ಸರ್ಕಾರದಲ್ಲಿದ್ದು ಭಯೋತ್ಪಾದನೆಗೆ ಕುಮ್ಮಕ್ಕು ನೀಡಿದ ನಾಲ್ವರು ಅಧಿಕಾರಿಗಳು ಅಮಾನತು​

ಸರ್ಕಾರದ ಭಾಗವಾಗಿದ್ದುಕೊಂಡು ಭಯೋತ್ಪಾದನೆಗೆ ಕುಮ್ಮಕ್ಕು ಹಾಗು ನೆರವು ನೀಡುತ್ತಿದ್ದ ಅಧಿಕಾರಿಗಳನ್ನು ಜಮ್ಮು-ಕಾಶ್ಮೀರದಲ್ಲಿ ವಜಾಗೊಳಿಸಲಾಗಿದೆ.

ಜಮ್ಮು ಮತ್ತು ಕಾಶ್ಮೀರ:ಭಯೋತ್ಪಾದನೆಗೆ ಧನಸಹಾಯ ಮತ್ತು ಬೆದರಿಕೆಯೊಡ್ಡಿದ ಆರೋಪದ ಮೇಲೆ ನಾಲ್ವರು ಅಧಿಕಾರಿಗಳನ್ನು ವಜಾಗೊಳಿಸಲಾಗಿದೆ. ಇದರಲ್ಲಿ ಉಗ್ರ ಸಂಘಟನೆಯಾದ ಹಿಜ್ಬುಲ್​ ಮುಜಾಹಿದ್ದೀನ್​ ಮುಖ್ಯಸ್ಥ ಸೈಯದ್​ ಸಲಾವುದ್ದೀನ್​ ಅವರ ಪುತ್ರ ಕೂಡ ಇದ್ದಾನೆ. ಜಮ್ಮು ಕಾಶ್ಮೀರ ಆಡಳಿತ ಈ ಬಗ್ಗೆ ಆದೇಶ ಹೊರಡಿಸಿದೆ.

ಐಎಎಸ್​ ಕೇಡರ್​ ಮಾದರಿ ಅಧಿಕಾರಿಯಾಗಿ ಭಯೋತ್ಪಾದನೆಗೆ ಹಣಕಾಸಿನ ನೆರವು ನೀಡುತ್ತಿದ್ದ ಬಿಟ್ಟಾ ಕರಾಟೆ ಪತ್ನಿ ಅಸ್ಸಾಬಾ ಉಕ್​ ಅರ್ಜಮಂದ್​ ಖಾನ್​, ಹಿಜ್ಬುಲ್​ ಮುಜಾಹಿದ್ದೀನ್​ ಸಂಘಟನೆಯ ಮುಖ್ಯಸ್ಥ ಸೈಯದ್​ ಸಲಾವುದ್ದೀನ್​ ಪುತ್ರ ಸೈಯದ್​ ಅಬ್ದುಲ್​ ಮುಯೀದ್​, ಕಾಶ್ಮೀರ ವಿಶ್ವವಿದ್ಯಾನಿಲಯದ ಹಿರಿಯ ಸಹಾಯಕ ಪ್ರಾಧ್ಯಾಪಕ ಮಾಜಿದ್ ಹುಸೇನ್ ಖಾದ್ರಿ ಮತ್ತು ಹಿರಿಯ ವಿಜ್ಞಾನಿ ಮುಹೀತ್ ಅಹ್ಮದ್ ಭಟ್​​ ಎಂಬವರನ್ನು ವಜಾಗೊಳಿಸಲಾಗಿದೆ.

ವಜಾಗೊಂಡ ಉದ್ಯೋಗಿಗಳು ಭಯೋತ್ಪಾದನೆಗೆ ನೆರವು ಮತ್ತು ಆಡಳಿತಕ್ಕೆ ಬೆದರಿಕೆಯೊಡ್ಡಿದ್ದರು. ಎಲ್ಲಾ ನಾಲ್ವರು ಅಧಿಕಾರಿಗಳನ್ನು ಸಂವಿಧಾನದ 311 ನೇ ವಿಧಿಯಡಿ ವಜಾಗೊಳಿಸಲಾಗಿದೆ. ಈ ವಿಧಿಯು ಸರ್ಕಾರ ತನ್ನ ನೌಕರರನ್ನು ವಿಚಾರಣೆಯಿಲ್ಲದೆ ವಜಾ ಮಾಡುವ ಪರಮಾಧಿಕಾರ ನೀಡಿದೆ.

ಇದನ್ನೂ ಓದಿ:ನಾವು ಸರ್ಕಾರ ನಡೆಸುತ್ತಿಲ್ಲ, ಮ್ಯಾನೇಜ್ಮೆಂಟ್ ಮಾಡುತ್ತಿದ್ದೇವೆ.. ಹೀಗಂದ್ರಾ ಸಚಿವ ಮಾಧುಸ್ವಾಮಿ?