ಭಾರತದಲ್ಲಿ ಇಳಿಕೆ ಕಂಡ ಕೋವಿಡ್​ ಕೇಸ್​.. 3,92,864 ಕೇಸ್​ಗಳು ಇನ್ನೂ ಆ್ಯಕ್ಟಿವ್​​​

ಭಾರತದಲ್ಲಿ ಕಳೆದ ಹಲವು ದಿನಗಳಿಂದ ಇದೇ ಮೊದಲ ಬಾರಿಗೆ ಅತಿ ಕಡಿಮೆ ಕೋವಿಡ್ ಪ್ರಕರಣಗಳು ದಾಖಲಾಗಿವೆ.

ನವದೆಹಲಿ:ಭಾರತದಲ್ಲಿ ಹೊಸದಾಗಿ 31,222 ಕೋವಿಡ್ ಪ್ರಕರಣಗಳು ಪತ್ತೆಯಾಗಿದ್ದು, ಸೋಂಕಿತರ ಸಂಖ್ಯೆ 3,30,58,843ಕ್ಕೆ ಏರಿಕೆಯಾಗಿದೆ. ಕಳೆದ 24 ಗಂಟೆಗಳಲ್ಲಿ 290 ಜನರು ವೈರಸ್​ಗೆ ಬಲಿಯಾಗಿದ್ದು, ಮೃತರ ಸಂಖ್ಯೆ 4,41,042 ಆಗಿದೆ.

ನಿನ್ನೆ 42,942 ಜನರು ವೈರಸ್​ನಿಂದ ಗುಣಮುಖರಾಗಿದ್ದು, ಈವರೆಗೆ 3,22,24,937 ಮಂದಿ ಕೊರೊನಾದಿಂದ ಚೇತರಿಸಿಕೊಂಡಿದ್ದಾರೆ. ಸದ್ಯ ದೇಶದಲ್ಲಿ 3,92,864 ಸಕ್ರಿಯ ಪ್ರಕರಣಗಳಿವೆ.

ಸೆಪ್ಟೆಂಬರ್ 6 ರಂದು 15,26,056 ಗಂಟಲು ದ್ರವ ಪರೀಕ್ಷೆ ಮಾಡಲಾಗಿದ್ದು, ನಿನ್ನೆವರೆಗೆ 56,31,89,348 ಸ್ಯಾಂಪಲ್​ಗಳನ್ನು ಟೆಸ್ಟ್ ಮಾಡಲಾಗಿದೆ. ಈವರೆಗೆ 69,90,62,776 ವ್ಯಾಕ್ಸಿನ್ ಡೋಸ್​ಗಳನ್ನು ನೀಡಲಾಗಿದೆ.