ಸುಪಾಲ್(ಜಾರ್ಖಂಡ್): ಫೇಸ್ಬುಕ್, ಇನ್ಸ್ಟಾಗ್ರಾಮ್ ಮೂಲಕ ಪರಿಚಯವಾಗಿ, ತದನಂತರ ಪ್ರೀತಿಯಲ್ಲಿ ಸಿಲುಕಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ನೂರಾರು ಪ್ರಕರಣಗಳನ್ನು ನೋಡಿದ್ದೇವೆ. ಆದರೆ ಇಲ್ಲೊಂದು ಘಟನೆ ವಿಶೇಷವಾಗಿದೆ. ಇಲ್ಲೊಂದು ಜೋಡಿಗೆ ಕೇವಲ ಮಿಸ್ಡ್ ಕಾಲ್ನಿಂದಲೇ ಪ್ರೇಮಾಂಕುರವಾಗಿದೆ.
ರಾಂಚಿಯಿಂದ ಬಿಹಾರಕ್ಕೆ ಬಂದು ಅಂಗವಿಕಲನ ಕೈಹಿಡಿದ ಯುವತಿ!
ಜಾರ್ಖಂಡ್ನ ರಾಂಚಿಯಲ್ಲಿ ವಾಸವಾಗಿದ್ದ ಯುವತಿ ಗೌರಿ ಹಾಗೂ ಬಿಹಾರದ ಸುಪಾಲ್ ನಿವಾಸಿ ವಿಶೇಷ ಚೇತನ ಯುವಕ ಮುಖೇಶ್ ಎಂಬಿಬ್ಬರ ನಡುವೆ ಪ್ರೀತಿ ಅಂಕುರಿಸಿದೆ. ಇದೀಗ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ರಾಂಚಿಯಲ್ಲಿದ್ದ ಗೌರಿ ಒಂದು ದಿನ ಆಕಸ್ಮಿಕವಾಗಿ(ತಪ್ಪಾಗಿ) ಫೋನ್ ನಂಬರ್ಗೆ ಮಿಸ್ಡ್ ಕಾಲ್ ಮಾಡಿದ್ದಾಳೆ. ಅದು ಬಿಹಾರದ ಸುಪಾಲ್ನಲ್ಲಿ ವಾಸವಾಗಿದ್ದ ಮುಖೇಶ್ ಅವರದ್ದಾಗಿತ್ತು. ಇದಾದ ಬಳಿಕ ಇಬ್ಬರ ನಡುವೆ ಸಂಭಾಷಣೆ ಶುರುವಾಗಿದೆ. ಈ ಸಂಭಾಷಣೆಯಿಂದ ಪರಸ್ಪರ ಸ್ನೇಹಿತರಾದ ಇವರು ಬಳಿಕ ಒಬ್ಬರನ್ನೊಬ್ಬರು ಗಾಢವಾಗಿ ಪ್ರೀತಿಸಲು ಶುರು ಮಾಡಿದ್ದಾರೆ. ಈ ವೇಳೆ ಗೌರಿಯೇ ಮೊದಲು ಮದುವೆ ಪ್ರಸ್ತಾಪ ಮಾಡಿದ್ದಳಂತೆ.