ಮುಸ್ಲಿಂ ತಾಯಿ ಅಪ್ರಾಪ್ತ ಮಗುವಿನ ಆಸ್ತಿಯ ಪಾಲಕರಾಗಲು ಸಾಧ್ಯವಿಲ್ಲ: ಕೇರಳ ಹೈಕೋರ್ಟ್

ಕೇರಳ ಹೈಕೋರ್ಟ್‌ನ ವಿಭಾಗೀಯ ಪೀಠವು ಗುರುವಾರ ಸುಪ್ರೀಂ ಕೋರ್ಟ್‌ನ ಹಿಂದಿನ ಪೂರ್ವ ನಿದರ್ಶನಗಳ ಕಾರಣದಿಂದಾಗಿ, ಮುಸ್ಲಿಂ ತಾಯಿ ತನ್ನ ಅಪ್ರಾಪ್ತ ಮಗುವಿನ ಆಸ್ತಿಯ ಪಾಲಕರಾಗಲು ಸಾಧ್ಯವಿಲ್ಲ ಎಂದು ತೀರ್ಪು ಹೇಳಿದೆ.

ಕೊಚ್ಚಿ:ಸುಪ್ರೀಂಕೋರ್ಟ್‌ನ ಪೂರ್ವ ನಿದರ್ಶನಗಳಿಗೆ ಬದ್ಧವಾಗಿರುವ ಕಾರಣ ಮುಸ್ಲಿಂ ಮಹಿಳೆಯರು ತಮ್ಮ ಅಪ್ರಾಪ್ತ ಮಗುವಿನ ಆಸ್ತಿಯ ಪಾಲಕರಾಗಲು ಸಾಧ್ಯವಿಲ್ಲ ಎಂದು ಕೇರಳ ಹೈಕೋರ್ಟ್‌ನ ವಿಭಾಗೀಯ ಪೀಠ ಅಭಿಪ್ರಾಯ ವ್ಯಕ್ತಪಡಿಸಿದೆ. ವಿಭಾಗೀಯ ಪೀಠದ ನ್ಯಾಯಮೂರ್ತಿಗಳಾದ ಪಿ.ಬಿ. ಸುರೇಶ್ ಕುಮಾರ್ ಮತ್ತು ಸಿ.ಎಸ್.ಸುಧಾ ಅವರು ಈ ರೀತಿ ಹೇಳಿದ್ದಾರೆ.

ಮುಸ್ಲಿಂ ಮಹಿಳೆಯರು 14 ಮತ್ತು 15 ನೇ ವಿಧಿಗಳ ಪ್ರಕಾರ ಪಾಲಕರಾಗಬಹುದು. ಹೀಗಾಗಿ ಈ ಆದೇಶ ಕಾನೂನು ಉಲ್ಲಂಘನೆ ಎಂದು ವಾದಿಸಿದ್ರೂ, ಸುಪ್ರೀಂಕೋರ್ಟ್​ನ ಪೂರ್ವ ನಿದರ್ಶನಗಳಿಗೆ ಬದ್ಧವಾಗಿರುವುದರಿಂದ ಇದು ಸರಿಯಾಗಿದೆ ಎಂದಿದ್ದಾರೆ. ಕೋಯಿಕ್ಕೋಡ್‌ನ ಸಿ.ಅಬ್ದುಲ್ ಅಜೀಜ್ ಮತ್ತು ಇತರರು ಸಲ್ಲಿಸಿದ ಅರ್ಜಿಯ ವಿಚಾರಣೆ ವೇಳೆ ಕೋರ್ಟ್​ ಈ ರೀತಿ ಹೇಳಿದೆ.

ಇದನ್ನೂ ಓದಿ:ಪ್ರಾಣ ರಕ್ಷಕರಾದ ಪೊಲೀಸ್ ಸಿಬ್ಬಂದಿ .. ಗಂಗಾ ನದಿಯಲ್ಲಿ ಮುಳುಗುತ್ತಿದ್ದ ಇಬ್ಬರ ರಕ್ಷಣೆ: VIDEO

ಶರೀಯತ್ ಕಾಯಿದೆಯು ರಾಜ್ಯ ಶಾಸನವಲ್ಲ ಎಂದು ಪರಿಗಣಿಸಲ್ಪಟ್ಟಿರುವುದರಿಂದ, ಮೇಲ್ಮನವಿದಾರರ ಪರವಾಗಿ ವಾದಿಸಿದಂತೆ ಸಂವಿಧಾನದ 14 ಅಥವಾ 15 ನೇ ವಿಧಿಯ ಅನ್​ವಿಲ್​ನಲ್ಲಿ ಅದನ್ನು ಪರೀಕ್ಷಿಸಲಾಗುವುದಿಲ್ಲ ಎಂದು ನ್ಯಾಯಾಲಯವು ತನ್ನ ಅಭಿಪ್ರಾಯದಲ್ಲಿ ಹೇಳಿದೆ. ಮುಸ್ಲಿಂ ತಾಯಿ ತನ್ನ ಅಪ್ರಾಪ್ತ ಮಕ್ಕಳ ಪೋಷಕರಾಗಬಾರದು ಎಂದು ಸುಪ್ರೀಂ ಕೋರ್ಟ್‌ನಿಂದ ಹಲವಾರು ತೀರ್ಪುಗಳು ಇರುವುದರಿಂದ, ಆರ್ಟಿಕಲ್ 141 ರ ಅಡಿ ಒದಗಿಸಲಾದ ಸುಪ್ರೀಂ ಕೋರ್ಟ್ ಘೋಷಿಸಿದ ಕಾನೂನನ್ನು ಅನುಸರಿಸಲು ಹೈಕೋರ್ಟ್ ಬದ್ಧವಾಗಿದೆ ಎಂದು ನ್ಯಾಯಾಲಯವು ಸೂಚಿಸಿದೆ.