ಉನ್ನತ ಶಿಕ್ಷಣಕ್ಕೆ ದಾಖಲಾಗುವ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಏರಿಕೆ: ಕೇಂದ್ರ ಶಿಕ್ಷಣ ಸಚಿವಾಲಯದಿಂದ ಸಮೀಕ್ಷೆ ಪ್ರಕಟ

ಕಳೆದ ಐದು ವರ್ಷಗಳಿಗೆ ಹೋಲಿಕೆ ಮಾಡಿದಾಗ ಉನ್ನತ ಶಿಕ್ಷಣಕ್ಕೆ ದಾಖಲಾಗುತ್ತಿರುವ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಭಾರಿ ಏರಿಕೆ ಕಂಡು ಬಂದಿದೆ. ಈ ಸಂಬಂಧ ಶಿಕ್ಷಣ ಸಚಿವಾಲಯ ಸಮೀಕ್ಷೆಯ ಅಂಕಿ - ಅಂಶಗಳನ್ನು ಪ್ರಕಟಿಸಿದೆ

ನವದೆಹಲಿ:ಭಾರತದಲ್ಲಿ ಉನ್ನತ ಶಿಕ್ಷಣಕ್ಕೆ ದಾಖಲಾಗುತ್ತಿರುವ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಏರಿಕೆ ಕಾಣುತ್ತಿದೆ. 2020-21ರಲ್ಲಿ 4. 14 ಕೋಟಿ ವಿದ್ಯಾರ್ಥಿಗಳು ದಾಖಲಾಗಿದ್ದಾರೆ. 2014-15ರಿಂದ ಉನ್ನತ ಶಿಕ್ಷಣಕ್ಕೆ ದಾಖಲಾಗುತ್ತಿರುವ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಶೇ 21ರಷ್ಟು ಅಂದರೆ ಸರಿ ಸುಮಾರು 72 ಲಕ್ಷ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಏರಿಕೆ ಕಂಡು ಬಂದಿದೆ ಎಂದು ಉನ್ನತ ಶಿಕ್ಷಣದ ಮೇಲಿನ ಅಖಿಲ ಭಾರತ ಸಮೀಕ್ಷೆ (ಎಐಎಸ್​ಎಚ್​ಇ) 2020-2021 ತಿಳಿಸಿದೆ.

ಉತ್ತರಪ್ರದೇಶ, ಮಹಾರಾಷ್ಟ್ರ, ತಮಿಳುನಾಡು, ಮಧ್ಯಪ್ರದೇಶ, ಕರ್ನಾಟಕ ಮತ್ತು ರಾಜಸ್ಥಾನದಲ್ಲಿ ಅತಿ ಹೆಚ್ಚಿನ ಸಂಖ್ಯೆಯ ವಿದ್ಯಾರ್ಥಿಗಳು ದಾಖಲಾಗುತ್ತಿದ್ದಾರೆ. 2014-15ಕ್ಕೆ ಹೋಲಿಕೆ ಮಾಡಿದರೆ, 2020-21ರಲ್ಲಿ ಈ ದಾಖಲಾತಿ ಸಂಖ್ಯೆಯಲ್ಲಿ ಏರಿಕೆ ಕಂಡಿದೆ. ಪದವಿ ಮುಗಿಸಿ, ಉನ್ನತ ಶಿಕ್ಷಣಕ್ಕೆ ದಾಖಲಾಗುವ ವಿದ್ಯಾರ್ಥಿಗಳಲ್ಲಿ ಶೇ 33.5ರಷ್ಟ ಮಂದಿ ಕಲಾ ವಿಭಾಗಕ್ಕೆ ದಾಖಲಾದರೆ, ಶೇ 15.5ರಷ್ಟು ವಿದ್ಯಾರ್ಥಿಗಳು ವಿಜ್ಞಾನ ವಿಭಾಗ ಮತ್ತು ಶೇ 13.9ರಷ್ಟು ಮಂದಿ ವಾಣಿಜ್ಯ ವಿಭಾಗ ಹಾಗೂ ಇಂಜಿನಿಯರಿಂಗ್​ ಮತ್ತು ತಾಂತ್ರಿಕತೆಗೆ ಶೇ 11.9 ರಷ್ಟು ಮಂದಿ ದಾಖಲಾಗಿದ್ದಾರೆ.

