ಶೇ.21ರಷ್ಟು ಅಧಿಕ ಕಚ್ಚಾ ಉಕ್ಕು ಉತ್ಪಾದನೆ ಮಾಡಿದ ಜೆಎಸ್​ಡಬ್ಲ್ಯೂ

ಜೆಎಸ್​ಡಬ್ಲ್ಯೂ ಗ್ರೂಪ್​ ಕಂಪನಿಯು 13 ಬಿಲಿಯನ್​​ ಡಾಲರ್​ ವ್ಯವಹಾರ ನಡೆಸುತ್ತಿದ್ದು, ಇಂಧನ, ಸಿಮೆಂಟ್, ಪೇಂಟ್ ಸೇರಿ ವಿವಿಧ ಕ್ಷೇತ್ರಗಳಲ್ಲಿ ಬಂಡವಾಳ ಹೂಡಿಕೆ ಮಾಡಿದೆ.

ನವದೆಹಲಿ:ದೇಶದ ಪ್ರಮುಖ ಸ್ಟೀಲ್​ ಕಂಪನಿಗಳಲ್ಲಿ ಒಂದಾಗ ಜೆಎಸ್​ಡಬ್ಲ್ಯೂ ಗ್ರೂಪ್​ ಕಂಪನಿಯು ವರ್ಷದಿಂದ ವರ್ಷಕ್ಕೆ ತನ್ನ ಉತ್ಪಾದನೆಯಲ್ಲಿ ಏರಿಕೆಯನ್ನು ದಾಖಲಿಸುತ್ತಿದೆ. ಈ ಬಾರಿ ಶೇ.21ರಷ್ಟು ಹೆಚ್ಚುವರಿ ಕಚ್ಚಾ ಉಕ್ಕು ಉತ್ಪಾದನೆಯನ್ನು ದಾಖಲಿಸಿ ಗಮನ ಸೆಳೆದಿದೆ.

ಕಳೆದ 2021ರ ಫೆಬ್ರವರಿಯಲ್ಲಿ ಒಟ್ಟಾರೆ 1.31 ಮಿಲಿಯನ್​ ಟನ್​ ಉತ್ಪಾದನೆ ಮಾಡಿತ್ತು. ಈ ಪ್ರಸಕ್ತ ಫೆಬ್ರವರಿಯಲ್ಲಿ 1.58 ಮಿಲಿಯನ್​ ಟನ್​ಗೆ ಇದರ ಉತ್ಪಾದನೆ ಅಧಿಕವಾಗಿದೆ. ಜತೆಗೆ ಫ್ಲಾಟ್-ರೋಲ್ಡ್ ಉಕ್ಕು ಉತ್ಪಾದನೆಯಲ್ಲೂ ಶೇ.25ರಷ್ಟು ಹೆಚ್ಚುವರಿ ಉತ್ಪಾದನೆ ಮಾಡಲಾಗಿದೆ. ಕಳೆದ ವರ್ಷ ಫ್ಲಾಟ್-ರೋಲ್ಡ್​​ನ ಉತ್ಪಾದನೆಯು 0.93 ಮಿಲಿಯನ್​ ಇತ್ತು. ಈ ಬಾರಿ 1.15 ಮಿಲಿಯನ್​ ಟನ್​ಗೆ ಏರಿಕೆಯಾಗಿದೆ ಎಂದು ಜೆಎಸ್​ಡಬ್ಲ್ಯೂ ಗ್ರೂಪ್​ ಕಂಪನಿ ತಿಳಿಸಿದೆ.

ಇನ್ನು, ಲಾಂಗ್​ ರೋಲ್ಡ್​ ಉಕ್ಕು ಉತ್ಪಾದನೆಯಲ್ಲೂ ಶೇ.8ರಷ್ಟು ಹೆಚ್ಚುವರಿ ಉತ್ಪಾದನೆ ಆಗಿದೆ. ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ 0.34ರಿಂದ 0.37 ಮಿಲಿಯನ್​ ಟನ್​ಗೆ ಉತ್ಪಾದನೆ ಏರಿಕೆಯಾಗಿದೆ. ಜೆಎಸ್​ಡಬ್ಲ್ಯೂ ಗ್ರೂಪ್​ ಕಂಪನಿಯು 13 ಬಿಲಿಯನ್​​ ಡಾಲರ್​ ವ್ಯವಹಾರ ನಡೆಸುತ್ತಿದ್ದು, ಇಂಧನ, ಸಿಮೆಂಟ್, ಪೇಂಟ್ ಸೇರಿ ವಿವಿಧ ಕ್ಷೇತ್ರಗಳಲ್ಲಿ ಬಂಡವಾಳ ಹೂಡಿಕೆ ಮಾಡಿದೆ.

ಇದನ್ನೂ ಓದಿ:ರಷ್ಯಾ - ಉಕ್ರೇನ್ ಯುದ್ಧದ ಎಫೆಕ್ಟ್​: ಅಮೆರಿಕ ಷೇರು ಮಾರುಕಟ್ಟೆ ಕುಸಿತ