ವಾರಾಣಸಿ :126 ವರ್ಷ ವಯಸ್ಸಿನ ಯೋಗ ಗುರು ಬಾಬಾ ಶಿವಾನಂದ್ ಜಿ ಮಹಾರಾಜ್ ಅವರು ಆರೋಗ್ಯಕರ ಜೀವನಶೈಲಿಯನ್ನು ನಡೆಸುತ್ತಿದ್ದಾರೆ. ಇತ್ತಿಚೇಗೆ ಅವರಿಗೆ ಪದ್ಮಶ್ರೀ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಶಿವಾನಂದ್ ಬಾಬಾ ಅವರು ಪ್ರಧಾನಿ ನರೇಂದ್ರ ಮೋದಿ ಮತ್ತು ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರಿಗೆ ಗೌರವ ಸಲ್ಲಿಸುವ ಮೊದಲು ನಮಸ್ಕರಿಸಿರುವ ವಿಡಿಯೋ ವೈರಲ್ ಆಗಿದೆ.
ಪ್ರಶಸ್ತಿ ಬಳಿಕ ತಮ್ಮ ನಿವಾಸಕ್ಕೆ ವಾಪಸ್ ಆದ ಯೋಗ ಗುರು ಶಿವಾನಂದ್ ಜಿ ಮಹಾರಾಜ್ ಅವರನ್ನು ಈಟಿವಿ ಭಾರತ ವರದಿಗಾರರು ಕೆಲವೊಂದು ಪ್ರಶ್ನೆಗಳನ್ನು ಕೇಳಿದ್ದಾರೆ. ಈ ವೇಳೆ ಅವರ ಉತ್ತರ ಯಾವರೀತಿ ಇದ್ದವು ಎಂಬುದು ನೋಡಿ.
- ಸ್ವಾಮೀಜಿ, ನೀವು ದೇಶದ ಅತ್ಯುನ್ನತ ಗೌರವಗಳಲ್ಲಿ ಒಂದಾದ ಪದ್ಮಶ್ರೀಯನ್ನು ಸ್ವೀಕರಿಸುವುದರ ಅರ್ಥವೇನು?
ಪದ್ಮಶ್ರೀ ಪ್ರಶಸ್ತಿಯ ಗೌರವ ನನಗಲ್ಲ ಬದಲಾಗಿ ದೇಶದ ಪ್ರತಿಯೊಬ್ಬ ಪ್ರಜೆಗೂ ಸಲ್ಲುತ್ತದೆ. ಏಕೆಂದರೆ ಯೋಗ ಕ್ಷೇತ್ರದಲ್ಲಿ ನೀಡಿದ ಗೌರವವು ಜನರು ಆರೋಗ್ಯವಾಗಿರಲು ಮತ್ತು ಉತ್ತಮ ದಿನಚರಿಯೊಂದಿಗೆ ಜೀವನ ನಡೆಸಲು ಪ್ರೇರೇಪಿಸುತ್ತದೆ. ಅದಕ್ಕೆ ನಾನು ಆಯ್ಕೆಯಾಗಿರುವುದು ನನ್ನ ಅದೃಷ್ಟ. ನನ್ನನ್ನು ಸಮರ್ಥನೆಂದು ಪರಿಗಣಿಸಿದ ಎಲ್ಲರಿಗೂ ನಾನು ಧನ್ಯವಾದ ತಿಳಿಸುತ್ತೇನೆ.
- ಜಗತ್ತಿಗೆ ಭಾರತ ಯೋಗವನ್ನು ಕಲಿಸಿದೆ. ನೀವು ದೇಶ ಮತ್ತು ವಿದೇಶಗಳಲ್ಲಿನ ಲಕ್ಷಾಂತರ ಜನರಿಗೆ ಯೋಗ ಅಳವಡಿಸಿಕೊಳ್ಳಲು ಪ್ರೇರೇಪಿಸಿದ್ದೀರಿ... ಇದರ ಬಗ್ಗೆ ನಿಮ್ಮ ಅಭಿಪ್ರಾಯ
ಜೀವನಕ್ಕೆ ಯೋಗ ಬಹಳ ಮುಖ್ಯ. ಯೋಗದೊಂದಿಗೆ ನಿಮ್ಮ ನಿಯಮಿತ ದಿನಚರಿ ಸುಧಾರಿಸುವುದು ಬಹಳ ಮುಖ್ಯ. ಈ ವಯಸ್ಸಿನಲ್ಲೂ ನಿತ್ಯ ಅರ್ಧ ಗಂಟೆ ಯೋಗ ಮಾಡುತ್ತೇನೆ. ಈ ಹಿಂದೆ 3 ಗಂಟೆಗಳ ಕಾಲ ಯೋಗಾಭ್ಯಾಸ ಮಾಡುತ್ತಿದ್ದೆ, ನಂತರ 2 ಗಂಟೆಗಳ ಕಾಲ.. ವಯಸ್ಸಾದ ನಂತರ ಈಗ ಅರ್ಧ ಗಂಟೆ ಯೋಗ ಮಾಡುವ ಮೂಲಕ ಫಿಟ್ ಆಗಿರಲು ಪ್ರಯತ್ನಿಸುತ್ತೇನೆ.
