ನವದೆಹಲಿ: ಜನರಿಕ್ ಆವೃತ್ತಿಯ ಮೊಲ್ನುಪಿರವಿರ್ ತಯಾರಿಸಲು ಮತ್ತು ಮಾರುಕಟ್ಟೆಗೆ ತರಲು ದೇಶದ ಹಲವಾರು ಔಷಧೀಯ ಕಂಪನಿಗಳಿಗೆ ಡ್ರಗ್ ಕಂಟ್ರೋಲರ್ ತುರ್ತು ಬಳಕೆಯ ಅಧಿಕಾರ ನೀಡಿದೆ. ಇದರಿಂದ ಭಾರತ ದೇಶವು ಕೋವಿಡ್ -19 ಆ್ಯಂಟಿವೈರಲ್ ಸಾಮಾನ್ಯ ಔಷಧ ಉತ್ಪಾದನೆಯ ಮೂಲಕ ಅತಿದೊಡ್ಡ ಜಾಗತಿಕ ಕೇಂದ್ರವಾಗಲಿದೆ ಎಂದು ಫಿಚ್ ಸೊಲ್ಯೂಷನ್ಸ್ ತಿಳಿಸಿದೆ.
ಒಮಿಕ್ರಾನ್ ಪ್ರಕರಣಗಳು ಹೆಚ್ಚಾಗುತ್ತಿದ್ದು ಮೊಲ್ನುಪಿರವಿರ್ನಿಂದ ಆಸ್ಪತ್ರೆಗೆ ದಾಖಲಾಗುವವರು ಹಾಗೂ ಸಾವುಗಳ ಮಟ್ಟ ತಗ್ಗಿಸಲು ನೆರವಾಗುತ್ತದೆ ಎಂದು ಫಿಚ್ ತಿಳಿಸಿದೆ.
ಲಾಗೆವ್ರಿಯೊ (ಮೊಲ್ನುಪಿರವಿರ್) ಅನ್ನು ಮೆರ್ಕ್ ಮತ್ತು ರಿಡ್ಜ್ಬ್ಯಾಕ್ ಬಯೋಥೆರಪೋಟಿಕ್ಸ್ ಅಭಿವೃದ್ಧಿಪಡಿಸಿದ್ದು, ಸೌಮ್ಯ ಕೋವಿಡ್ ಸೋಂಕು ಹೊಂದಿರುವ ವಯಸ್ಕರಿಗೆ ಚಿಕಿತ್ಸೆ ನೀಡಲು ಇದು ಮೊದಲ ಮೌಖಿಕ ಆಂಟಿವೈರಲ್ ಔಷಧವಾಗಿದೆ.