ಮೇಕೆಗೆ ಒಂದು ಕೋಟಿ ರೂ. ಫಿಕ್ಸ್ ಮಾಡಿದ ಮಾಲೀಕ: ಕಾರಣವೇನು ಗೊತ್ತಾ?

ಇಸ್ಲಾಂನಲ್ಲಿ ಅತ್ಯಂತ ಪವಿತ್ರ ಸಂಕೇತಗಳಾದ ಕಾರಣದಿಂದ ಒಂದು ಕೋಟಿ ರೂಪಾಯಿ ಬೆಲೆ ನಿಗದಿ ಮಾಡಿದ್ದಾಗಿ ಆತ ಹೇಳಿದ್ದಾನೆ. ತುಂಬಾ ಮುತುವರ್ಜಿಯಿಂದ ಮೇಕೆಯನ್ನು ಸಾಕಿರುವುದಾಗಿ ಹೇಳಿಕೊಂಡಿದ್ದಾನೆ.

ಕಾನ್ಪುರ, ಉತ್ತರ ಪ್ರದೇಶ: ವ್ಯಕ್ತಿಯೋರ್ವ ತಾನು ಸಾಕಿದ್ದ ಮೇಕೆಗೆ ಒಂದು ಕೋಟಿ ರೂಪಾಯಿ ಬೆಲೆ ನಿಗದಿ ಮಾಡಿದ್ದಾನೆ. ಆ ಮೇಕೆಯ ಮೇಲೆ 'ಅಲ್ಲಾಹ್' ಎಂಬ ಅಕ್ಷರಗಳಿವೆ ಎಂದು ಆತ ಮಾಹಿತಿ ನೀಡಿದ್ದಾನೆ.

ಈ ಘಟನೆ ನಡೆದಿರುವುದು ಉತ್ತರ ಪ್ರದೇಶದ ಕಾನ್ಪುರದಲ್ಲಿ. ರೇನಿಯಾ ಪ್ರದೇಶದ ದೇವಿಂದರ್ ಕುಮಾರ್ ಎಂಬಾತ ಕಾನ್ಪುರ ಪ್ರೆಸ್​ಕ್ಲಬ್​​ನಲ್ಲಿ ಸುದ್ದಿಗೋಷ್ಠಿ ನಡೆಸಿದ್ದು, ತನ್ನ ಮನೆಯಲ್ಲಿನ ಮೇಕೆ ದೇಹದ ಮೇಲೆ ಒಂದೆಡೆ ಅಲ್ಲಾಹ್​ ಎಂದು ಮೂಡಿದ್ದು,ಮತ್ತೊಂದೆಡೆ ಚಂದ್ರನ ಆಕೃತಿಯಿದೆ ಎಂದು ಹೇಳಿದ್ದಾನೆ.

ಇದು ಇಸ್ಲಾಂನಲ್ಲಿ ಅತ್ಯಂತ ಪವಿತ್ರ ಸಂಕೇತಗಳಾಗಿರುವ ಕಾರಣದಿಂದ ಒಂದು ಕೋಟಿ ರೂಪಾಯಿ ಬೆಲೆ ನಿಗದಿ ಮಾಡಿದ್ದಾಗಿ ಆತ ಹೇಳಿದ್ದಾನೆ. ತುಂಬಾ ಮುತುವರ್ಜಿಯಿಂದ ಆತ ಮೇಕೆಯನ್ನು ಸಾಕಿರುವುದಾಗಿ ಹೇಳಿಕೊಂಡಿದ್ದಾನೆ.

ಇದನ್ನೂ ಓದಿ:ನಿಜ ಜೀವನದಲ್ಲೂ ಹೀರೋ ರೀತಿ ಇರಿ: ದಳಪತಿಗೆ ಛೀಮಾರಿ ಹಾಕಿ, ದಂಡ ವಿಧಿಸಿದ ಮದ್ರಾಸ್ ಹೈಕೋರ್ಟ್​​

ಆತ ಮೇಕೆಯ ಮೇಲೆ ಅಲ್ಲಾಹ್ ಎಂದು ಬರೆದಿರುವುದಾಗಿ ಹೇಳಿಕೊಂಡಿದ್ದು, ಆದರೆ ಅದು ಮೇಲ್ನೋಟಕ್ಕೆ ಸ್ಪಷ್ಟವಾಗಿ ಕಾಣುವುದಿಲ್ಲ ಎಂದು ಕೆಲವರು ಹೇಳುವ ಮಾತು.