ಬೆಂಗಳೂರು:ಇನ್ನು ಕೆಲವೇ ನಿಮಿಷಗಳಲ್ಲಿ ಶ್ರೀಹರಿಕೋಟಾದಿಂದ ಆದಿತ್ಯ ಎಲ್1 ಉಡಾವಣೆಯಾಗಲಿದೆ. 15 ಲಕ್ಷ ಕಿಲೋಮೀಟರ್‌ಗಳನ್ನು ಕ್ರಮಿಸಿದ ನಂತರ ಆದಿತ್ಯ L1 ಬಾಹ್ಯಾಕಾಶ L1 (Lagrange Point-1) ನ ಕಕ್ಷೆಗೆ ತಲುಪುತ್ತದೆ. ಅಲ್ಲಿಂದ ಸೂರ್ಯನನ್ನು ಅತ್ಯಂತ ಸ್ಪಷ್ಟ ಮತ್ತು ಸುಲಭ ರೀತಿಯಲ್ಲಿ ಅಧ್ಯಯನ ಮಾಡಬಹುದಾಗಿದೆ.
ಆದಿತ್ಯ L1 ಮಿಷನ್ ಬಗ್ಗೆ ಪ್ರತಿಕ್ರಿಸಿದ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಮತ್ತು ಮಾಜಿ ISRO ವಿಜ್ಞಾನಿ ಮೈಲ್‌ಸ್ವಾಮಿ ಅಣ್ಣಾದೊರೈ, ಈ ಮಿಷನ್ ಅಷ್ಟು ಸುಲಭದ ಮಾತಲ್ಲ. L1 ಪಾಯಿಂಟ್ಗೆ ನಮ್ಮ ಉಪಗ್ರಹವನ್ನು ಸೇರಿಸುವುದು, ಅದರ ಸುತ್ತ ಕಕ್ಷೆಯನ್ನು ಹೊಂದುವುದು, ಐದು ವರ್ಷಗಳ ಕಾಲ ಅತ್ಯಂತ ನಿಖರವಾದ ಕಕ್ಷೆಯ ಅವಶ್ಯಕತೆಗಳೊಂದಿಗೆ ಬದುಕುವುದು ತಾಂತ್ರಿಕವಾಗಿ ತುಂಬಾ ಸವಾಲಿನ ಸಂಗತಿಯಾಗಿದೆ ಎಂದು ಹೇಳಿದ್ದಾರೆ.
ಬೆಂಗಳೂರಿನಲ್ಲಿ ಆದಿತ್ಯ L1 ಉಡಾವಣೆ ಕುರಿತು ಖಗೋಳಶಾಸ್ತ್ರಜ್ಞ ಮತ್ತು ಪ್ರೊಫೆಸರ್ ಆರ್‌ಸಿ ಕಪೂರ್ ಮಾತನಾಡಿ, ಇಂದು ಬಹಳ ಮುಖ್ಯವಾದ ದಿನ. ಆದಿತ್ಯ L1 ನಲ್ಲಿನ ಪ್ರಮುಖ ಸಾಧನವು ಸೂರ್ಯನ ಕರೋನಾ ವಲಯವನ್ನು ಅಧ್ಯಯನ ಮಾಡುತ್ತದೆ. ಸಾಮಾನ್ಯವಾಗಿ, ಇದನ್ನು ಪೂರ್ಣ ಸೂರ್ಯಗ್ರಹಣದ ಸಮಯದಲ್ಲಿ ಮಾತ್ರ ಅಧ್ಯಯನ ಮಾಡಬಹುದು ಎಂದು ಹೇಳಿದರು.
ದೆಹಲಿಯಲ್ಲಿ ಆದಿತ್ಯ ಎಲ್ 1 ಕುರಿತು ಚಂದ್ರಯಾನ-3 ರ ಪ್ರೋಗ್ರಾಮಿಂಗ್ ಮ್ಯಾನೇಜರ್ ಪ್ರೇರಣಾ ಚಂದ್ರ ಅವರು ಮಾತನಾಡಿ, ಬೇರೆ ದೇಶಗಳ ಬಾಹ್ಯಾಕಾಶ ಸಂಸ್ಥೆಗಳು ಈಗಾಗಲೇ ಸೂರ್ಯನ ಮೇಲೆ ಸಂಶೋಧನೆ ನಡೆಸಿವೆ. ಭಾರತದಲ್ಲಿ ಸೂರ್ಯ ವೀಕ್ಷಣಾಲಯವಿಲ್ಲ. ಆದಿತ್ಯ ಎಲ್ 1 ನೊಂದಿಗೆ ಭಾರತವು ಸೂರ್ಯನ ಮೇಲೆ ಸಂಶೋದನೆ ನಡೆಸಲಿದೆ. ಈ ಮಿಷನ್ ನಮಗೆ ಸಹಾಯ ಮಾಡುತ್ತದೆ. ನಾವು ಬಾಹ್ಯಾಕಾಶ ಹವಾಮಾನ ಮತ್ತು ಮುಂಬರುವ ಬಾಹ್ಯಾಕಾಶ ಕಾರ್ಯಾಚರಣೆಗಳನ್ನು ಅರ್ಥಮಾಡಿಕೊಳ್ಳುತ್ತೇವೆ ಎಂದು ಹೇಳಿದರು.
