ಜೆಮ್‌ಶೆಡ್‌ಪುರದ ಟಾಟಾ ಸ್ಟೀಲ್‌ ಪ್ಲಾಂಟ್‌ನಲ್ಲಿ ಭಾರಿ ಅಗ್ನಿ ಅವಘಡ

ಜೆಮ್‌ಶೆಡ್‌ಪುರದ ಟಾಟಾ ಸ್ಟೀಲ್ ಪ್ಲಾಂಟ್ ಕೋಕ್‌ನಲ್ಲಿ ಸ್ಫೋಟ ಸಂಭವಿಸಿದೆ. ಅಪಘಾತದ ನಂತರ ಅನಿಲ ಸೋರಿಕೆ ಮತ್ತು ಅಗ್ನಿ ದುರ್ಘಟನೆಯಿಂದಾಗಿ ಭೀತಿ ಸೃಷ್ಟಿಯಾಗಿತ್ತು. ಈ ಸ್ಫೋಟ ಮತ್ತು ಅನಿಲ ಸೋರಿಕೆ ಘಟನೆಯಲ್ಲಿ ಮೂವರು ಸಿಬ್ಬಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ..

ಜೆಮ್‌ಶೆಡ್‌ಪುರ(ಜಾರ್ಖಂಡ್) :ಟಾಟಾ ಸ್ಟೀಲ್ ಕೋಕ್ ಪ್ಲಾಂಟ್‌ನಲ್ಲಿ ಸ್ಫೋಟ ಸಂಭವಿಸಿದೆ. ಸ್ಫೋಟದ ನಂತರ ಅನಿಲ ಸೋರಿಕೆ ಮತ್ತು ಬೆಂಕಿಯ ಘಟನೆಯಿಂದಾಗಿ ಭೀತಿ ಉಂಟಾಗಿದೆ. ಐಎಂಎಂಎಂ(IMMM) ಕೋಕ್ ಸ್ಥಾವರದ ಬ್ಯಾಟರಿ ಸಂಖ್ಯೆ 6 ಮತ್ತು 7ರಲ್ಲಿ ಅಪಘಾತ ಸಂಭವಿಸಿದೆ.

ಈ ಘಟನೆಯಿಂದಾಗಿ ಪ್ಲಾಂಟ್‌ನಲ್ಲಿ ಕೆಲಸ ಮಾಡುತ್ತಿದ್ದ ಮೂವರು ಕಾರ್ಮಿಕರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ. ಬ್ಯಾಟರಿ ಸಂಖ್ಯೆ ಐದು, ಆರು, ಏಳು ಇರುವ ಗ್ಯಾಸ್ ಲೈನ್​ನಲ್ಲಿ ಹಾಟ್ ಜಬ್ ಅಂದರೆ ಗ್ಯಾಸ್ ಕಟಿಂಗ್ ಮತ್ತು ವೆಲ್ಡಿಂಗ್ ಕೆಲಸ ನಡೆಯುತ್ತಿತ್ತು.

ಆಗ ಗ್ಯಾಸ್ ಲೈನ್​ನಿಂದ ಗ್ಯಾಸ್ ಸೋರಿಕೆಯಾಗತೊಡಗಿತು. ಅದರ ನಂತರ ಸ್ಫೋಟ ಸಂಭವಿಸಿದೆ. ಮಾಹಿತಿ ಪ್ರಕಾರ, ಸ್ಫೋಟವು ಎಷ್ಟು ಭೀಕರವಾಗಿತ್ತೆಂದರೆ, ಈ ಶಬ್ದವು ಬಹಳ ದೂರದವರೆಗೆ ಕೇಳಿಸಿದೆಯಂತೆ. ಘಟನೆಯ ನಂತರ ಜಿಲ್ಲೆಯಲ್ಲಿ ಜನರು ಭಯಭೀತಗೊಂಡಿದ್ದರು.

ಇದನ್ನೂ ಓದಿ:ಮಕ್ಕಳನ್ನು ಅರ್ಧ ದಾರಿಯಲ್ಲೇ ಬಿಟ್ಟು ಹೋದ ಮೋಹನ್ ಜುನೇಜಾ: ವಿಧಿಯಾಟಕ್ಕೆ ಬಲಿಯಾದ ಹಾಸ್ಯ ನಟನ ಜೀವಮಾನದ ಕನಸು!