ನವದೆಹಲಿ: ಡಿ. 4ರಂದು (ನಾಳೆ) 2021ರ ಕೊನೆಯ ಸೂರ್ಯಗ್ರಹಣಕ್ಕೆ ಜಗತ್ತು ಸಾಕ್ಷಿಯಾಗಲಿದೆ. ಆದರೆ, ಭಾರತದಲ್ಲಿ ಈ ಸೂರ್ಯಗ್ರಹಣ ಗೋಚರವಾಗುವುದಿಲ್ಲ. ದಕ್ಷಿಣ ಆಸ್ಟ್ರೇಲಿಯಾ, ಆಫ್ರಿಕಾ, ದಕ್ಷಿಣ ಅಮೆರಿಕ, ಪೆಸಿಫಿಕ್, ಅಟ್ಲಾಂಟಿಕ್, ಹಿಂದೂ ಮಹಾಸಾಗರ, ಅಂಟಾರ್ಟಿಕಾ ಸೇರದಂತೆ ಇನ್ನೂ ಕೆಲ ಭಾಗದಲ್ಲಿ ಮಾತ್ರ ಈ ಗ್ರಹಣ ಗೋಚರವಾಗಲಿದೆ.
ನಾಳೆ ಬೆಳಗ್ಗೆ 10;59ಕ್ಕೆ ಆರಂಭವಾಗುವ ಗ್ರಹಣವು ಮಧ್ಯಾಹ್ನ 3:07 ನಿಮಿಷಕ್ಕೆ ಅಂತ್ಯವಾಗಲಿದೆ. ಮಧ್ಯಾಹ್ನ 12:30ರಿಂದ 01:03ರ ವರೆಗೆ ಸುದೀರ್ಘವಾಗಿ ಸೂರ್ಯನು ಗ್ರಹಣಕ್ಕೆ ಒಳಪಡಲಿದ್ದಾನೆ. ಸುಮಾರು 4 ಗಂಟೆ 8 ನಿಮಿಷಗಳ ಗ್ರಹಣ ಇದಾಗಿರಲಿದ್ದು, ಅಂಟಾರ್ಟಿಕಾದಿಂದ ಮಾತ್ರ ಪೂರ್ಣ ಪ್ರಮಾಣದ ಗ್ರಹಣ ನೋಡಲು ಸಾಧ್ಯವಾಗಲಿದೆ.