ಬೈಕ್‌ ರಿವರ್ಸ್ ತೆಗೆಯುವಾಗ ಪ್ಯಾಂಟ್‌ಗೆ ಬಿತ್ತು ಕೆಸರು: ಯುವಕನಿಂದಲೇ ಸ್ವಚ್ಛಗೊಳಿಸಿ ಕೆನ್ನೆಗೆ ಬಾರಿಸಿದ ಮಹಿಳಾ ಪೊಲೀಸ್‌

ವ್ಯಕ್ತಿಯೊಬ್ಬ ದ್ವಿಚಕ್ರ ವಾಹನವನ್ನು ಹಿಂದಕ್ಕೆ ತೆಗೆಯುತ್ತಿದ್ದ. ಈ ವೇಳೆ ಅಲ್ಲಿದ್ದ ಮಹಿಳಾ ಪೊಲೀಸ್​ ಸಿಬ್ಬಂದಿ ಫ್ಯಾಂಟ್​ಗೆ ಕೆಸರು ಹತ್ತಿದೆ. ಇದನ್ನು ಗಮನಿಸಿ ಆಕೆ ತಕ್ಷಣ ಯುವಕನನ್ನು ತನ್ನ ಬಳಿಗೆ ಕರೆದು ಪ್ಯಾಂಟ್ ಸ್ವಚ್ಛಗೊಳಿಸುವಂತೆ ಸೂಚಿಸಿದ್ದಾರೆ.

ಭೋಪಾಲ್​(ಮಧ್ಯಪ್ರದೇಶ): ಗೃಹರಕ್ಷಕ ದಳದ ಮಹಿಳಾ ಕಾನ್ಸ್​ಟೇಬಲ್‌​ವೋರ್ವರು ವ್ಯಕ್ತಿಯಿಂದ ತನ್ನ ಪ್ಯಾಂಟ್​​ ಸ್ವಚ್ಛಗೊಳಿಸಿ, ಆತನಿಗೆ ಕಪಾಳಮೋಕ್ಷ ಮಾಡಿದ್ದಾರೆ. ಈ ಘಟನೆ ಮಧ್ಯಪ್ರದೇಶದ ರೇವಾದಲ್ಲಿ ನಡೆದಿದ್ದು, ವಿಡಿಯೋ ವೈರಲ್​ ಆಗ್ತಿದೆ.

ವಿವರ:

ವ್ಯಕ್ತಿಯೊಬ್ಬ ದ್ವಿಚಕ್ರ ವಾಹನವನ್ನು ಹಿಂದಕ್ಕೆ ತೆಗೆಯುತ್ತಿದ್ದ. ಈ ವೇಳೆ ಅಲ್ಲಿದ್ದ ಮಹಿಳಾ ಪೊಲೀಸ್​ ಸಿಬ್ಬಂದಿ ಫ್ಯಾಂಟ್​ಗೆ ಕೆಸರು ಹತ್ತಿದೆ. ಇದನ್ನು ಗಮನಿಸಿ ಆಕೆ ತಕ್ಷಣ ಯುವಕನನ್ನು ತನ್ನ ಬಳಿಗೆ ಕರೆದು ಪ್ಯಾಂಟ್ ಸ್ವಚ್ಛಗೊಳಿಸುವಂತೆ ಸೂಚಿಸಿದ್ದಾರೆ. ವಿಡಿಯೋದಲ್ಲಿ ವ್ಯಕ್ತಿ ವಸ್ತ್ರದಿಂದ ಪ್ಯಾಂಟ್​ ಸ್ವಚ್ಛಗೊಳಿಸುತ್ತಿರುವುದು ಕಂಡುಬರುತ್ತದೆ. ಪ್ಯಾಂಟ್‌ ಸ್ವಚ್ಛಗೊಳಿಸಿದ ಬಳಿಕ ಮಹಿಳಾ ಪೊಲೀಸ್‌ ಸಿಬ್ಬಂದಿ ಆ ಯುವಕನಿಗೆ ಕಪಾಳಮೋಕ್ಷ ಮಾಡಿ, ಸ್ಥಳದಿಂದ ಹೊರಟು ಹೋಗಿದ್ದಾರೆ.

ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಗೃಹರಕ್ಷಕ ದಳದ ಕಾನ್ಸ್​ಟೇಬಲ್​ ಶಶಿಕಲಾ ಈ ರೀತಿ ನಡೆದುಕೊಂಡಿದ್ದಾರೆಂದು ತಿಳಿದು ಬಂದಿದೆ.

ಈ ಬಗ್ಗೆ ರೇವಾ ಎಸ್ಪಿ ಶಿವಕುಮಾರ್ ಮಾತನಾಡಿದ್ದು, 'ನಾವು ಘಟನೆಯ ವಿಡಿಯೋ ಗಮನಿಸಿದ್ದೇವೆ. ವ್ಯಕ್ತಿಯೋರ್ವ ಬಲವಂತವಾಗಿ ಪ್ಯಾಂಟ್ ಸ್ವಚ್ಛಗೊಳಿಸುತ್ತಿದ್ದಾನೆ. ಇದಕ್ಕೆ ಸಂಬಂಧಿಸಿದಂತೆ ಯಾರಾದರೂ ದೂರು ನೀಡಿದರೆ, ವಿಚಾರಣೆ ನಡೆಸುತ್ತೇವೆ' ಎಂದು ತಿಳಿಸಿದರು.