ದೇಶದಲ್ಲಿ ನಿನ್ನೆ 1,761 ಮಂದಿ​ ಸೋಂಕಿತರು ಸಾವು: 2.59 ಲಕ್ಷ ಹೊಸ ಕೇಸ್​ ಪತ್ತೆ

ಕೇವಲ 24 ಗಂಟೆಗಳಲ್ಲಿ 2,59,170 ಹೊಸ ಕೇಸ್​ಗಳು ಹಾಗೂ 1,761 ಸಾವು ದೇಶದಲ್ಲಿ ವರದಿಯಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 20 ಲಕ್ಷಕ್ಕೇರಿಕೆಯಾಗಿದೆ.

ನವದೆಹಲಿ:ಆಸ್ಪತ್ರೆಗಳಲ್ಲಿ ಹಾಸಿಗೆ- ಆಮ್ಲಜನಕದ ಕೊರತೆ.. ಸ್ಮಶಾನದಲ್ಲಿ ಮೃತದೇಹಗಳ ಅಂತ್ಯಸಂಸ್ಕಾರಕ್ಕೆ ಸಾಲದ ಸ್ಥಳಾವಕಾಶ. ಇಂತಹ ಕಠಿಣ ಪರಿಸ್ಥಿತಿಯನ್ನು ಭಾರತದಲ್ಲಿ ತಂದಿಟ್ಟಿರುವ ಕೊರೊನಾ ಇನ್ನೂ ತನ್ನ ಅಟ್ಟಹಾಸ ನಿಲ್ಲಿಸುತ್ತಿಲ್ಲ. ಸೋಮವಾರ ಒಂದೇ ದಿನ ಅತೀ ಹೆಚ್ಚು ಅಂದರೆ 1,761 ಮಂದಿ​ ಸೋಂಕಿತರನ್ನು ಬಲಿ ಪಡೆದಿದೆ.

2,59,170 ಹೊಸ ಕೇಸ್​ಗಳು ಕೇವಲ 24 ಗಂಟೆಗಳಲ್ಲಿ ಪತ್ತೆಯಾಗಿವೆ. ದೇಶದಲ್ಲೀಗ ಸೋಂಕಿತರ ಸಂಖ್ಯೆ 1,53,21,089 ಹಾಗೂ ಮೃತರ ಸಂಖ್ಯೆ 1,80,530ಕ್ಕೆ ಏರಿಕೆಯಾಗಿದೆ. ನಿನ್ನೆ 1,54,761 ಸೋಂಕಿತರು ಆಸ್ಪತ್ರೆಯಿಂದ ಡಿಸ್ಚಾರ್ಜ್​​ ಆಗಿದ್ದು, ಈವರೆಗೆ 1,31,08,582 ಮಂದಿ ವೈರಸ್​ ಸುಳಿಯಿಂದ ಹೊರಬಂದಿದ್ದಾರೆ.

20 ಲಕ್ಷಕ್ಕೇರಿಕೆಯಾದ ಸಕ್ರಿಯ ಪ್ರಕರಣಗಳು

ಕಳೆದ ತಿಂಗಳಲ್ಲಿ ಒಂದು ಲಕ್ಷದವರೆಗೂ ಇಳಿಕೆ ಕಂಡಿದ್ದ ದೇಶದ ಕೋವಿಡ್​ ಸಕ್ರಿಯ ಪ್ರಕರಣಗಳು ಕೊರೊನಾ ಎರಡನೇ ಅಲೆಯ ಉಲ್ಬಣದಿಂದಾಗಿ 20,31,977ಕ್ಕೆ ಹೆಚ್ಚಳವಾಗಿದೆ.

12.71 ಲಕ್ಷ ಮಂದಿಗೆ ಲಸಿಕೆ

ಕೋವಿಡ್​ ಲಸಿಕಾಭಿಯಾನದಡಿಯಲ್ಲಿ ಜನವರಿ 16ರಿಂದ ಈವರೆಗೆ ಒಟ್ಟು 12,71,29,113 ಮಂದಿಗೆ ವ್ಯಾಕ್ಸಿನ್​ ನೀಡಲಾಗಿತ್ತು. ಮೇ 1ರಿಂದ ಮೂರನೇ ಹಂತದ ವ್ಯಾಕ್ಸಿನೇಷನ್​​ ಡ್ರೈವ್​ ಆರಂಭವಾಗುತ್ತಿದ್ದು, 18 ವರ್ಷ ಮೇಲ್ಪಟ್ಟವರೂ ಲಸಿಕೆ ಪಡೆಯಲು ಅರ್ಹರು ಎಂದು ಕೇಂದ್ರ ಆರೋಗ್ಯ ಇಲಾಖೆ ತಿಳಿಸಿದೆ.