India Covid Update: 24 ಗಂಟೆಗಳಲ್ಲಿ 11,271 ಹೊಸ ಸೋಂಕಿತರು ಪತ್ತೆ, 285 ಮಂದಿ ಸಾವು

ಭಾರತದಲ್ಲಿ ಇಲ್ಲಿಯವರೆಗೆ ಒಟ್ಟು 3,44,37,412 ಮಂದಿಗೆ ಕೊರೊನಾ ವೈರಸ್​​ ಅಂಟಿದ್ದು, ಇವರಲ್ಲಿ 3,38,37,859 ಜನರು ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ. ಕಳೆದ 24 ಗಂಟೆಗಳಲ್ಲಿ 11,271 ಹೊಸ ಕೇಸ್​ಗಳು ಪತ್ತೆಯಾಗಿವೆ.

ನವದೆಹಲಿ: ಕಳೆದ 24 ಗಂಟೆಗಳಲ್ಲಿ ದೇಶಾದ್ಯಂತ 11,271 ಕೋವಿಡ್​ ಸೋಂಕಿತರು ಪತ್ತೆಯಾಗಿದ್ದು, 285 ಮಂದಿ ಸಾವನ್ನಪ್ಪಿದ್ದಾರೆ. ದೇಶದಲ್ಲಿ ಒಟ್ಟು ಕೊರೊನಾ ಕೇಸ್​ಗಳ ಸಂಖ್ಯೆ (Covid Cases) 3,44,37,412 ಹಾಗೂ ಮೃತರ ಸಂಖ್ಯೆ (Covid Deaths) 4,63,530ಕ್ಕೆ ಹೆಚ್ಚಳವಾಗಿದೆ.

ನಿನ್ನೆ ಒಂದೇ ದಿನ 11,376 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಹೊರಬಂದಿದ್ದು, ಇಲ್ಲಿಯವರೆಗೆ ಶೇ.98.26 ಅಂದರೆ ಒಟ್ಟು 3,38,37,859 ಜನರು ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ. 17 ತಿಂಗಳ ಬಳಿಕ ಬಳಿಕ ಆ್ಯಕ್ಟಿವ್​​ ಕೇಸ್​ಗಳ ಪ್ರಮಾಣ ಶೇ.0.49ಕ್ಕೆ ಇಳಿಕೆ ಕಂಡಿದ್ದು, ಸದ್ಯ 1,35,918 ಪ್ರಕರಣಗಳು ಸಕ್ರಿಯವಾಗಿವೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದೆ.

ಭಾರತದ ಕೋವಿಡ್​ ವರದಿ

ಇದನ್ನೂ ಓದಿ: ದೆಹಲಿಯಲ್ಲಿ ಒಂದು ವಾರ ಶಾಲೆ ಬಂದ್​ ​, ಸರ್ಕಾರಿ ಸಿಬ್ಬಂದಿಗೆ ವರ್ಕ್‌ ಫ್ರಮ್‌ ಹೋಮ್‌

112.01 ಕೋಟಿ ಡೋಸ್​ ವ್ಯಾಕ್ಸಿನೇಷನ್​

ಕೋವಿಡ್​ ವ್ಯಾಕ್ಸಿನೇಷನ್​ನಲ್ಲಿ ಐತಿಹಾಸಿಕ ಮೈಲಿಗಲ್ಲು ಸಾಧಿಸಿರುವ ಭಾರತ ಈವರೆಗೆ 112.01 ಕೋಟಿಗೂ ಅಧಿಕ ಡೋಸ್​ ವ್ಯಾಕ್ಸಿನ್ ವಿತರಿಸಿದೆ.