ಭಾರತ - ಪಾಕ್ ಗಡಿಯಲ್ಲಿ ತಡರಾತ್ರಿ ಡ್ರೋನ್ ಚಲನೆ.. ಗುಂಡು ಹಾರಿಸಿದ ಯೋಧ!

ಭಾರತ - ಪಾಕ್ ಗಡಿಯಲ್ಲಿ ತಡರಾತ್ರಿ ಡ್ರೋನ್ ಚಲನೆ ಕಂಡು ಬಂದಿದ್ದು, ಕೂಡಲೇ ಕಾರ್ಯ ಪ್ರವೃತಗೊಂಡ ಯೋಧ ಗುಂಡು ಹಾರಿಸಿರುವ ಘಟನೆ ಪಂಜಾಬ್​ನ ಅಜ್ನಾಲಾದಲ್ಲಿ ನಡೆದಿದೆ.

ಅಮೃತಸರ: ಅಜ್ನಾಲಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿರುವ ಬಿಒಪಿ ಭಯ್ಯಾನ್‌ನಲ್ಲಿ ತಡರಾತ್ರಿ ಬಿಎಸ್‌ಎಫ್‌ನ 183 ಬೆಟಾಲಿಯನ್ ಯೋಧರು ಡ್ರೋನ್‌ನ ಚಲನ ವಲನಗಳನ್ನು ಕಂಡಿದ್ದಾರೆ. ತಕ್ಷಣ ಕಾರ್ಯಪ್ರವೃತ್ತರಾದ ಬಿಎಸ್‌ಎಫ್ ಯೋಧರು ಡ್ರೋನ್‌ಗೆ ಗುಂಡು ಹಾರಿಸಿದ್ದಾರೆ.

ಭಾರತ ಪಾಕ್ ಗಡಿಯಲ್ಲಿ ಡ್ರೋನ್ ಚಲನೆ

ಭಾರತ-ಪಾಕಿಸ್ತಾನ ಗಡಿಯಲ್ಲಿ ಡ್ರೋನ್‌ಗಳ ಚಲನೆಗಳು ಹೆಚ್ಚಾಗಿ ಕಂಡುಬರುತ್ತಿವೆ. ತಡರಾತ್ರಿ ಸಹ ಡ್ರೋನ್​ನ​ ಚಲನೆ ಕಂಡು ಬಂದಿದ್ದು, ಇದನ್ನು ಕರ್ತವ್ಯದಲ್ಲಿದ್ದ ಯೋಧರು ಗುರುತಿಸಿದ್ದಾರೆ. ಕೂಡಲೇ ಡ್ರೋನ್​ಗೆ ಗುಂಡು ಹಾರಿಸಿದ್ದಾರೆ. ಆದರೆ ಆ ಡ್ರೋನ್ ತಕ್ಷಣವೇ ಪಾಕಿಸ್ತಾನದ ಕಡೆಗೆ ಹಿಂತಿರುಗಿತು. ಇದಾದ ನಂತರ ದಿನ ಬಿಎಸ್‌ಎಫ್ ಯೋಧರು ಮತ್ತು ಪಂಜಾಬ್ ಪೊಲೀಸರು ಆ ಪ್ರದೇಶವನ್ನು ಶೋಧಿಸುತ್ತಿದ್ದಾರೆ.

ಓದಿ:ಭಾರತಕ್ಕೆ ಬಂದ ಪಾಕ್​​ ಡ್ರೋನ್​ಗಳನ್ನು ಹಿಮ್ಮೆಟ್ಟಿಸಿದ ಗಡಿ ಭದ್ರತಾ ಪಡೆ

ಶೋಧ ಕಾರ್ಯಾಚರಣೆ:ಡ್ರೋನ್​ ಕಂಡು ಬಂದ ಪ್ರದೇಶದಲ್ಲಿ ಬಿಎಸ್ಎಫ್ ಯೋಧರು ಮತ್ತು ಅಧಿಕಾರಿಗಳು ಸೇರಿದಂತೆ ಪಂಜಾಬ್​ ಪೊಲೀಸ್ ಅಧಿಕಾರಿಗಳು ಶೋಧ ಕಾರ್ಯಾಚರಣೆ ನಡೆಸಿದ್ದಾರೆ. ಆದರೆ ಯಾವುದೇ ಸುಳಿವು ಇನ್ನು ದೊರೆತ್ತಿಲ್ಲ ಎನ್ನಲಾಗ್ತಿದೆ.

ಭಾರತ ಪಾಕ್ ಗಡಿಯಲ್ಲಿ ಡ್ರೋನ್ ಚಲನೆ

ಈ ಹಿಂದೆಯೂ ಡ್ರೋನ್ ಚಲನವಲನ ಕಂಡು ಬಂದಿತ್ತು:ಗಡಿ ಬಳಿ ಡ್ರೋನ್​ಗಳ ಸಂಚಾರ ಕಂಡು ಬಂದಿದ್ದು ಇದೇ ಮೊದಲಲ್ಲ ಎಂಬುದು ಗಮನಾರ್ಹ. ಈ ಹಿಂದೆಯೂ ಹಲವು ಬಾರಿ ಗಡಿಯಲ್ಲಿ ಡ್ರೋನ್​ಗಳ ಹಾರಾಟ ಕಂಡು ಬಂದಿವೆ.