ತಿರುವಳ್ಳೂರು(ತಮಿಳುನಾಡು): ಬಳಕೆಯಾಗದ ತುಂಡು ಭೂಮಿಗಾಗಿ ನಡೆದ ಗಲಾಟೆಯಲ್ಲಿ 27 ವರ್ಷದ ಮಹಿಳಾ ಸಾಫ್ಟ್ವೇರ್ ಉದ್ಯೋಗಿಯ ಬರ್ಬರ ಹತ್ಯೆಯಾಗಿದೆ. ತಮಿಳುನಾಡಿನಲ್ಲಿ ಈ ಪ್ರಕರಣ ನಡೆದಿದೆ.
ತಿರುವಳ್ಳೂರು ಪೊಲೀಸರ ಪ್ರಕಾರ, ಲೋಗನಾಯಗಿ ಎಂಬಾಕೆ ತನ್ನ ಸಂಬಂಧಿ ಮತ್ತು ನೆರೆಹೊರೆಯವರಾದ ಸರಸ್ವತಿಯ ಪತಿ ಬಾಲ ಚಂದರ್ ಅವರೊಂದಿಗೆ ಒತ್ತುವರಿ ಜಮೀನು ವಿಚಾರವಾಗಿ ವಾಗ್ವಾದ ನಡೆಸುತ್ತಿದ್ದರು. ತೀವ್ರ ವಾಗ್ವಾದದಲ್ಲಿ ಬಾಲ ಚಂದರ್ ತರಕಾರಿ ಕತ್ತರಿಸುವ ಚಾಕುವಿನಿಂದ ಲೋಗನಾಯಗಿ ಮಗಳು ಶಿವರಂಜನಿ ಮೇಲೆ ಅಮಾನುಷವಾಗಿ ಹಲ್ಲೆ ನಡೆಸಿ ಎದೆ, ಕುತ್ತಿಗೆ, ಬೆನ್ನಿಗೆ ಇರಿದಿದ್ದಾನೆ.