ಭಾಗಲ್ಪುರ: ಭಾರತ ಸರ್ಕಾರದ 1989ರ ಬ್ಯಾಚ್‌ನ ಐಪಿಎಸ್ ಅಧಿಕಾರಿ ಡಾ.ಅಮರ್ ಕುಮಾರ್ ಪಾಂಡೆ ಅವರು ಕೆಲವು ದಿನಗಳ ರಜೆಗಾಗಿ ಕುಟುಂಬ ಸಮೇತ ಸ್ವಗ್ರಾಮಕ್ಕೆ ಆಗಮಿಸಿದ್ದಾರೆ. ಕಳೆದ 5 ದಿನಗಳಿಂದ ಕರ್ನಾಟಕದ ಡಿಜಿಪಿ ಡಾ. ಅಮರ್ ಕುಮಾರ್ ಪಾಂಡೆ ಜಿಲ್ಲೆಯ ಮಕ್ಸಾಸ್ಪುರ ಗ್ರಾಮದಲ್ಲಿ ನೆಮ್ಮದಿಯ ದಿನಗಳನ್ನು ಕಳೆಯುತ್ತಿದ್ದಾರೆ.
ಬಿಹಾರ-ಕರ್ನಾಟಕ ಐತಿಹಾಸಿ ಸೌಹಾರ್ದ ಸಂಬಂಧ ಹೊಂದಿದೆ ಎಂದ ಡಿಜಿಪಿ ಭಾಗಲ್ಪುರದಲ್ಲಿ ಕರ್ನಾಟಕದ ಡಿಜಿಪಿ: ತಮ್ಮ ಹುಟ್ಟೂರಿಗೆ ಆಗಮಿಸಿರುವ ಡಾ.ಅಮರ್ ಕುಮಾರ್ ಪಾಂಡೆ ತಮ್ಮ ಕುಟುಂಬದೊಂದಿಗೆ ವಾಸ್ತವ್ಯ ಹೂಡಿದ್ದು, ಕೆಲವು ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕುತ್ತಿದ್ದಾರೆ. ಹಳ್ಳಿಯ ಹಿರಿಯರೊಂದಿಗೆ ನಿರಂತರವಾಗಿ ಮಾತಕತೆ ನಡೆಸುತ್ತಿದ್ದಾರೆ. ಮಾವಿನ ತೋಟ ಮತ್ತು ಕಾರಿಡಾರ್‌ನಲ್ಲಿ ತನ್ನ ಬಾಲ್ಯವನ್ನು ನೆನಪಿಸಿಕೊಳ್ಳುತ್ತಿದ್ದಾರೆ. ಹಲವು ವರ್ಷಗಳ ಹಿಂದೆ ಅವರು ತಮ್ಮ ಸ್ವಗ್ರಾಮದಲ್ಲಿರುವ ತಮ್ಮ ಮನೆಯಲ್ಲಿ ಕೆಲ ಸಮಯ ಕಳೆದಿದ್ದರು. ಈಗ ಅವರ ಹಳೆಯ ಮನೆ ಪಾಳುಬಿದ್ದಿದೆ. ಆದರೆ, ಡಿಜಿಪಿ ಸಾಹಿಬ್ ತಮ್ಮ ಹಳ್ಳಿಯೊಂದಿಗಿನ ಅಪಾರ ಬಾಂಧವ್ಯದಿಂದ ತಮ್ಮ ಮನೆಯನ್ನು ಮರು ನಿರ್ಮಾಣ ಮಾಡಿದ್ದಾರೆ.
