ಚೆನ್ನೈ(ತಮಿಳುನಾಡು): ಲಿವಿಂಗ್ ಟುಗೆದರ್ ಅಥವಾ ಸಹಬಾಳ್ವೆಗೆ ಯಾವುದೇ ರೀತಿಯ ಕಾನೂನಿನ ಮಾನ್ಯತೆ ಇಲ್ಲ. ಲಿವಿಂಗ್ ಟುಗೆದರ್ನಲ್ಲಿ ಯಾವುದಾದರೂ ವಿವಾದವುಂಟಾದರೆ ಯಾವುದೇ ಕಾರಣಕ್ಕೂ ಕೌಟುಂಬಿಕ ನ್ಯಾಯಾಲಯದಲ್ಲಿ ನ್ಯಾಯಕ್ಕಾಗಿ ಅರ್ಜಿ ಸಲ್ಲಿಸುವಂತಿಲ್ಲ ಎಂದು ಮದ್ರಾಸ್ ಹೈಕೋರ್ಟ್ ಆದೇಶಿಸಿದೆ.
ನ್ಯಾಯಾಧೀಶರಾದ ಎಸ್.ವೈದ್ಯನಾಥನ್, ಆರ್.ವಿಜಯಕುಮಾರ್ ಅವರಿದ್ದ ಮದ್ರಾಸ್ ಹೈಕೋರ್ಟ್ನ ವಿಭಾಗೀಯ ಪೀಠ ಈ ಆದೇಶ ನೀಡಿದ್ದು, ಕೊಯಮತ್ತೂರು ಮೂಲದ ಆರ್.ಕಲೈಸೆಲ್ವಿ ಎಂಬುವವರು ಸಲ್ಲಿಸಿದ್ದ ಅರ್ಜಿಯನ್ನು ಮಂಗಳವಾರ ವಜಾಗೊಳಿಸಿತ್ತು.
ವೈವಾಹಿಕ ಹಕ್ಕನ್ನು ಪುನರ್ ಸ್ಥಾಪಿಸುವಂತೆ ನೀಡುವಂತೆ ವಿಚ್ಛೇದನ ಕಾಯ್ದೆ-1869ರ ಸೆಕ್ಷನ್ 32ರ ಅಡಿಯಲ್ಲಿ ಕಲೈಸೆಲ್ವಿ ಕೊಯಮತ್ತೂರಿನ ಕೌಟುಂಬಿಕ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು. ಕೌಟುಂಬಿಕ ನ್ಯಾಯಲಯ ಕಲೈಸೆಲ್ವಿ ಅವರ ಅರ್ಜಿಯನ್ನು 14 ಫೆಬ್ರವರಿ 2019ರಂದು ವಜಾಗೊಳಿಸಿತ್ತು.