ಸ್ಕ್ರ್ಯಾಪ್ ವಸ್ತುಗಳ ಬಳಕೆ.. ಐಟಿಐ ವಿದ್ಯಾರ್ಥಿಗಳ ಕೈಗಳಿಂದ ಅರಳಿದ ವಿಂಟೇಜ್​ ಮಾಡೆಲ್​ ಬೈಕ್​ಗಳು!!

ಐಟಿಐ ಬರ್ಹಾಂಪುರ ವಿದ್ಯಾರ್ಥಿಗಳ ಕಮಾಲ್​ ಮಾಡಿದ್ದಾರೆ. ಸ್ಕ್ರ್ಯಾಪ್ ವಸ್ತುಗಳಿಂದ ಆಸಕ್ತಿದಾಯಕ ಬೈಕುಗಳ ಮಾದರಿಗಳನ್ನು ತಯಾರಿಸುತ್ತಿದ್ದಾರೆ. ವರ್ಷಗಟ್ಟಲೇ ಬಳಕೆಯಾಗದೆ ಇರುವ ಚೈನ್, ಬೋಲ್ಟ್​ಗಳಂತಹ ಬಿಡಿ ಭಾಗಗಳಿಂದ ಪ್ರಸಿದ್ಧ ಬೈಕ್ ಮಾದರಿಗಳನ್ನು ತಯಾರಿಸುತ್ತಿದ್ದಾರೆ. ಇದು ಈ ಶಿಕ್ಷಣ ಸಂಸ್ಥೆಯ ವಿದ್ಯಾರ್ಥಿಗಳನ್ನು ಮತ್ತಷ್ಟು ಮಿಂಚುವಂತೆ ಮಾಡಿದೆ.

ಬ್ರಹ್ಮಪುರ, ಒಡಿಶಾ: ನಿರುಪಯುಕ್ತ ವಸ್ತುಗಳಿಂದ ಮಾಡಿದ ಸುಂದರ ಕಲೆ. ಜನಪ್ರಿಯ ಮಾದರಿಗಳಲ್ಲಿ ಆಕರ್ಷಕ ಬೈಕ್‌ಗಳನ್ನು ಬಳಕೆಯಾಗದ ವಸ್ತುಗಳಿಂದ ತಯಾರಿಸಲಾಗುತ್ತದೆ. ಕೆಟಿಎಂನಿಂದ ಆರಂಭಿಸಿ ಡ್ಯೂಕ್, ಯಮಹಾ, ಬುಲೆಟ್ ನಂತಹ ಬೈಕ್ ಮಾದರಿಗಳನ್ನು ವಿದ್ಯಾರ್ಥಿಗಳು ತಯಾರಿಸುತ್ತಿದ್ದಾರೆ. ಇದು ಒರಿಜಿನಲ್​ ಬೈಕ್​ನಂತಹ ಮಾಡೆಲ್​ಗಳಂತೆ ಕಾಣುತ್ತಿವೆ.

ತ್ಯಾಜ್ಯದಿಂದ ಉತ್ತಮ ಎಂಬ ಸಂದೇಶದೊಂದಿಗೆ ಬ್ರಹ್ಮಪುರದ ಐಟಿಐ ವಿದ್ಯಾರ್ಥಿಗಳು ಇಂತಹ ಆಸಕ್ತಿದಾಯಕ ಬೈಕ್ ಅನ್ನು ಸ್ಕ್ರ್ಯಾಪ್ ವಸ್ತುಗಳಿಂದ ತಯಾರಿಸುವ ಮೂಲಕ ಮತ್ತೊಮ್ಮೆ ಗಮನ ಸೆಳೆದಿದ್ದಾರೆ. ಈ ಸಂಸ್ಥೆಯು ಈ ಹಿಂದೆ ಬಳಕೆಯಾಗದ ವಸ್ತುಗಳನ್ನು ಉಪಯೋಗಿಸಲು ಸಾಧ್ಯವಾಗುವಂತೆ ಮಾಡಿ ರಾಷ್ಟ್ರಮಟ್ಟದಲ್ಲಿ ಮನ್ನಣೆ ಗಳಿಸಿದ್ದರೆ, ತ್ಯಾಜ್ಯ ವಸ್ತುಗಳಿಂದ ತನ್ನ ಅದ್ಭುತ ಕಲಾಕೃತಿಗಳಿಗಾಗಿ ಮತ್ತೊಮ್ಮೆ ಮುನ್ನೆಲೆಗೆ ಬಂದಿದೆ.

