ಚೆನ್ನೈ:ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಆರ್ಸಿಬಿ ಪರ ಕಣಕ್ಕಿಳಿಯುತ್ತಿರುವ ನ್ಯೂಜಿಲ್ಯಾಂಡ್ ಆಲ್ರೌಂಡರ್ ಕೈಲ್ ಜೆಮೀಸನ್ ವಿರಾಟ್ ಕೊಹ್ಲಿ ನಾಯಕತ್ವ ಹಾಡಿ ಹೊಗಳಿದ್ದಾರೆ.
6 ಅಡಿ 8 ಇಂಚು ಎತ್ತರದ ಬೌಲರ್ ಜೆಮೀಸನ್ ಆಡಿರುವ ಎರಡು ಐಪಿಎಲ್ ಪಂದ್ಯಗಳಿಂದ 2ವಿಕೆಟ್ ಪಡೆದುಕೊಂಡಿದ್ದಾರೆ. ವಿರಾಟ್ ಕೊಹ್ಲಿ ಅವರ ನಾಯಕತ್ವದ ಶೈಲಿ ನಮ್ಮ ಆಲೋಚನೆ ಪ್ರಕ್ರಿಯೆ ಮತ್ತಷ್ಟು ಚುರುಕುಗೊಳಿಸುತ್ತದೆ ಎಂದಿರುವ ಅವರು, ಭಾರತೀಯ ಟ್ರ್ಯಾಕ್ಗಳಲ್ಲಿ ಬೌಲಿಂಗ್ ಮಾಡುವುದು ವಿಭಿನ್ನ ಅನುಭವ ಎಂದಿದ್ದಾರೆ.
ಭಾರತೀಯ ಮೈದಾನ ನಿಧಾನಗತಿಯ ಟ್ರ್ಯಾಕ್ ಹೊಂದಿದ್ದು, ಇಲ್ಲಿ ಬೌಲಿಂಗ್ ಮಾಡಲು ವಿಭಿನ್ನ ಕೌಶಲ್ಯ ಅವಶ್ಯಕತೆ ಎಂದು ಅವರು ಒಪ್ಪಿಕೊಂಡಿದ್ದಾರೆ. ಕೊಹ್ಲಿ ಓರ್ವ ಅನುಭವಿ ನಾಯಕ. ಓರ್ವ ಕೌಶಲ್ಯಪೂರ್ಣ ನಾಯಕನಾಗಿದ್ದು, ಅವರ ಆಟ ನಿಜಕ್ಕೂ ಅದ್ಭುತವಾಗಿರುತ್ತದೆ ಎಂದಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ತನ್ನ ಮುಂದಿನ ಪಂದ್ಯದಲ್ಲಿ ಕೆಕೆಆರ್ ವಿರುದ್ಧ ಸೆಣಸಾಟ ನಡೆಸಲಿದ್ದು, ಅದಕ್ಕೂ ಮುಂಚಿತವಾಗಿ ಜೆಮೀಸನ್ ಮಾತನಾಡಿದ್ದಾರೆ.
ಇದನ್ನೂ ಓದಿ: ಐಪಿಎಲ್ನಲ್ಲಿ ಈ ಟಾಸ್ಕ್ ಪೂರೈಸಿ: ಪಡಿಕ್ಕಲ್ಗೆ ಈ ಚಾಲೆಂಜ್ ನೀಡಿದ ಲಾರಾ!
ನ್ಯೂಜಿಲ್ಯಾಂಡ್ ತಂಡದ ಪರ 8 ಟಿ-20, 5 ಏಕದಿನ ಹಾಗೂ 6 ಟೆಸ್ಟ್ ಪಂದ್ಯಗಳನ್ನಾಡಿದ್ದು, ಇದೀಗ ಐಪಿಎಲ್ನಲ್ಲಿ ಭಾಗಿಯಾಗಿದ್ದು, ಆರ್ಸಿಬಿ ಫ್ರಾಂಚೈಸಿ ಅವರಿಗೆ ಬರೋಬ್ಬರಿ 15 ಕೋಟಿ ರೂ ನೀಡಿತು.