ದೆಹಲಿಯಲ್ಲಿ ಆದಿತ್ಯ ಎಲ್ 1 ಉಡಾವಣೆ ಕುರಿತು ಇಸ್ರೋದ ಮಾಜಿ ವಿಜ್ಞಾನಿ ಮನೀಶ್ ಪುರೋಹಿತ್ ಮಾತನಾಡಿ, ಇದು ಇಸ್ರೋ ಮತ್ತು ಭಾರತಕ್ಕೆ ಒಂದು ದೊಡ್ಡ ಹೆಜ್ಜೆಯಾಗಿದೆ. ಹೊಸ ಬಾಹ್ಯಾಕಾಶ ನೀತಿಯೊಂದಿಗೆ, ಬಾಹ್ಯಾಕಾಶ ಆರ್ಥಿಕತೆಯಲ್ಲಿ ಇಸ್ರೋ ದೊಡ್ಡ ಪಾತ್ರವನ್ನು ವಹಿಸುತ್ತದೆ ಎಂದು ಸ್ಪಷ್ಟವಾಗಿ ಆದೇಶಿಸಲಾಗಿದೆ. ಆದ್ದರಿಂದ ಇಸ್ರೋ ಸ್ಪಷ್ಟವಾಗಿ ಒಂದು ದೊಡ್ಡ ಹೆಜ್ಜೆ ಮುಂದಿಟ್ಟಿದೆ ಎಂದು ಹೇಳಿದರು.
ಈ ಮಿಷನ್ ಬಹಳ ಮುಖ್ಯವಾಗಿದೆ. ಆದಿತ್ಯ L-1 ಅನ್ನು ಲಾಗ್ರಾಂಜಿಯನ್ ಪಾಯಿಂಟ್ 1 ರ ಕಕ್ಷೆಗೆ ಸೇರಿಸುವುದು ನಮ್ಮ ಗುರಿ. ಅಲ್ಲಿ ಭೂಮಿಯ ಮತ್ತು ಸೂರ್ಯನ ಗುರುತ್ವಾಕರ್ಷಣೆಯ ಬಲವು ವಾಸ್ತವಿಕವಾಗಿ ರದ್ದುಗೊಳ್ಳುತ್ತದೆ. ನಾವು ಕನಿಷ್ಠ ಇಂಧನದೊಂದಿಗೆ ಬಾಹ್ಯಾಕಾಶ ನೌಕೆಯನ್ನು ನಿರ್ವಹಿಸಬಹುದು. ಜೊತೆಗೆ, 24/7 ವೀಕ್ಷಣೆ ಸಾಧ್ಯ. ಬಾಹ್ಯಾಕಾಶ ನೌಕೆಯಲ್ಲಿ ಏಳು ಉಪಕರಣಗಳನ್ನು ಇರಿಸಲಾಗಿದೆ. ಈ ಕಾರ್ಯಾಚರಣೆಯ ವಾತಾವರಣದಲ್ಲಿ ನಡೆಯುತ್ತಿರುವ ವಿವಿಧ ವಿದ್ಯಮಾನಗಳು, ಹವಾಮಾನ ಬದಲಾವಣೆಯ ಅಧ್ಯಯನಗಳು ಇತ್ಯಾದಿಗಳನ್ನು ವಿವರಿಸಲು ಸಹಾಯ ಮಾಡುತ್ತದೆ ಎಂದು ಇಸ್ರೋ ಮಾಜಿ ಅಧ್ಯಕ್ಷ ಜಿ. ಮಾಧವನ್ ನಾಯರ್ ಹೇಳಿದರು.