ಐಟಿಐ ವಿದ್ಯಾರ್ಥಿಗಳು ಗ್ಯಾರೇಜ್, ಕಬಡ್ಡಿ ಅಂಗಡಿಗಳು ಮತ್ತು ರಸ್ತೆಬದಿಗಳಲ್ಲಿ ವರ್ಷಗಳಿಂದ ಬಳಸದೇ ಬಿದ್ದಿರುವ ವಿವಿಧ ಮೋಟಾರ್ ಬೈಕ್‌ಗಳ ಚೈನ್‌ಗಳು, ಬೋಲ್ಟ್‌ಗಳು, ಸೀಟ್ ಮೆಟಲ್, ಬೇರಿಂಗ್‌ಗಳಂತಹ ಭಾಗಗಳನ್ನು ಬಳಸಿ ಇಂತಹ ಸುಂದರವಾದ ವಿವಿಧ ಬೈಕ್​ಗಳ ಮಾದರಿಯನ್ನು ತಯಾರಿಸಿದ್ದಾರೆ.

ಕೇವಲ 15 ದಿನದಲ್ಲಿ ಸ್ಕ್ರ್ಯಾಪ್ ಮೆಟೀರಿಯಲ್​ನಿಂದ ತಯಾರಿಸಿದ್ದೇವೆ ಎನ್ನುತ್ತಾರೆ ಶಿಕ್ಷಣ ಸಂಸ್ಥೆಯ ವೆಲ್ಡರ್, ಫಿಟ್ಟರ್, ಪೇಂಟರ್ ವಿದ್ಯಾರ್ಥಿಗಳು. ಗ್ಯಾರೇಜ್, ರಸ್ತೆ ಬದಿ, ಶೆಡ್​ಗಳಲ್ಲಿ ಬಳಕೆಯಾಗದ ಬೈಕ್​ಗಳನ್ನು ಪತ್ತೆ ಹಚ್ಚುವ ಈ ವಿದ್ಯಾರ್ಥಿಗಳು ಅವರಿಂದ ಚೈನ್, ಬೋಲ್ಟ್, ಬೇರಿಂಗ್, ಸೀಟ್ ಮೆಟಲ್ ಇತ್ಯಾದಿಗಳನ್ನು ಸಂಗ್ರಹಿಸುತ್ತಾರೆ. ಇದನ್ನು ಬಳಸಿಕೊಂಡು, ಪ್ರಸಿದ್ಧ ಬೈಕು ಮಾದರಿಗಳನ್ನು ತಯಾರಿಸಲಾಗುತ್ತದೆ. ಈ ಕಾರ್ಯದಲ್ಲಿ ಮಕ್ಕಳಿಗೆ ಶಿಕ್ಷಣ ಸಂಸ್ಥೆಯ ಶಿಕ್ಷಕರು ಸಹಕರಿಸಿದ್ದಾರೆ. ಈಗ ಈ ಬೈಕ್ ಮಾದರಿಗಳನ್ನು ಶಿಕ್ಷಣ ಸಂಸ್ಥೆಗಳಲ್ಲಿ ಸಾರ್ವಜನಿಕರಿಗೆ ಪ್ರದರ್ಶಿಸಲಾಗುತ್ತಿದೆ.

