ಮಹಾರಾಷ್ಟ್ರದಲ್ಲಿ 57,640 ಕೋವಿಡ್​ ಕೇಸ್, 920 ಜನರು ಬಲಿ, ಯಾವ ರಾಜ್ಯದಲ್ಲಿ ಎಷ್ಟು ಪ್ರಕರಣ ದಾಖಲು?

ದೇಶದಲ್ಲಿ ಎರಡನೇ ಹಂತದ ಕೋವಿಡ್​ ಅಲೆ ಜೋರಾಗಿ ಬೀಸುತ್ತಿದ್ದು, ಕೆಲವೊಂದು ರಾಜ್ಯಗಳಲ್ಲಿ ಸಾವಿರಾರು ಹೊಸ ಪ್ರಕರಣ ಕಾಣಿಸಿಕೊಳ್ಳುತ್ತಿವೆ.

ಮುಂಬೈ:ಮಹಾಮಾರಿ ಕೊರೊನಾ ವೈರಸ್​ ಎರಡನೇ ಅಲೆ ಊಹೆಗೂ ನಿಲುಕದಂತೆ ವ್ಯಾಪ್ತಿ ವಿಸ್ತರಿಸಿಕೊಳ್ಳುತ್ತಿದ್ದು, ನಿತ್ಯ ಲಕ್ಷಾಂತರ ಹೊಸ ಸೋಂಕಿತ ಪ್ರಕರಣ ದಾಖಲಾಗುತ್ತಿವೆ.

ಮಹಾರಾಷ್ಟ್ರದಲ್ಲಿ ಕಳೆದ ಕೆಲ ದಿನಗಳಿಂದ ಕೊರೊನಾ ಮಹಾಸ್ಫೋಟವಾಗ್ತಿದ್ದು, ಇಂದು ಕೂಡ ದಾಖಲೆಯ 57, 640 ಪ್ರಕರಣ ಕಾಣಿಸಿಕೊಂಡಿದ್ದು, ದಾಖಲೆಯ 920 ಜನರು ವೈರಸ್​ಗೆ ಬಲಿಯಾಗಿದ್ದಾರೆ. ಆದರೆ, ಮುಂಬೈನಲ್ಲಿ ಮಾತ್ರ 3,879 ಪ್ರಕರಣ ಕಾಣಿಸಿಕೊಂಡಿವೆ.

ಉಳಿದಂತೆ ತಮಿಳುನಾಡಿನಲ್ಲಿ 23,310 ಪ್ರಕರಣ ದಾಖಲಾಗಿದ್ದು, 167 ಜನರು ಸಾವನ್ನಪ್ಪಿದ್ದಾರೆ. ಹಿಮಾಚಲ ಪ್ರದೇಶದಲ್ಲಿ 3,842 ಪ್ರಕರಣ, ಮಧ್ಯಪ್ರದೇಶದಲ್ಲಿ 12,319 ಸೋಂಕಿತ ಕೇಸ್,ಗುಜರಾತ್​ನಲ್ಲಿ 12,955 ಪ್ರಕರಣ, ಕರ್ನಾಟಕದಲ್ಲಿ 50,112 ಕೋವಿಡ್​ ಕೇಸ್​ ದಾಖಲಾಗಿವೆ.

ಮಣಿಪುರದಲ್ಲಿ 397 ಪ್ರಕರಣ, ರಾಜಸ್ಥಾನದಲ್ಲಿ 16,815 ಕೇಸ್​,ಆಂಧ್ರಪ್ರದೇಶದಲ್ಲಿ 22,204 ಕೇಸ್​,ಗೋವಾದಲ್ಲಿ 3,496 ಪ್ರಕರಣ, ಉತ್ತರಾಖಂಡ್​ನಲ್ಲಿ 7,783 ಪ್ರಕರಣ, ಕೇರಳದಲ್ಲಿ ದಾಖಲೆಯ 41,953 ಪ್ರಕರಣ ಕಾಣಿಸಿಕೊಂಡಿವೆ.

ಪಶ್ಚಿಮ ಬಂಗಾಳದಲ್ಲಿ 18,102 ಕೋವಿಡ್​ ಪ್ರಕರಣ, ಹರಿಯಾಣದಲ್ಲಿ 15,416 ಕೇಸ್​,ಪಂಜಾಬ್​ನಲ್ಲಿ 8015 ಕೊರೊನಾ ಪ್ರಕರಣ ಕಾಣಿಸಿಕೊಂಡಿವೆ.