ಓದಿ:ಶಾಂತಿಗಾಗಿ ಇಸ್ರೇಲ್ನಲ್ಲಿ ಉಕ್ರೇನಿಯನ್ ಓಟಗಾರ್ತಿ ಮ್ಯಾರಾಥಾನ್: 40 ನಿರಾಶ್ರಿತರಿಂದಲೂ ಪೀಸ್ ಫಾರ್ ರನ್ನಿಂಗ್!
ಜೀವನದಲ್ಲಿ ಆರೋಗ್ಯವಾಗಿರಲು ಪ್ರತಿಯೊಬ್ಬರೂ ಯೋಗ ಮಾಡಬೇಕು ಮತ್ತು ತಮ್ಮ ದಿನಚರಿಯನ್ನು ಸುಧಾರಿಸಬೇಕು. 6 ಗಂಟೆಗಳ ನಿದ್ದೆ ಮಾಡಬೇಕು ಎಂದು ನಾನು ನಂಬುತ್ತೇನೆ. ಇದಲ್ಲದೇ, ನೀವು ಕಡಿಮೆ ಆಹಾರ ಸೇವಿಸಬೇಕು. ಅದು ನಿಮ್ಮನ್ನು ಆರೋಗ್ಯವಾಗಿಡಲು ಬಹಳಷ್ಟು ಕೊಡುಗೆ ನೀಡುತ್ತದೆ ಎಂದು ಯುವ ಜನಕ್ಕೆ ಸಲಹೆ ನೀಡಿದರು.
- ಯೋಗ ಮತ್ತು ಅಧ್ಯಾತ್ಮಿಕತೆಯ ಬೋಧನೆಯ ಮೂಲಕ ನೀವು ಲಕ್ಷಾಂತರ ಜನರ ಜೀವನವನ್ನು ಬದಲಾಯಿಸಿದ್ದೀರಿ, ಇದರ ಮೂಲ ರಹಸ್ಯವೇನು?
ರಹಸ್ಯ ಎಂದರೆ ಅದು ಒಂದೇ ಯೋಗ.. ಇದು ನಿಮ್ಮ ಗಮನವನ್ನು ಹೆಚ್ಚಿಸುತ್ತದೆ. ನೀವು ಕಾರ್ಯದ ಮೇಲೆ ಕೇಂದ್ರೀಕರಿಸಿದಾಗ ನಿಮ್ಮ ಜೀವನದಲ್ಲಿ ಸುಧಾರಣೆಗಳನ್ನು ಅನುಭವಿಸುತ್ತೀರಿ. ಯೋಗದ ಹೊರತಾಗಿ ನಿಮ್ಮ ಆಸೆಗಳನ್ನು ನಿಯಂತ್ರಿಸುವುದು ಅತ್ಯಂತ ಮುಖ್ಯವಾದ ವಿಷಯವಾಗಿದೆ. ಇಂದು ಪ್ರತಿಯೊಬ್ಬರೂ ಎಂದಿಗೂ ಮುಗಿಯದ ಬಯಕೆಯನ್ನು ಹೊತ್ತಿದ್ದಾರೆ. ಇದರಿಂದಾಗಿ ಅವರು ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಈ ಆಸೆಗಳನ್ನು ಹತೋಟಿಯಲ್ಲಿಟ್ಟರೆ ನಿಮ್ಮ ಜೀವನ ಸುಖಮಯವಾಗಿರುತ್ತದೆ ಎಂದರು.
- ನಿಮಗೆ 126 ವರ್ಷ, ನಿಮ್ಮ ದಿನಚರಿ ಏನು?
126 ನೇ ವರ್ಷಕ್ಕೆ ಕಾಲಿಟ್ಟರೂ ನನ್ನ ದಿನಚರಿಯು ನಾನು ಇಷ್ಟು ವರ್ಷಗಳಿಂದ ಅನುಸರಿಸುತ್ತಿರುವಂತೆಯೇ ಇದೆ. ಮತ್ತಷ್ಟು ವಿವರಿಸುತ್ತಾ ಅವರ ಶಿಷ್ಯ ಸಂಜಯ್, ಬಾಬಾರ ಪರವಾಗಿ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಿದರು
ಸಂಜಯ್ ಹೇಳುತ್ತಾರೆ: ಗುರೂಜಿಯವರ ಮಂತ್ರವೆಂದರೆ ‘ನೋ ಆಯಿಲ್ ಓನ್ಲಿ ಬಾಯ್ಲ್’. ಬೆಳಗ್ಗೆ ಸೂರ್ಯೋದಯಕ್ಕೂ ಮುನ್ನ ಎದ್ದ ನಂತರ ನಿತ್ಯದ ದಿನಚರಿ ಮುಗಿಸಿಕೊಂಡು ಅರ್ಧ ಗಂಟೆ ಯೋಗ ಮಾಡುತ್ತಾರೆ. ಅವರು ಪಠಿಸುತ್ತಾರೆ, ಪೂಜೆ ಮಾಡುತ್ತಾರೆ ಮತ್ತು ಬೆಳಗ್ಗೆ ಬೆಚ್ಚಗಿನ ನೀರನ್ನು ಕುಡಿಯುತ್ತಾರೆ. ಇದಲ್ಲದೇ ಎರಡು ರೊಟ್ಟಿ, ತರಕಾರಿ ತಿಂದು ದಿನವಿಡೀ ತಮ್ಮ ಕೆಲಸದಲ್ಲಿ ತೊಡಗಿ ಜನರನ್ನು ಭೇಟಿಯಾಗಿ ಯೋಗ ಮಾಡಲು ಪ್ರೇರೇಪಿಸುತ್ತಾರೆ.
ಓದಿ:ಬಾಲ ಕಾರ್ಮಿಕನಿಗೆ ಅಸಹಜ ಲೈಂಗಿಕ ಕಿರುಕುಳ.. ಚಿತ್ರಹಿಂಸೆ ನೀಡಿದ್ದ ಪತ್ನಿ ಅರೆಸ್ಟ್, ಪತಿ ಪರಾರಿ!
ಸಾಯಂಕಾಲ ಆವಿಯಲ್ಲಿ ಬೇಯಿಸಿದ ಆಹಾರವನ್ನು ತಿಂದು 8 ಗಂಟೆಯ ಮೊದಲು ಮಲಗುತ್ತಾರೆ. 6 ಗಂಟೆಗಳ ನಿದ್ದೆ ಬಹಳ ಅಗತ್ಯ ಎಂದು ಗುರೂಜಿ ನಂಬುತ್ತಾರೆ. ಇಂದಿಗೂ ಅವರು ತಮ್ಮ ನಿತ್ಯದ ದಿನಚರಿಯಿಂದ ಆರೋಗ್ಯವಾಗಿದ್ದಾರೆ. ಇತ್ತೀಚೆಗಷ್ಟೇ ದೇಶದ ಕೆಲವು ದೊಡ್ಡ ಖಾಸಗಿ ಆಸ್ಪತ್ರೆಗಳಿಂದ ಫುಲ್ ಬಾಡಿ ಚೆಕಪ್ ಕೂಡ ಮಾಡಿಸಿದ್ದು, ಅದರಲ್ಲಿ ಯಾವುದೇ ಸಮಸ್ಯೆ ಕಂಡು ಬಂದಿಲ್ಲ ಎಂದು ಹೇಳಿದರು.
- ಬಾಬಾ 6 ನೇ ವಯಸ್ಸಿನಲ್ಲಿ ತಂದೆ-ತಾಯಿಯನ್ನು ಕಳೆದುಕೊಂಡರು. ಅದರ ನಂತರವೂ ಯೋಗದ ಕಡೆಗೆ ಅವರ ಬಾಂಧವ್ಯ ಹೇಗಿತ್ತು?
ಸಂಜಯ್: ಸ್ವಾಮಿ ಶಿವಾನಂದ್ ಜಿ ಅವರು ತಮ್ಮ 4 ನೇ ವಯಸ್ಸಿನಲ್ಲಿ ತಮ್ಮ ಹೆತ್ತವರೊಂದಿಗೆ ತಮ್ಮ ಗುರುಗಳ ಬಳಿಗೆ ಬಂದಿದ್ದರು. ಅವರ ಗುರುಗಳು ಯೋಗ ಮಾಡುವುದನ್ನು ನೋಡಿ ಅವರ ಮನಸ್ಸಿನಲ್ಲಿ ಯಾವಾಗಲೂ ಯೋಗ ಕಲಿತುಕೊಳ್ಳಬೇಕು ಎಂಬ ಕುತೂಹಲವಿತ್ತು. ಅವರು ತಮ್ಮ ಗುರುವನ್ನು ತಮ್ಮ ಆದರ್ಶ ಎಂದು ಪರಿಗಣಿಸಿದರು. ತಮ್ಮ ಗುರುಗಳು ಯೋಗ ಮಾಡುವುದನ್ನು ನೋಡಿದರು. ಬಳಿಕ ಅವರು ತಮ್ಮ ಗುರುಗಳು ತೋರಿಸಿದ ಮಾರ್ಗವನ್ನು ಅನುಸರಿಸಲು ಬಯಸಿದರು.