ಓದಿ:ಬೆದರಿಕೆ ಪ್ರಕರಣ: ಭೂಗತ ಪಾತಕಿ ರವಿ ಪೂಜಾರಿ ವಿರುದ್ಧದ ಕೇಸ್ ರದ್ದು ಪಡಿಸಿದ ಕೋರ್ಟ್
'ಬಿಹಾರ ಮತ್ತು ಕರ್ನಾಟಕದ ಐತಿಹಾಸಿಕ ಸಂಬಂಧಗಳು': ಕರ್ನಾಟಕ ಮತ್ತು ಬಿಹಾರ ಐತಿಹಾಸಿಕ ಕಾಲದಿಂದಲೂ ಸೌಹಾರ್ದಯುತ ಸಂಬಂಧವನ್ನು ಹೊಂದಿದೆ. ಮೌರ್ಯ ಸಾಮ್ರಾಜ್ಯವನ್ನು ಮಗಧ ರಾಜವಂಶದ ರಾಜ ಚಂದ್ರಗುಪ್ತ ಮೌರ್ಯ ಸ್ಥಾಪಿಸಿದರು. ತಮ್ಮ ವಯಸ್ಸಿನ ಕೊನೆಯ ಹಂತದಲ್ಲಿ, ಅವರು ಕರ್ನಾಟಕದ ಹಾಸನ ಜಿಲ್ಲೆಯಲ್ಲಿ ಸನ್ಯಾಸ ಮತ್ತು ಮೋಕ್ಷವನ್ನು ಪಡೆದರು. ಕರ್ನಾಟಕ ಮತ್ತು ಬಿಹಾರದ ಭೂಮಿ ಐತಿಹಾಸಿಕ ಕಾಲದಿಂದಲೂ ಸಂಪರ್ಕ ಹೊಂದಿವೆ ಎಂದು ನೆನಪು ಮಾಡಿಕೊಂಡರು.
ಡಿಜಿಪಿ ಹೇಳಿದ್ದೇನು?: ಬಿಹಾರದ ಜನರಲ್ಲಿ ಮಾಧುರ್ಯ, ಭ್ರಾತೃತ್ವ ಇದ್ದಂತೆ, ಕರ್ನಾಟಕದ ಜನರಲ್ಲಿ ಮಾಧುರ್ಯವಿದೆ. ಅವರಿಗೆ ಬಿಹಾರದ ಬಗ್ಗೆ ಹೆಚ್ಚು ತಿಳಿದಿಲ್ಲದಿದ್ದರೂ ಇಲ್ಲಿನ ಜನರನ್ನು ಪ್ರೀತಿಸುತ್ತಾರೆ. ಗಂಗಾ ಬಿಹಾರದಲ್ಲಿ ಪವಿತ್ರ ಸ್ಥಳವಾಗಿದೆ. ಕರ್ನಾಟಕದ ಜನರು ನನಗೆ ಬಹಳಷ್ಟು ಪ್ರೀತಿಯನ್ನು ಧಾರೆ ಎರೆದಿದ್ದಾರೆ ಎಂದು ಡಾ. ಅಮರ್ ಕುಮಾರ್ ಪಾಂಡೆ ಹೇಳಿದರು.
ಡಾನ್ ರವಿ ಪೂಜಾರಿ: ಅಂತರಾಷ್ಟ್ರೀಯ ಅಂಡರ್ ವರ್ಲ್ಡ್ ಡಾನ್ ಭಾರತದ ದೊಡ್ಡ ಸೆಲೆಬ್ರಿಟಿಗಳಿಗೆ ಬದುಕಲು ಕಷ್ಟವಾಗುವಂತೆ ಮಾಡಿದ್ದ. ಹೀಗಿರುವಾಗ ಭೂಗತ ಪಾತಕಿ ದಾವೂದ್, ಛೋಟಾ ರಾಜನ್ಗಳಲ್ಲದೇ ದೊಡ್ಡ ಅಂತಾರಾಷ್ಟ್ರೀಯ ಭೂಗತ ಪಾತಕಿ ಗ್ಯಾಂಗ್ ಅನ್ನು ರವಿ ಪೂಜಾರಿ ಎಂಬ ಡಾನ್ ನಡೆಸುತ್ತಿದ್ದ. ಸುಮಾರು 50-60 ದೇಶಗಳಿಗೆ ತನ್ನ ಜಾಲವನ್ನು ವಿಸ್ತರಿಸಿದ್ದ. ಈತ ಭಾರತದ ಜನರನ್ನು ಬೆದರಿಸಿ, ಗುಂಡು ಹಾರಿಸುವ ಮೂಲಕ ಕಿರುಕುಳ ನೀಡುತ್ತಿದ್ದ. ಅಂತಾರಾಷ್ಟ್ರೀಯ ಮಾಫಿಯಾ ಡಾನ್ ರವಿ ಪೂಜಾರಿಯನ್ನು ಹಿಡಿದು ಕಂಬಿ ಹಿಂದೆ ಹಾಕುವಲ್ಲಿ ಡಿಜಿಪಿ ಪಾಂಡೆ ಶ್ರಮ ವಹಿಸಿದ್ದರು.
