ನವದೆಹಲಿ : 2022ರಲ್ಲಿ ಸುಮಾರು 62 ಲಕ್ಷ ವಿದೇಶಿ ಪ್ರವಾಸಿಗರು ಭಾರತಕ್ಕೆ ಆಗಮಿಸಿದ್ದಾರೆ. ಅದರ ಹಿಂದಿನ ವರ್ಷ (2021ರಲ್ಲಿ) 15.25 ಲಕ್ಷ ಪ್ರವಾಸಿಗರು ಭೇಟಿ ನೀಡಿದ್ದರು. ಕಳೆದ ವರ್ಷಕ್ಕೆ ಹೋಲಿಸಿದರೆ ಪ್ರವಾಸಿಗರ ಭೇಟಿಯು ಶೇ. 300ರಷ್ಟು ಏರಿಕೆಯಾಗಿದೆ ಎಂದು ಕೇಂದ್ರ ಪ್ರವಾಸೋದ್ಯಮ ಸಚಿವ ಜಿ ಕಿಶನ್ ರೆಡ್ಡಿ ಶುಕ್ರವಾರ ರಾಜ್ಯಸಭೆಯಲ್ಲಿ ತಿಳಿಸಿದ್ದಾರೆ. ದೇಶದಲ್ಲಿ ಕೋವಿಡ್-19 ಸಾಂಕ್ರಾಮಿಕ ರೋಗ ತಗ್ಗಿದ ನಂತರ ವಿದೇಶಿ ಪ್ರವಾಸಿಗರ ಒಳಹರಿವು ಹೆಚ್ಚಾಗಿದೆಯೇ? ಎಂದು ಆಮ್ ಆದ್ಮಿ ಪಕ್ಷದ ಸಂಸದ ನರೇನ್ ದಾಸ್ ಗುಪ್ತಾ ಅವರ ಪ್ರಶ್ನೆಗೆ ಉತ್ತರಿಸುವಾಗ ಲಿಖಿತ ಉತ್ತರದ ಮೂಲಕ ಈ ಮಾಹಿತಿ ನೀಡಲಾಗಿದೆ.
ಇದನ್ನೂ ಓದಿ :ಅಬಕಾರಿ ಆದಾಯಕ್ಕೆ ಕಟ್ಟುಬಿದ್ದ ಆಂಧ್ರ ಸರ್ಕಾರ: ಸಾರಾಯಿ ನಿಷೇಧ ವಾಗ್ದಾನ ಮರೆತರಾ ಸಿಎಂ ಜಗನ್?
ಇದಕ್ಕೆ ಉತ್ತರಿಸಿದ ಕೇಂದ್ರ ಸಚಿವರು, 'ದೇಶದಲ್ಲಿ ಕೋವಿಡ್-19 ಸಾಂಕ್ರಾಮಿಕ ರೋಗ ತಗ್ಗಿದ ನಂತರ ವಿದೇಶಿ ಪ್ರವಾಸಿಗರ ಒಳಹರಿವು ಹೆಚ್ಚಾಗಿದೆ' ಎಂದು ಉತ್ತರಿಸಿದರು. 2022 ರಲ್ಲಿ 61,91,399 ವಿದೇಶಿ ಪ್ರವಾಸಿಗರು ಭಾರತಕ್ಕೆ ಭೇಟಿ ನೀಡಿದರೆ, 2021 ರಲ್ಲಿ ಈ ಸಂಖ್ಯೆ 15,27,114 ರಷ್ಟಿದೆ ಎಂದು ಅವರು 2022 ಮತ್ತು 2021 ರ ತಿಂಗಳವಾರು ಡೇಟಾವನ್ನು ಸದನದ ಎದುರು ಬಿಚ್ಚಿಟ್ಟರು.
ಇದನ್ನೂ ಓದಿ :ಸಂಸತ್ತಿನಲ್ಲಿ ಅದಾನಿ, ರಾಹುಲ್ ಹೇಳಿಕೆ ಗದ್ದಲ: ಅಧಿವೇಶನ ಮತ್ತೆ ಮುಂದೂಡಿಕೆ; ಕಾಂಗ್ರೆಸ್ ಪ್ರತಿಭಟನೆ
ವಿದೇಶಿ ಪ್ರವಾಸಿಗರಿಗೆ 5 ಲಕ್ಷ ವೀಸಾ ವಿತರಿಸಿದ ಭಾರತ:ಭಾರತಕ್ಕೆ ಭೇಟಿ ನೀಡುವ ವಿದೇಶಿ ಪ್ರವಾಸಿಗರಿಗೆ ಯಾವುದೇ ವಿಶೇಷ ರಿಯಾಯಿತಿ ಮತ್ತು ಸೌಲಭ್ಯಗಳನ್ನು ನೀಡಲಾಗುತ್ತಿದೆಯೇ? ಎಂಬ ಪ್ರಶ್ನೆಗೆ ಉತ್ತರಿಸಿದ ಸಚಿವರು, 'ಕೋವಿಡ್ ನಂತರ ಭಾರತಕ್ಕೆ ಬರುವ ವಿದೇಶಿ ಪ್ರವಾಸೋದ್ಯಮವನ್ನು ಪುನರುಜ್ಜೀವನಗೊಳಿಸಲು ಮತ್ತು ದೇಶದಲ್ಲಿ ವಿದೇಶಿ ಪ್ರವಾಸಿಗರನ್ನು ಆಕರ್ಷಿಸಲು, ಭಾರತ ಸರ್ಕಾರವು ಪ್ರವಾಸಿಗರಿಗೆ ಮೊದಲ 5 ಲಕ್ಷ ವೀಸಾಗಳನ್ನು ವಿಸ್ತರಿಸಿದೆ ಎಂದರು.