ಇಸ್ರೋದ ಆದಿತ್ಯ ಎಲ್ 1 ಮಿಷನ್ ಕುರಿತು ಮಾತನಾಡಿದ ಬೆಂಗಳೂರಿನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಆಸ್ಟ್ರೋಫಿಸಿಕ್ಸ್‌ನ ನಿರ್ದೇಶಕಿ ಅನ್ನಪೂರ್ಣಿ ಸುಬ್ರಮಣ್ಯಂ, ವಿಸಿಬಲ್ ಲೈನ್ ಎಮಿಷನ್ ಕರೋನಾಗ್ರಾಫ್ (VELC) ಈ ನಿರ್ದಿಷ್ಟ ಕಾರ್ಯಾಚರಣೆಯಲ್ಲಿ ನಾವು ಮುಖ್ಯ ಸಾಧನವನ್ನಾಗಿದೆ. ಇದು ಸಂಪೂರ್ಣ ಸೂರ್ಯಗ್ರಹಣವನ್ನು ಸಾರ್ವಕಾಲಿಕವಾಗಿ ಅಧ್ಯಯನ ಮಾಡುತ್ತದೆ. ಇದು L1 ನಲ್ಲಿ ಇರುವುದರಿಂದ ಅದು ಸೂರ್ಯನ ಅಡೆತಡೆಯಿಲ್ಲದ ಚಿತ್ರಗಳನ್ನು ತೆಗೆಯುತ್ತದೆ. ಕರೋನಾ ವಲಯದ ಅತ್ಯಂತ ಒಳಭಾಗವನ್ನು ನೋಡುವ ಮೊದಲ ಮಿಷನ್ ಇದಾಗಿದೆ ಎಂದು ಹೇಳಿದರು.
ಇದು ಹೊಸ ಪೀಳಿಗೆಯ ಮೊದಲ ಧ್ಯೇಯವಾಗಿದೆ. ಮಿಷನ್ ಆಪ್ಟಿಕಲ್, ಯುವಿ ಮತ್ತು ಎಕ್ಸ್-ರೇನಲ್ಲಿ ಏಕಕಾಲದಲ್ಲಿ ಸೂರ್ಯನನ್ನು ವೀಕ್ಷಿಸುತ್ತದೆ ಎಂದು ಇಸ್ರೋದ ಆದಿತ್ಯ ಎಲ್ 1 ಉಡಾವಣೆಯಲ್ಲಿ ಟಾಟಾ ಇನ್‌ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್‌ನ ನಿವೃತ್ತ ಪ್ರಾಧ್ಯಾಪಕ ಮಯಾಂಕ್ ಎನ್. ವಹಿಯಾ ಹೇಳುತ್ತಾರೆ.
ISOR ನ ಆದಿತ್ಯ L1 ಮಿಷನ್ ಕುರಿತು ಭೌತಿಕ ಸಂಶೋಧನಾ ಪ್ರಯೋಗಾಲಯದ ನಿರ್ದೇಶಕ ಡಾ. ಅನಿಲ್ ಭಾರದ್ವಾಜ್ ಮಾತನಾಡಿ, ನಾವೆಲ್ಲರೂ ಉಡಾವಣೆಯ ಬಗ್ಗೆ ತುಂಬಾ ಉತ್ಸುಕರಾಗಿದ್ದೇವೆ. ಇದು ಸೂರ್ಯನನ್ನು ಅಧ್ಯಯನ ಮಾಡಲು ಭಾರತದಿಂದ ಬಹಳ ವಿಶಿಷ್ಟವಾದ ಮಿಷನ್ ಆಗಿದೆ. ಆದಿತ್ಯ L1 ನಲ್ಲಿ ಇರುವ ಎಲ್ಲ ಪ್ರಯೋಗಗಳನ್ನು ನಿಯೋಜಿಸಲು ಬಹುಶಃ ಒಂದು ತಿಂಗಳು ಅಥವಾ ಅದಕ್ಕಿಂತ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಅದರ ನಂತರ, ನಾವು ನಿರಂತರವಾಗಿ ಸೂರ್ಯನನ್ನು ನೋಡುವುದನ್ನು ಪ್ರಾರಂಭಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.
ಓದಿ:Aditya L1 ಉಡಾವಣೆಗೆ ಕ್ಷಣಗಣನೆ: ಪ್ರತಿ ನಿಮಿಷಕ್ಕೊಂದು ಸೂರ್ಯನ ಫೋಟೋ ಕ್ಲಿಕ್ಕಿಸುತ್ತೆ VELC, ಸಂಶೋಧನೆ ಬಗ್ಗೆ ಇಲ್ಲಿದೆ ವಿವರ
