ಕ್ಲಿನಿಕಲ್ ಪ್ರಯೋಗಗಳಿಗೆ ಅನುಮತಿ ಪಡೆದ ದೇಶದ ಮೊದಲ ಆರ್‌ಎನ್‌ಎ ಕೋವಿಡ್ ಲಸಿಕೆ

ಜೆನ್ನೋವಾ ಬಯೋಫಾರ್ಮಾಸ್ಯುಟಿಕಲ್ಸ್​ನ ಎಮ್ಆರ್​ಎನ್​ಎ ಕೋವಿಡ್ -19 ಲಸಿಕೆಯ ಕ್ಲಿನಿಕಲ್ ಪ್ರಯೋಗಗಳನ್ನು ನಡೆಸಲು ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ ಅನುಮತಿ ನೀಡಿದೆ.

ನವದೆಹಲಿ:ಪುಣೆ ಮೂಲದ ಜೆನ್ನೋವಾ ಬಯೋಫಾರ್ಮಾಸ್ಯುಟಿಕಲ್ಸ್​ನ ಎಮ್ಆರ್​ಎನ್​ಎ ಕೋವಿಡ್ -19 ಲಸಿಕೆಯ 1/2 ಕ್ಲಿನಿಕಲ್ ಪ್ರಯೋಗಗಳನ್ನು ನಡೆಸಲು ಕೇಂದ್ರದ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ ಅನುಮತಿ ನೀಡಿದೆ.

ಇದು ಭಾರತದ ಮೊದಲ ಮೆಸೆಂಜರ್ ಆರ್​ಎನ್​ಎ (ಎಮ್ಆರ್​ಎನ್​ಎ) ಕೋವಿಡ್ ಲಸಿಕೆಯಾಗಿದೆ. ಜಾಗತಿಕವಾಗಿ ಯುಎಸ್ ಮೂಲದ ಫಾರ್ಮಾ ಕಂಪೆನಿ ಫಿಜರ್ ಇಂಕ್ ತನ್ನ ಎಮ್ಆರ್​ಎನ್​ಎ ಲಸಿಕೆಯನ್ನು ಅಭಿವೃದ್ಧಿಪಡಿಸಿದೆ.

ನಿನ್ನೆ ನಡೆದ ಪರಿಶೀಲನಾ ಸಭೆಯಲ್ಲಿ ವಿಷಯ ತಜ್ಞರ ಸಮಿತಿ ಈ ಅನುಮತಿ ನೀಡಿದೆ.

ಕೋವಿಡ್ -19 ವಿರುದ್ಧ ಹೋರಾಡಲು ಎಂಟು ವಿವಿಧ ಲಸಿಕೆಗಳು ಕ್ಲಿನಿಕಲ್ ಪ್ರಯೋಗಗಳ ವಿವಿಧ ಹಂತಗಳಲ್ಲಿವೆ ಮತ್ತು ಮುಂದಿನ ದಿನಗಳಲ್ಲಿ ಅಧಿಕೃತತೆಗೆ ಸಿದ್ಧರಾಗಬಹುದು ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಹೇಳಿದೆ.