ಭಾರತ - ಚೀನಾ 9ನೇ ಸುತ್ತಿನ ಕಾರ್ಪ್ಸ್ ಕಮಾಂಡರ್ ಮಟ್ಟದ ಸಭೆ ಅಂತ್ಯ

ಭಾರತ ಮತ್ತು ಚೀನಾ ನಡುವಿನ ಒಂಬತ್ತನೇ ಸುತ್ತಿನ ಕಾರ್ಪ್ಸ್ ಕಮಾಂಡರ್ ಮಟ್ಟದ ಸಭೆ ಇಂದು ಮುಂಜಾನೆ 2.30 ಸುಮಾರಿಗೆ ಕೊನೆಗೊಂಡಿದೆ.

ನವದೆಹಲಿ: ಭಾರತ ಮತ್ತು ಚೀನಾ ನಡುವಿನ ಒಂಬತ್ತನೇ ಸುತ್ತಿನ ಕಾರ್ಪ್ಸ್ ಕಮಾಂಡರ್ ಮಟ್ಟದ ಮಾತುಕತೆ ಸೋಮವಾರ ಮುಂಜಾನೆ 2: 30 ಕ್ಕೆ ಕೊನೆಗೊಂಡಿದೆ. ಈ ಸಭೆಯು ಭಾನುವಾರ ಬೆಳಗ್ಗೆ 11 ಗಂಟೆಗೆ ಪೂರ್ವ ಲಡಾಖ್ ಸೆಕ್ಟರ್‌ನ ಚುಶುಲ್​ನ ಮೊಲ್ಡೊದಲ್ಲಿ ಪ್ರಾರಂಭವಾಗಿತ್ತು. ನಂತರ 15 ಗಂಟೆಗಳಿಗಿಂತ ಹೆಚ್ಚು ಕಾಲ ಈ ಮಹತ್ವದ ಸಭೆ ನಡೆದಿದ್ದು, ಹಲವು ವಿಷಯಗಳ ಬಗ್ಗೆ ಚರ್ಚೆ ನಡೆಸಲಾಯಿತು.

ಕಳೆದ ವರ್ಷ ಏಪ್ರಿಲ್-ಮೇ ತಿಂಗಳಿನಿಂದ ಉಭಯ ದೇಶಗಳು ವಾಸ್ತವಿಕ ಗಡಿ ನಿಯಂತ್ರಣ ರೇಖೆಯ (ಎಲ್‌ಎಸಿ) ಉದ್ದಕ್ಕೂ ನಿಂತು ಹೋಗಿವೆ. ಚೀನಾವು ಎಲ್‌ಎಸಿಯ ಉದ್ದಕ್ಕೂ ಬೃಹತ್ ಮಿಲಿಟರಿ ಶಕ್ತಿಯನ್ನು ಸಂಗ್ರಹಿಸಲು ಪ್ರಾರಂಭಿಸಿದಾಗ, ಭಾರತವು ಸೂಕ್ತವಾದ ರಚನೆಯೊಂದಿಗೆ ಪ್ರತ್ಯುತ್ತರ ನೀಡಿತ್ತು. ಗಡಿ ಉದ್ವಿಗ್ನತೆ ನಿವಾರಿಸುವಲ್ಲಿ ಮಹತ್ವದ ಫಲಿತಾಂಶವನ್ನು ನೀಡಲು ಅನೇಕ ಸುತ್ತಿನ ಮಾತುಕತೆಗಳು ವಿಫಲವಾಗಿವೆ.

ಪೂರ್ವ ಲಡಾಕ್‌ನ ಚುಶುಲ್‌ನಲ್ಲಿ 2020ರ ನವೆಂಬರ್ 6ರಂದು ಉಭಯ ದೇಶಗಳ ನಡುವೆ ಕಾರ್ಪ್ಸ್ ಕಮಾಂಡರ್ ಮಟ್ಟದ ಮಾತುಕತೆ ಪ್ರಾರಂಭವಾಯಿತು. ಆಗಸ್ಟ್ 29-30 ರಂದು, ಭಾರತವು ಪಾಂಗೊಂಗ್ ಸರೋವರದ ಉತ್ತರ ಮತ್ತು ದಕ್ಷಿಣ ದಂಡೆಯ ಉದ್ದಕ್ಕೂ ಎತ್ತರವನ್ನು ಆಕ್ರಮಿಸಿಕೊಂಡಿತು. ಇದರಲ್ಲಿ ಆ ಪ್ರದೇಶದಲ್ಲಿ ನಿಯೋಜಿಸಲಾದ ಚೀನಿ ಮಿಲಿಟರಿಯನ್ನು ಗಮನದಲ್ಲಿರಿಸಿಕೊಂಡು ಪ್ರಾಬಲ್ಯದ ಸ್ಥಾನಗಳು ಪಡೆದುಕೊಂಡಿವೆ. ಸೈನಿಕರು ಮತ್ತು ಟ್ಯಾಂಕ್‌ಗಳನ್ನು ಮೊದಲು ದಕ್ಷಿಣದ ದಂಡೆಯಿಂದ ಹಿಂತೆಗೆದುಕೊಳ್ಳುವಂತೆ ಚೀನಿಯರು ಭಾರತವನ್ನು ಕೇಳಿದ್ದಾರೆ. ಆದರೆ, ಇದೇ ವೇಳೆ ಭಾರತವು ಎಲ್ಲಾ ಘರ್ಷಣೆ ಬಿಂದುಗಳಿಂದ ದೂರವಿರುವಂತೆ ಚೀನಾ ಸೇನೆಯಲ್ಲಿ ಮನವಿ ಮಾಡಿದೆ.