ಅಮೃತಸರ್(ಪಂಜಾಬ್): ಶುಕ್ರವಾರ ಗಡಿ ಭದ್ರತಾ ಪಡೆಗಳು ಪಾಕಿಸ್ತಾನದಿಂದ ಭಾರತಕ್ಕೆ ಪ್ರವೇಶಿಸುತ್ತಿದ್ದ ಡ್ರೋನ್‌ನ್ನು ಅಮೃತಸರ್ ಜಿಲ್ಲೆ ಹಾಗು ಡಾಕ್ ಗ್ರಾಮ ಪ್ರದೇಶಗಳಲ್ಲಿ ಹೊಡೆದುರುಳಿಸಿದ್ದಾರೆ.
ಅಮೃತಸರ್ ಹಾಗು ಡಾಕ್ ಸಮೀಪವಿರುವ ಪ್ರದೇಶದಲ್ಲಿ ಪಾಕಿಸ್ತಾನದಿಂದ ಭಾರತದ ಭೂಪ್ರದೇಶಕ್ಕೆ ಬರುತ್ತಿರುವ ಶಂಕಿತ ಡ್ರೋನ್ನ ಝೇಂಕರಿಸುವ ಸದ್ದು ಕೇಳಿಸಿದೆ. ಮಾಹಿತಿ ಪ್ರಕಾರ ಗಡಿಯಲ್ಲಿ ನಿಯೋಜಿಸಲಾದ ಗಡಿ ಭದ್ರತಾ ಪಡೆಗಳು ಶಂಕಿತ ಡ್ರೋನ್ಗೆ ಗುಂಡು ಹಾರಿಸಿ ವಿಫಲಗೊಳಿಸಿದ್ದಾರೆ. ಡ್ರೋನ್ ಕೆಳಕ್ಕೆ ಬಿದ್ದ ತಕ್ಷಣವೇ ಇಡೀ ಪ್ರದೇಶವನ್ನು ಭದ್ರತಾ ಪಡೆಗಳು ಸುತ್ತುವರೆದು, ಪೊಲೀಸರು ಮತ್ತು ಸಂಬಂಧಿತ ಸಂಸ್ಥೆಗಳಿಗೆ ಮಾಹಿತಿ ನೀಡಲಾಯಿತು.