ಜಾಗತಿಕ ಮಟ್ಟದಲ್ಲಿ ಕೋವ್ಯಾಕ್ಸಿನ್​ ಗಮನಾರ್ಹ ಸಾಧನೆ : ಐಸಿಎಂಆರ್ ಟ್ವೀಟ್​

ನವದೆಹಲಿ ಮೂಲದ ಆಲ್ ಇಂಡಿಯಾ ಇನ್ಸ್‌ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (ಏಮ್ಸ್) ಗುರುವಾರ ಸ್ಥಳೀಯವಾಗಿ ಅಭಿವೃದ್ಧಿ ಹೊಂದಿದ ಕೊರೊನಾ ಲಸಿಕೆ 'ಕೊವಾಕ್ಸಿನ್'ನ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಕ್ಕೆ ಸ್ವಯಂಸೇವಕರನ್ನು ಆಹ್ವಾನಿಸಿದೆ..

ನವದೆಹಲಿ: ಕೋವಾಕ್ಸಿನ್ ಎಂಬ ಕೋವಿಡ್ -19 ವಿರುದ್ಧದ ಭಾರತೀಯ ಲಸಿಕೆಯು ಜಾಗತಿಕ ಗಮನ ಸೆಳೆದಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಹೇಳಿದೆ.

ಟ್ವೀಟ್​ ಮೂಲಕ ಐಸಿಎಂಆರ್ ಮಾಹಿತಿ ನೀಡಿದ್ದು"ಐಸಿಎಂಆರ್-ಭಾರತ್ ಬಯೋಟೆಕ್ ಸಹಯೋಗದ ಉತ್ಪನ್ನವಾದ ಕೊರೊನಾ ವಿರುದ್ಧದ ಕೊವಾಕ್ಸಿನ್ ಲಸಿಕೆ ಗಮನಾರ್ಹ ಸಾಧನೆ ಮಾಡುತ್ತದೆ. ಮೊದಲ ಮತ್ತು ಎರಡನೇ ಹಂತದ ಕೋವಾಕ್ಸಿನ್ ಪ್ರಯೋಗ ಫಲಿತಾಂಶಗಳು ಭಾರತದಲ್ಲಿ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಕ್ಕೆ ದಾರಿ ಮಾಡಿಕೊಟ್ಟಿವೆ. ಪ್ರಸ್ತುತ 22 ಸ್ಥಳಗಳಲ್ಲಿ ಪ್ರಯೋಗ ನಡೆಯುತ್ತಿದೆ" ಎಂದು ತಿಳಿಸಿದೆ.

ಇದನ್ನು ಓದಿ: ಪ್ರಧಾನಿ ಮೋದಿ ಜೊತೆ ಕೋಲಾರದ ರೈತ ವಿಡಿಯೋ ಸಂವಾದ!

ನವದೆಹಲಿ ಮೂಲದ ಆಲ್ ಇಂಡಿಯಾ ಇನ್ಸ್‌ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (ಏಮ್ಸ್) ಗುರುವಾರ ಸ್ಥಳೀಯವಾಗಿ ಅಭಿವೃದ್ಧಿ ಹೊಂದಿದ ಕೊರೊನಾ ಲಸಿಕೆ 'ಕೊವಾಕ್ಸಿನ್'ನ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಕ್ಕೆ ಸ್ವಯಂಸೇವಕರನ್ನು ಆಹ್ವಾನಿಸಿದೆ. ಈ ಪ್ರಯೋಗದ ಹಿನ್ನೆಲೆ ಪ್ರತ್ಯೇಕ ಸ್ಥಳವು ನಿಗದಿಯಾಗಿದೆ.