ಯುವಕನಿಗೆ ಕಿಡ್ನಿ ಸಮಸ್ಯೆ: ಚಿಕಿತ್ಸೆಗಾಗಿ ರೋಗಿಗೆ ಬಂಗಾರದ ಬಳೆಯನ್ನೇ ನೀಡಿದ್ರು ಸಚಿವೆ

ಸಚಿವರ ಹೃದಯ ವೈಶ್ಯಾಲ್ಯತೆ- ಕಿಡ್ನಿ ಕಸಿಗಾಗಿ ರೋಗಿಗೆ ಬಂಗಾರದ ಬಳೆಯನ್ನೇ ನೀಡಿದ ಸಹೃದಯಿ- ಕೇರಳದ ಉನ್ನತ ಶಿಕ್ಷಣ ಸಚಿವೆ ಆರ್​. ಬಿಂದು ಕಾರ್ಯಕ್ಕೆ ಶ್ಲಾಘನೆ

ತ್ರಿಶೂರ್:ಕೇರಳದ ಉನ್ನತ ಶಿಕ್ಷಣ ಸಚಿವೆ ಆರ್.ಬಿಂದು ಅವರು ತಮ್ಮ ಚಿನ್ನದ ಬಳೆಗಳಲ್ಲಿ ಒಂದನ್ನು ರೋಗಿಯೊಬ್ಬರಿಗೆ ದಾನ ಮಾಡಿದ್ದಾರೆ. ಕಿಡ್ನಿ ಕಸಿ ಮಾಡುವುದನ್ನು ಬಿಟ್ಟು ಬೇರೆ ದಾರಿಯಿಲ್ಲದ ರೋಗಿಯ ಚಿಕಿತ್ಸೆಗಾಗಿ ಸಚಿವರು ತಮ್ಮ ಬಳೆಯನ್ನು ದಾನ ನೀಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.

ತ್ರಿಶೂರ್ ಜಿಲ್ಲೆಯ ಇರಿಂಜಲಕುಡ ಪ್ರದೇಶದಲ್ಲಿ ಮೂತ್ರಪಿಂಡ ಕಸಿ ವೈದ್ಯಕೀಯ ನೆರವು ಸಮಿತಿಯ ಸಭೆಯಲ್ಲಿ ಅವರು ಭಾಗವಹಿಸಿದ್ದರು. ಮೂತ್ರಪಿಂಡ ಕಸಿ ಮಾಡಿಸಿಕೊಳ್ಳಬೇಕಾದ 27 ವರ್ಷದ ವಿವೇಕ್ ಪ್ರಭಾಕರ್ ಅವರ ದುಃಸ್ಥಿತಿಯನ್ನು ಕಂಡು ಸಚಿವರು ಭಾವುಕರಾದರು.

ಇದನ್ನೂ ಓದಿ:ಬಂದೂಕು ಹಿಡಿದು ಜನರಿಗೆ ಬೆದರಿಕೆ ಹಾಕಿದ ಮಹಿಳೆ! ವಿಡಿಯೋ..

ಬಳಿಕ ಅವರು ತಕ್ಷಣವೇ ತಮ್ಮ ಕೈಯಲ್ಲಿದ್ದ ಚಿನ್ನದ ಬಳೆಯನ್ನು ತೆಗೆದು, ಯುವಕನ ಚಿಕಿತ್ಸಾ ವೆಚ್ಚಕ್ಕೆ ಮೊದಲ ದೇಣಿಗೆಯಾಗಿ ನೀಡಿದರು. ಈ ಮೂಲಕ ಇತರರಿಗೆ ಮಾದರಿಯಾದರು. ಸಚಿವರನ್ನು ಇರಿಂಜಲಕುಡದ ಪ್ರತಿನಿಧಿಯಾಗಿ ಸಮಿತಿಯ ಸಭೆಗೆ ಆಹ್ವಾನಿಸಲಾಗಿತ್ತು.