ಬ್ರಹ್ಮಪುರ ಐಟಿಐ ಪ್ರಾಚಾರ್ಯ ಡಾ.ರಜತ್ ಕುಮಾರ್ ಪಾಣಿಗ್ರಾಹಿ ಮಾತಾನಾಡಿ, ಇದು ಪಠ್ಯಕ್ರಮದ ಭಾಗವಾಗಿದೆ. ಸ್ಕ್ರ್ಯಾಪ್ ವಸ್ತುಗಳಿಂದ ಬೈಕ್ ಮಾದರಿ ತಯಾರಿಸುವ ಯೋಜನೆಯನ್ನು ಮಕ್ಕಳಿಗೆ ನೀಡಲಾಯಿತು. ಶಾಲಾ ವರ್ಷದ ಅಂತ್ಯದ ನಂತರ ಅವರ ಶಿಕ್ಷಣ ಮತ್ತು ಜ್ಞಾನ ಕೌಶಲ್ಯಗಳನ್ನು ಅನ್ವಯಿಸುವ ಮೂಲಕ ವಿದ್ಯಾರ್ಥಿಗಳನ್ನು ಹೆಚ್ಚು ಸ್ವಾವಲಂಬಿಗಳನ್ನಾಗಿ ಮಾಡುವ ಉದ್ದೇಶದಿಂದ ಈ ಕಾರ್ಯಕ್ರಮವನ್ನು ಮಾಡಲಾಗುತ್ತಿದೆ ಎಂದು ಹೇಳಿದರು.

ಸರ್ಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ (ಐಟಿಐ) ಬ್ರಹ್ಮಪುರವು ಇತರ ಶಿಕ್ಷಣ ಸಂಸ್ಥೆಗಳಿಗೆ ಉದಾಹರಣೆಯಾಗಿದೆ. ಏಕೆಂದರೆ ನಮ್ಮ ರಾಜ್ಯ ಮಾತ್ರ ಉಪಯುಕ್ತವಲ್ಲದ ವಸ್ತುಗಳನ್ನು ಬಳಸಿಕೊಂಡು ವಿದ್ಯಾರ್ಥಿಗಳಲ್ಲಿ ಜ್ಞಾನ ಮತ್ತು ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸುವ ಮತ್ತು ಸ್ವಾವಲಂಬನೆಯನ್ನು ಸೃಷ್ಟಿಸುವ ವಿಷಯದಲ್ಲಿ ದೇಶದಾದ್ಯಂತ ವಿಶಿಷ್ಟ ಗುರುತನ್ನು ಸೃಷ್ಟಿಸಿದೆ. ಸದ್ಯ ಬಳಕೆಯಾಗದ ವಸ್ತುಗಳನ್ನು ಬಳಸಿ ಬೈಕ್ ಮಾದರಿಗಳನ್ನು ತಯಾರಿಸುವ ಕಲೆಗೆ ನಾನಾ ಕಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿದೆ.

ಹೆಚ್ಚಿನ ವಿದ್ಯಾರ್ಥಿ ಸ್ಕಾರ್ಪ್ ವಸ್ತುಗಳನ್ನು ಗ್ಯಾರೇಜ್‌ಗಳು, ರಸ್ತೆ ಬದಿಗಳನ್ನು ಸಂಗ್ರಹಿಸುತ್ತಾರೆ. ಜುಲೈ 15 ರಂದು ಬರ್ಹಾಂಪುರದ ಕೈಗಾರಿಕಾ ತರಬೇತಿ ಸಂಸ್ಥೆ (ITI) ಆವರಣದಲ್ಲಿ ಪ್ರಾರಂಭವಾದ ಪ್ರದರ್ಶನವು ಜುಲೈ 23 ರವರೆಗೆ ಮುಂದುವರಿಯುತ್ತದೆ. ಇದು ಎಲ್ಲಾ ಕೆಲಸದ ದಿನಗಳಲ್ಲಿ ಬೆಳಿಗ್ಗೆ 9 ರಿಂದ ಸಂಜೆ 5 ರವರೆಗೆ ಸಾರ್ವಜನಿಕರಿಗೆ ತೆರೆದಿರುತ್ತದೆ. ವಿಶ್ವ ಯುವ ಕೌಶಲ್ಯ ದಿನದಂದು ‘ತ್ಯಾಜ್ಯ-2-ಸಂಪತ್ತು’ ಎಂಬ ವಿಷಯದೊಂದಿಗೆ ಪ್ರದರ್ಶನವನ್ನು ಆಯೋಜಿಸಲಾಗಿದೆ.

ಓದಿ:ಬೋರ್ಡ್​ ಗೇಮ್​ಗಳಿಂದ ಮಕ್ಕಳ ಗಣಿತ ಕಲಿಕೆ ಸಾಮರ್ಥ್ಯ ಅಭಿವೃದ್ಧಿ: ಅಧ್ಯಯನ