ಮಂಗಗಳ ಉಪಟಳ ತಪ್ಪಿಸುವವರಿಗೆ ಮಾತ್ರ ಮತ.. ಕೇರಳದ ಗ್ರಾಮಸ್ಥರಿಂದ ಹೀಗೊಂದು ನಿರ್ಧಾರ

ಈ ಬಾರಿಯ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಮಂಗಗಳ ಕಾಟದಿಂದ ಯಾರು ತಮಗೆ ಮುಕ್ತಿ ನೀಡುವ ಭರವಸೆ ನೀಡುತ್ತಾರೋ ಅವರಿಗೆ ತಮ್ಮ ಮತ ಹಾಕುವುದಾಗಿ ಸ್ಥಳೀಯರು ತಿಳಿಸಿದ್ದಾರೆ..

ವಯನಾಡ್​ ( ಕೇರಳ) :ಮಂಗಗಳ ಕಾಟಕ್ಕೆ ಪರಿಹಾರ ನೀಡುವವರಿಗೆ ಮಾತ್ರ ಮತ ನೀಡುವುದಾಗಿ ವಯನಾಡ್​ನ ಕಲ್ಪೆಟ್ಟ ಗ್ರಾಮದ ಜನರು ತೀರ್ಮಾನಿಸಿದ್ದಾರೆ.

ಕಲ್ಪೆಟ್ಟ ಗ್ರಾಮ ಅರಣ್ಯದ ಅಂಚಿನಲ್ಲಿದ್ದು, ಮಂಗಗಳು ಮನೆಗಳಿಗೆ ದಾಳಿ ನಡೆಸಿ ಆಹಾರ ಕದಿಯುತ್ತವೆ, ಜನರ ಮೇಲೆಯೂ ದಾಳಿ ನಡೆಸುತ್ತವೆ. ಹೀಗಾಗಿ, ಇಲ್ಲಿನ ಜನ ಮಂಗಗಳ ಉಪಟಳದಿಂದ ರೋಸಿ ಹೋಗಿದ್ದಾರೆ.

ಆದ್ದರಿಂದ, ಈ ಬಾರಿಯ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಮಂಗಗಳ ಕಾಟದಿಂದ ಯಾರು ತಮಗೆ ಮುಕ್ತಿ ನೀಡುವ ಭರವಸೆ ನೀಡುತ್ತಾರೋ ಅವರಿಗೆ ತಮ್ಮ ಮತ ಹಾಕುವುದಾಗಿ ಸ್ಥಳೀಯರು ತಿಳಿಸಿದ್ದಾರೆ.