ಯಾವ ವಿಭಾಗಕ್ಕೆ ಎಷ್ಟು ಮಂದಿ: ಉನ್ನತ ಶಿಕ್ಷಣದಲ್ಲಿ ಅಧಿಕ ಪ್ರಮಾಣದಲ್ಲಿ ಎಂದರೆ ಶೇ 20. 56ರಷ್ಟು ಮಂದಿ ಸಮಾಜ ವಿಜ್ಞಾನ ದಾಖಲಾದರೆ, ಶೇ 14. 83ರಷ್ಟು ಮಂದಿ ವಿಜ್ಞಾನ ವಿಭಾಗಕ್ಕೆ ಸೇರಿಕೊಂಡಿದ್ದಾರೆ. ಒಟ್ಟಾರೆ ವಿಜ್ಞಾನ ಭಾಗದಲ್ಲಿ ಶೇ 55.5 ಲಕ್ಷ ವಿದ್ಯಾರ್ಥಿಗಳು ರಿಜಿಸ್ಟರ್​ ಮಾಡಿಕೊಂಡಿದ್ದಾರೆ, ಇದರಲ್ಲಿ ಶೇ 29.5 ಮಹಿಳಾ ವಿದ್ಯಾರ್ಥಿಗಳು, ಶೇ 26 ಲಕ್ಷ ಮಂದಿ ಪುರುಷ ವಿದ್ಯಾರ್ಥಿಗಳಾಗಿದ್ದಾರೆ. ಎಐಎಸ್​ಎಚ್​ಇ 2020-21 ಅನುಸಾರ, ಶೇ 79.06 ರಷ್ಟು ಮಂದು ಪದವಿಗೆ ದಾಖಲಾಗಿದ್ದಾರೆ. ಶೇ 11.5ರಷ್ಟು ಮಂದಿ ಉನ್ನತ ಶಿಕ್ಷಣಕ್ಕೆ ದಾಖಲಾಗಿದ್ದಾರೆ. ಇದರಲ್ಲಿ 2020-21ರಲ್ಲಿ 95.4 ಮಂದಿ ಉತ್ತೀರ್ಣರಾಗಿದ್ದರೆ, 2019-20ರಲ್ಲಿ 94 ಲಕ್ಷ ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ.

ಮಹಿಳಾ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಏರಿಕೆ: ಉನ್ನತ ಶಿಕ್ಷಣಕ್ಕೆ ದಾಖಲಾಗುತ್ತಿರುವ ಮಹಿಳೆಯರ ಸಂಖ್ಯೆಯಲ್ಲಿ ಏರಿಕೆ ಕಂಡು ಬಂದಿದೆ. 1. 88 ಕೋಟಿ ಯಿಂದ 2. 01ಕೋಟಿಗೆ ಏರಿಕೆಯಾಗಿದೆ. 2014 -15ರಲ್ಲಿ ಶೇ 45ರಷ್ಟಿದ್ದ ಮಹಿಳಾ ವಿದ್ಯಾರ್ಥಿಗಳ ಸಂಖ್ಯೆ 2020- 21ರಲ್ಲಿ ಶೇ 49ರಷ್ಟು ಏರಿಕೆ ಕಂಡು ಬಂದಿದೆ. 2011ರ ಜನಸಂಖ್ಯಾ ಅಂಕಿ ಅಂಶದ ಅನುಸಾರ 18ರಿಂದ 23ವರ್ಷದ ಗುಂಪಿನವರು ಉನ್ನತ ಶಿಕ್ಷಣಕ್ಕೆ ದಾಖಲಾಗುತ್ತಿರುವ ಒಟ್ಟಾರೆ ದಾಖಲಾತಿ ಅನುಪಾತ (ಜಿಇಆರ್​) ಶೇ 25.6ರಿಂದ ಶೇ 27. 6ಕ್ಕೆ ಏರಿಕೆ ಕಂಡಿದೆ.

