ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಟ್ವಿಟರ್​ ಹ್ಯಾಂಡಲ್ ಹ್ಯಾಕ್: ಅಮೇಜಿಂಗ್, ಹರ್ರಿ ಅಪ್ ಟ್ವೀಟ್​

ಕೇಂದ್ರ ಸರ್ಕಾರದ ಸಚಿವಾಲಯವೊಂದರ ಅಧಿಕೃತ ಟ್ವಿಟರ್ ಖಾತೆಯನ್ನು ಹ್ಯಾಕ್ ಮಾಡಲಾಗಿದ್ದು, ಹ್ಯಾಕರ್​​ಗಳು ಅಮೇಜಿಂಗ್, ಹರ್ರಿ ಅಪ್ ಮುಂತಾದ ಟ್ವೀಟ್​ಗಳನ್ನು ಮಾಡಿದ್ದಾರೆ.

ನವದೆಹಲಿ:ಕೇಂದ್ರ ಸರ್ಕಾರದ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಅಧಿಕೃತ ಟ್ವಿಟರ್ ಖಾತೆಯನ್ನು ಬುಧವಾರ ಬೆಳಗ್ಗೆ ಹ್ಯಾಕ್ ಮಾಡಿದ್ದು, ಹ್ಯಾಕ್ ಮಾಡಿದ ನಂತರ ಹ್ಯಾಕರ್​ಗಳು ಅಮೇಜಿಂಗ್ (Amazing), ಹರ್ರಿ ಅಪ್ (Hurry up), ಗ್ರೇಟ್​ ಜಾಬ್​(Great Job) ಮುಂತಾದ ಅಸಂಬದ್ಧ ಟ್ವೀಟ್​ಗಳನ್ನು ಪೋಸ್ಟ್​ ಮಾಡಿದ್ದಾರೆ. ಸ್ಪೇಸ್​ ಎಕ್ಸ್ ಸಂಸ್ಥಾಪಕ ಎಲಾನ್ ಮಸ್ಕ್ ಅವರ ಥಂಬ್‌ನೇಲ್​​ ಇರುವ ಕೆಲವು ಹೈಪರ್​​ಲಿಂಕ್​ಗಳನ್ನು ಪೋಸ್ಟ್ ಮಾಡಲಾಗಿದ್ದು, 50ಕ್ಕೂ ಹೆಚ್ಚು ಟ್ವೀಟ್​​ ಮಾಡಲಾಗಿದೆ.

ಹ್ಯಾಕರ್ಸ್​​ನಿಂದ ಅಸಂಬದ್ಧ ಟ್ವೀಟ್​

ಹ್ಯಾಕ್ ಆಗಿರುವುದು ತಿಳಿದುಬಂದ ನಂತರ ಹ್ಯಾಕರ್​ಗಳು ಮಾಡಲಾಗಿದ್ದ ಟ್ವೀಟ್​ಗಳನ್ನು ಅಳಿಸಿ ಹಾಕಲಾಗಿದೆ. @Mib_india ಖಾತೆಯನ್ನು ಮರುಸ್ಥಾಪಿಸಲಾಗಿದೆ. ಇದು ಎಲ್ಲ ಫಾಲೋವರ್ಸ್​ಗಳ ಮಾಹಿತಿಗಾಗಿ ಎಂದು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಟ್ವೀಟ್ ಮಾಡಿದೆ.

ಇದನ್ನೂ ಓದಿ:Pm Security Breach: ಪ್ರಧಾನಿ ಭದ್ರತಾ ಲೋಪ ಕುರಿತಂತೆ ಸುಪ್ರೀಂನಿಂದ ಹೊಸ ಸಮಿತಿ ನೇಮಕ