ಕಾಲೊನಿಗಳ ಜಾತಿ ಆಧಾರಿತ ಹೆಸರು ಬದಲಾಯಿಸಲು 'ಮಹಾ' ಸರ್ಕಾರದ ಒಪ್ಪಿಗೆ

ಮಹಾರಾಷ್ಟ್ರ ಕ್ಯಾಬಿನೆಟ್​ ಬುಧವಾರ ಅತ್ಯಂತ ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಂಡಿದ್ದು, ಜಾತಿ ಆಧಾರಿತ ಹೆಸರುಗಳಿರುವ ಕಾಲೊನಿಗಳ ಹೆಸರು ಬದಲಾಯಿಸಲು ನಿರ್ಧರಿಸಲಾಗಿದೆ.

ಮುಂಬೈ:ಜಾತಿ ಆಧಾರದಲ್ಲಿ ಕಾಲೊನಿಗಳಿಗೆ ಇರುವ ಹೆಸರನ್ನು ಬದಲಿಸಲು ಮಹಾರಾಷ್ಟ್ರ ಸರ್ಕಾರ ಮುಂದಾಗಿದೆ. ಈ ಹಿನ್ನೆಲೆಯಲ್ಲಿ ಮಹಾರಾಷ್ಟ್ರ ಕ್ಯಾಬಿನೆಟ್​ ಬುಧವಾರ ನಿರ್ಧಾರವೊಂದನ್ನು ತೆಗೆದುಕೊಂಡಿದ್ದು, ಕಾಲೊನಿಗಳ ಹೆಸರನ್ನು ಬದಲಾಯಿಸಲು ಒಪ್ಪಿಗೆ ನೀಡಿದೆ.

ಇದರ ಜೊತೆಗೆ 2019 ಹಾಗೂ ಅದಕ್ಕೂ ಮೊದಲು ರಾಜಕೀಯ, ಸಾಮಾಜಿಕ ಪ್ರತಿಭಟನೆಗಳು ಹಾಗೂ ಚಳವಳಿಗಳ ವೇಳೆ ಜನರ ವಿರುದ್ಧ ದಾಖಲಾಗಿದ್ದ ಮೊಕದ್ದಮೆಗಳನ್ನು ಹಿಂಪಡೆಯಲು ಸರ್ಕಾರ ಅಂಗೀಕಾರ ನೀಡಿದೆ.

ಇದನ್ನೂ ಓದಿ:'ಪ್ರತೀಕಾರದ ರಾಜಕೀಯ'.. ವಿಪಕ್ಷಗಳ ವಿರುದ್ಧ ಹರಿಹಾಯ್ದ ಉದ್ಧವ್ ಠಾಕ್ರೆ

ಮಹಾರಾಷ್ಟ್ರ ವಿಧಾನಸಭೆಯ ಚಳಿಗಾಲದ ಅಧಿವೇಶನವು ಮುಂಬೈ ಬದಲು ನಾಗ್ಪುರದಲ್ಲಿ ನಡೆಯಲಿದೆ ಎಂದು ರಾಜ್ಯ ಸರ್ಕಾರ ಈ ಕ್ಯಾಬಿನೆಟ್​ ಸಭೆಯಲ್ಲಿ ಘೋಷಿಸಿದೆ.