- ವಾರಾಣಸಿಗೆ ಬರಲು ಕಾರಣ, ಇಲ್ಲಿ ನಿಮಗೆ ಯಾವುದು ಹೆಚ್ಚು ಇಷ್ಟ?
ನನಗೆ ವಾರಾಣಸಿ ಎಂದರೆ ತುಂಬಾ ಇಷ್ಟ. ನಾನು ವಾರಾಣಸಿಯಲ್ಲಿ ನೆಲೆಸಿದ್ದೇನೆ ಮತ್ತು ನನ್ನ ಜೀವನದ ಕೊನೆಯ ಕ್ಷಣಗಳನ್ನು ವಾರಾಣಸಿಯಲ್ಲಿ ಕಳೆಯಲು ಬಯಸುತ್ತೇನೆ ಎಂದು ಶಿವಾನಂದ್ ಬಾಬಾ ಹೇಳಿದರು.
- ನೀವು 2014 ರ ಲೋಕಸಭೆಯಲ್ಲಿ ಮೊದಲ ಬಾರಿಗೆ ಮತ ಚಲಾಯಿಸಿದ್ದೀರಿ. ಅದಕ್ಕೂ ಮೊದಲು ನೀವು ಯಾಕೆ ಮತ ಹಾಕಲಿಲ್ಲ?
2014 ರ ಮೊದಲು ನಾನು ದೇಶದ ವಿವಿಧ ಭಾಗಗಳಲ್ಲಿ ತಿರುಗಾಡುತ್ತಿದ್ದೆ. ಒಂದೇ ಸ್ಥಳದಲ್ಲಿ ಉಳಿಯಲಿಲ್ಲ. ಹೀಗಾಗಿ ನನಗೆ ಮತದಾನ ಮಾಡಲು ಸಾಧ್ಯವಾಗಲಿಲ್ಲ. ನನಗೆ ಶಾಶ್ವತ ವಿಳಾಸವೂ ಇರಲಿಲ್ಲ. ಫ್ರಾಂಚೈಸಿಯ ವ್ಯಾಯಾಮ ಎಲ್ಲರಿಗೂ ಅವಶ್ಯಕವಾಗಿದೆ. ಪ್ರತಿಯೊಬ್ಬರೂ ಅದರಲ್ಲಿ ಪಾಲ್ಗೊಳ್ಳಬೇಕು ಎಂದು ನಾನು ನಂಬುತ್ತೇನೆ ಎಂದರು.
- ಕೊರೊನಾ ಲಸಿಕೆ ಬಗ್ಗೆ ಜನರಲ್ಲಿ ಭಯವಿತ್ತು. ಆಗ ನೀವು ಲಸಿಕೆ ಪಡೆದಿದ್ದೀರಿ. ನಿಮಗೆ ಭಯವಾಗಲಿಲ್ಲವೇ?
ನನಗೆ ಯಾವ ಭಯವೂ ಆಗಲಿಲ್ಲ. ಲಸಿಕೆ ಹಾಕಿಸಿಕೊಳ್ಳುವುದರೊಂದಿಗೆ ಯೋಗ ಮಾಡುವುದರಿಂದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ ಮತ್ತು ರೋಗದಿಂದ ಪಾರಾಗುತ್ತದೆ. ವ್ಯಾಕ್ಸಿನೇಷನ್ ಅತ್ಯಂತ ಮುಖ್ಯವಾಗಿದೆ ಎಂದು ಶಿವಾನಂದ ಬಾಬಾ ಇದೇ ವೇಳೆ ಹೇಳಿದರು.
ಓದಿ:G-20ಯಿಂದ ಹೊರ ಹೋಗಿ: ರಷ್ಯಾಗೆ ಬೈಡನ್ ಒತ್ತಾಯ, ಉಕ್ರೇನ್ಗೆ ಮಾನವೀಯ ನೆರವಿಗೆ ನ್ಯಾಟೋ ಸನ್ನದ್ಧ
ಸ್ವಾಮೀಜಿಗೆ ಲಸಿಕೆ ಹಾಕಿದಾಗ ಮಾಧ್ಯಮಗಳು ಅದನ್ನು ಎಷ್ಟು ಚೆನ್ನಾಗಿ ಬಿತ್ತರಿಸಿದವು ಎಂದರೆ ಅವರ ಪ್ರಯತ್ನವನ್ನು ನೋಡಿ ಸ್ವತಃ ಅನೇಕರು ಲಸಿಕೆ ಹಾಕಿಸಿಕೊಳ್ಳಲು ಮುಂದೆ ಬಂದರು ಎಂದು ಸಂಜಯ್ ಹೇಳಿದರು.
