ಅಮೃತಸರ:ಅದೃಷ್ಟ ಯಾವಾಗ, ಎಲ್ಲಿ, ಹೇಗೆ ಖುಲಾಯಿಸುತ್ತದೆ ಎಂಬುದು ಯಾರಿಗೂ ತಿಳಿಯದು. ಪಂಜಾಬ್ನ ಅಮೃತಸರದ ಬಾಲಕಿ ಖರೀದಿಸಿದ 100 ರೂಪಾಯಿ ಲಾಟರಿ ಟಿಕೆಟ್ಗೆ 10 ಲಕ್ಷ ರೂಪಾಯಿ ಬಹುಮಾನ ಬಂದಿದೆ. ಇದು ಆಕೆ ನಿಂತ ಕಾಲಲ್ಲೇ ಹಣ ಎಣಿಸುವಂತೆ ಮಾಡಿದೆ. ಅಮೃತಸರದ ಬಾಬಾ ಬಕಲಾ ಸಾಹಿಬ್ನ ನಿವಾಸಿ ಹರ್ಸಿಮ್ರಾನ್ ಕೌರ್ ಎಂಬ ಬಾಲಕಿಯೇ ಆ ಅದೃಷ್ಟವಂತೆ.
ಹರ್ಸಿಮ್ರಾನ್ ಕೌರ್ ಅವರ ತಂದೆ ಜಮಾಲ್ ಸಿಂಗ್, ಬಾಬಾಬಕಲಾ ಸಾಹಿಬ್ನ ರಸ್ತೆ ಬದಿ ಚಿಕ್ಕ ಅಂಗಡಿಯನ್ನು ನಡೆಸುತ್ತಿದ್ದಾರೆ. ಭಾನುವಾರ ಶಾಲೆಗೆ ರಜೆ ಇದ್ದ ಕಾರಣ ತಂದೆಗೆ ನೆರವಾಗಲೆಂದು ಹರ್ಸಿಮ್ರಾನ್ ಅಂಗಡಿ ಬಂದಿದ್ದರು. ಈ ವೇಳೆ ಲಾಟರಿ ಮಾರಾಟ ಮಾಡುವ ವ್ಯಕ್ತಿ ಬಂದು ಲಾಟರಿ ಟಿಕೆಟ್ ಖರೀದಿಸಲು ಕೇಳಿದ್ದಾರೆ.