ಉನ್ನತ ಶಿಕ್ಷಣದಲ್ಲಿ ಶಿಕ್ಷಕರ ಸಂಖ್ಯೆಯಲ್ಲೀ ಕೂಡ ಹೆಚ್ಚಳ ಕಂಡು ಬಂದಿದೆ. ಒಟ್ಟಾರೆ 15,51,070 ಶಿಕ್ಷಕರಲ್ಲಿ ಶೇ 57.1ರಷ್ಟು ಪುರಷರಾಗಿದ್ದರೆ, ಶೇ 42.9 ಮಹಿಳೆಯರಾಗಿದ್ದಾರೆ. ಮಹಿಳಾ ಸಿಬ್ಬಂದಿಗಳ ಸಂಖ್ಯೆಯಲ್ಲಿ ಶೇ 100ರಷ್ಟು ಅಭಿವೃದ್ದಿ ಕಂಡು ಬಂದಿದೆ. 2014-15ರಲ್ಲಿ ಈ ಸಂಖ್ಯೆ ಶೇ 63ರಷ್ಟು ಇತ್ತು. ಇದೀಗ 2020-21ರಲ್ಲಿ ಶೇ 75ರಷ್ಟಿದೆ.

ಈಶಾನ್ಯ ರಾಜ್ಯದಲ್ಲೂ ಏರಿಕೆ ಕಂಡ ಸಂಖ್ಯೆ: ಈಶಾನ್ಯ ರಾಜ್ಯಗಳ ವಿದ್ಯಾರ್ಥಿಗಳ ದಾಖಲಾತಿ ಸಂಖ್ಯೆ ಕೂಡ ಏರಿಕೆ ಕಂಡು ಬಂದಿದೆ. 2015-15ರಲ್ಲಿ 9.36ಲಕ್ಷ ಇದ್ದ ಈ ಸಂಖ್ಯೆ 2020-21ರಲ್ಲಿ ಶೇ 12.06 ಲಕ್ಷ ಆಗಿದೆ. ಈಶಾನ್ಯರಾಜ್ಯಗಳಲ್ಲಿ ಉನ್ನತ ಶಿಕ್ಷಣಕ್ಕೆ ದಾಖಲಾಗುತ್ತಿರುವ ಮಹಿಳಾ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಏರಿಕೆ ಕಂಡಿದೆ. 2014-15ರಿಂದ ಒಟ್ಟಾರೆ 191 ಹೊಸ ಉನ್ನತ ಶಿಕ್ಷಣ ಸಂಸ್ಥೆಗಳು ಈಶಾನ್ಯ ರಾಜ್ಯದಲ್ಲಿ ಸ್ಥಾಪಿತವಾಗಿದೆ.

ಸಮೀಕ್ಷ ಅನುಸಾರ ಅತಿ ಹೆಚ್ಚಿನ ವಿಶ್ವವಿದ್ಯಾಲಯಗಳು ರಾಜಸ್ಥಾನ (92), ಉತ್ತರ ಪ್ರದೇಶ (84) ಮತ್ತು ಗುಜರಾತ್​​ (83)ನಲ್ಲಿದೆ. ಅತಿ ಹೆಚ್ಚು ಕಾಲೇಜು ಪ್ರಮಾಣ ಕರ್ನಾಟಕ (62), ತೆಲಂಗಾಣ (53), ಕೇರಳ (50), ಹಿಮಾಚಲ ಪ್ರದೇಶ (50), ಆಂಧ್ರ ಪ್ರದೇಶ (49), ಉತ್ತರಾ ಖಂಡ (40) ರಾಜಸ್ಥಾನ (40), ತಮಿಳು ನಾಡು (40)ನಲ್ಲಿದೆ.

ಇದನ್ನೂ ಓದಿ:ಸಿಗರೇಟು ಸೇದುವ ವಿಚಾರವಾಗಿ ಗಲಾಟೆ: ಪೋಲೆಂಡ್‌ನಲ್ಲಿ ಮಲಯಾಳಿ ಯುವಕನ ಹತ್ಯೆ