು.

ಮಾರ್ಚ್‌ 12ರಂದು ನಂದಿಗ್ರಾಮ್​ಲ್ಲಿ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ವಿರುದ್ಧ ಟಿಎಂಸಿ ಮಾಜಿ ಸಚಿವ ಸುವೇಂದು ಅಧಿಕಾರಿ ನಾಮಪತ್ರ ಸಲ್ಲಿಸಿದರು. 294 ಸದಸ್ಯರ ರಾಜ್ಯ ವಿಧಾನಸಭೆಗೆ ಚುನಾವಣೆ ಮಾರ್ಚ್ 27ರಿಂದ ಎಂಟು ಹಂತಗಳಲ್ಲಿ ಮತದಾನ ನಡೆಯಲಿದೆ. ಅಂತಿಮ ಸುತ್ತಿನ ಮತದಾನ ಏಪ್ರಿಲ್ 29ರಿಂದ ನಡೆಯಲಿದೆ. ಮತ ಎಣಿಕೆ ಮೇ 2ರಂದು ನಡೆಯಲಿದೆ.