ನಾವೇ ಹೆಚ್ಚು... ನಾವೇ ಮೊದಲು... ವಿಶ್ವದಲ್ಲಿ ಅತಿವೇಗದ ವಾಕ್ಸಿನೇಷನ್​

ಸುಮಾರು 27.27 ಕೋಟಿ ಜನರು ಮೊದಲ ಡೋಸ್​ ಪಡೆದರೆ, 5.84 ಕೋಟಿ ಜನರು 2ನೇ ಡೋಸ್​ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್​ ಅಗರ್ವಾಲ್​ ಹೇಳಿದ್ದಾರೆ

ನವದೆಹಲಿ: ಕೊರೊನಾ ಹೊಡೆದೋಡಿಸಲು ಭಾರತ ಸರ್ಕಾರ ಪಣತೊಟ್ಟಿದೆ. ಪರಿಣಾಮ ಅಮೆರಿಕವನ್ನೂ ಹಿಂದಿಕ್ಕಿ ಭಾರತ ಮುನ್ನುಗ್ಗುತ್ತಿದೆ. 32 ಕೋಟಿಗಿಂತಲೂ ಹೆಚ್ಚು ವಾಕ್ಸಿನೇಷನ್​ ನೀಡಿದೆ. ಈ 32 ಕೋಟಿ ಲಸಿಕೆಯನ್ನು ಹಾಕಲು ಭಾರತ ತೆಗೆದುಕೊಂಡಿದ್ದು ಕೇವಲ 163 ದಿವಸ.

ನಾವೇ ಹೆಚ್ಚು... ನಾವೇ ಮೊದಲು... ವಿಶ್ವದಲ್ಲಿ ಅತಿವೇಗದ ವಾಕ್ಸಿನೇಷನ್​

ಆದರೆ ಇದೇ 32 ಕೋಟಿ ಜನರಿಗೆ ಲಸಿಕೆ ನೀಡಲು ಅಮೆರಿಕ ತೆಗೆದುಕೊಂಡ ಒಟ್ಟು ಅವಧಿ 193 ದಿವಸ ಅನ್ನುವುದು ವಿಶೇಷ. ಈ ಅಂಕಿ - ಅಂಶಗಳನ್ನ ಕೇಂದ್ರ ಆರೋಗ್ಯ ಇಲಾಖೆ ಇಂದು ನೀಡಿದ್ದು, ಭಾರತದ ಸಾಧನೆಯನ್ನು ದೇಶದ ಜನರ ಮುಂದಿಟ್ಟಿದೆ. ಸುಮಾರು 27.27 ಕೋಟಿ ಜನರು ಮೊದಲ ಡೋಸ್​ ಪಡೆದರೆ, 5.84 ಕೋಟಿ ಜನರು 2ನೇ ಡೋಸ್​ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್​ ಅಗರ್ವಾಲ್​ ಹೇಳಿದ್ದಾರೆ.

ಪಾಸಿಟಿವ್​ ಕೇಸ್​ಗಳಲ್ಲಿ ನಿರಂತರ ಇಳಿಕೆ

ಈ ನಡುವೆ ದಿನಕ್ಕೆ ನಾಲ್ಕು ಲಕ್ಷಕ್ಕೆ ತಲುಪುತ್ತಿದ್ದ ಪಾಸಿಟಿವ್ ಪ್ರಕರಣಗಳ ಸಂಖ್ಯೆ ಈಗ ಸಾವಿರದ ಲೆಕ್ಕಕ್ಕೆ ಇಳಿಕೆ ಕಂಡಿದೆ. ಇದು ದೇಶದ ಜನರು ನಿಟ್ಟುಸಿರು ಬಿಡುವಂತೆ ಮಾಡಿದೆ. ನಿರಂತರವಾಗಿ ಧನಾತ್ಮಕ ಕೇಸ್​ಗಳು ಇಳಿಕೆ ಕಂಡು ಬರುತ್ತಿದ್ದು, ಚೇತರಿಕೆ ಪ್ರಮಾಣ ಶೇ 96.9ಕ್ಕೆ ಏರಿಕೆ ಕಂಡಿದೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್ ಅಗರ್ವಾಲ್ ಸ್ಪಷ್ಟಪಡಿಸಿದ್ದಾರೆ.