ಮೂವರು ಬಿಜೆಪಿ ಕಾರ್ಯಕರ್ತರು, ಪೊಲೀಸ್​ನನ್ನು ಕೊಂದಿದ್ದ ಉಗ್ರ ಅರೆಸ್ಟ್​

'ದಿ ರೆಸಿಸ್ಟೆನ್ಸ್ ಫೋರ್ಸ್'ನ ಭಯೋತ್ಪಾದಕನನ್ನು ಸಾಂಬಾದಲ್ಲಿ ಬಂಧಿಸಲಾಗಿದೆ ಎಂದು ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಇಂದು ತಿಳಿಸಿದ್ದಾರೆ.

ಸಾಂಬಾ (ಜಮ್ಮು ಮತ್ತು ಕಾಶ್ಮೀರ): ಮೂವರು ಬಿಜೆಪಿ ಕಾರ್ಯಕರ್ತರನ್ನು ಮತ್ತು ಪೊಲೀಸ್​ನನ್ನು ಕೊಲೆ ಮಾಡಿದ ಉಗ್ರನನ್ನು ಪೊಲೀಸರು ಬಂಧಿಸಿದ್ದಾರೆ.

'ದಿ ರೆಸಿಸ್ಟೆನ್ಸ್ ಫೋರ್ಸ್'ನೊಂದಿಗೆ ಸಂಯೋಜಿತವಾಗಿದ್ದ ಭಯೋತ್ಪಾದಕ ಜಹೂರ್ ಅಹ್ಮದ್ ರಾಥರ್ ಅಲಿಯಾಸ್ ಖಾಲಿದ್ ಅಲಿಯಾಸ್ ಸಾಹಿಲ್​ನನ್ನು ಪೊಲೀಸರು ಶನಿವಾರ ಬಂಧಿಸಿದ್ದಾರೆ.

ಕಳೆದ ವರ್ಷ ವೆಸ್ಸುವಿನಲ್ಲಿ ಮೂವರು ಬಿಜೆಪಿ ಕಾರ್ಯಕರ್ತರನ್ನು ಮತ್ತು ಕುಲ್ಗಾಂನ ಫರ್ರಾದಲ್ಲಿ ಒಬ್ಬ ಪೊಲೀಸರನ್ನು ಉಗ್ರ ಸಾಹಿಲ್​ ಕೊಂದಿದ್ದನು ಎಂದು ಪೊಲೀಸರು ತಿಳಿಸಿದ್ದಾರೆ.