ಭೋಪಾಲ್/ಚಂಡೀಗಢ: ರಷ್ಯಾ ಹಾಗೂ ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದ ಪರಿಣಾಮ ಭಾರತದ ಮಾರುಕಟ್ಟೆ ಅಲುಗಾಡಿದೆ. ರಷ್ಯಾ ಮತ್ತು ಉಕ್ರೇನ್ ಎರಡರಿಂದಲೂ ಸೂರ್ಯಕಾಂತಿ ಎಣ್ಣೆಯನ್ನು ಭಾರತ ಆಮದು ಮಾಡಿಕೊಳ್ಳುತ್ತದೆ. ಇನ್ನು ಈ ಯುದ್ಧದ ಪರಿಣಾಮ ಇಂದು ಭಾರತೀಯ ಚಿಲ್ಲರೆ ಮಾರುಕಟ್ಟೆಯಲ್ಲಿ ಕೆಜಿಗೆ 20/30 ರೂ. ಹೆಚ್ಚಿಗೆಯಾಗಿದೆ.
ಸೂರ್ಯಕಾಂತಿ ಜತೆಗೆ ತಾಳೆ ಎಣ್ಣೆ, ಸೋಯಾಬೀನ್ ಎಣ್ಣೆ ಬೆಲೆಯಲ್ಲಿಯೂ ಏರಿಕೆಯಾಗಿದೆ. ಈ ಸಂಬಂಧ ಈಟಿವಿ ಭಾರತದ ಜೊತೆ ಮಾತನಾಡಿದ ಭೋಪಾಲ್‌ನ ದಿನಸಿ ವ್ಯಾಪಾರಿ ವಿವೇಕ್ ಸಾಹು, ಯುದ್ಧದ ಆರಂಭದಿಂದಲೂ ಖಾದ್ಯಗಳ ಬೆಲೆಯಲ್ಲಿ ಏರಿಕೆ ಕಂಡುಬಂದಿದೆ. ವಿವಿಧ ರೀತಿಯ ತೈಲಗಳ ಬೆಲೆಗಳು ಕೆಜಿಗೆ ಸರಾಸರಿ 30 ರಿಂದ 40 ರೂ. ವರೆಗೆ ಹೆಚ್ಚಾಗಿದೆ. ಇನ್ನು ಸೂರ್ಯಕಾಂತಿ ಎಣ್ಣೆ ಸಾಗಿಸುವ ಹಡಗುಗಳು ಅಲ್ಲಿಯೇ ನಿಂತಿವೆ. ಸಾಸಿವೆ ಮತ್ತು ಇತರ ಬೀಜಗಳಲ್ಲೂ ಸಹ ಏಕೆಯಾಗಿದೆ ಎಂದು ಹೇಳಿದರು.